मती 18
18
सोवारागदूत राइज रे मरंग ओकोय
(मरकुस 9:33–37; लूका 9:46–48)
1 #
लूका 22:24
तोब ईसु रेन चेलाकु ता उनी ठिनुः हेचकेते कुलिएदेयाकु, “सोवाराग रआ राइज रे सुबिन एते मरंग ओकोय हेकेय?”
2तोब ईसु ता मिहोर बालेच होपोन के आच ठिनुः होहो एदेयाय आर उनी के चेलाकु रआ ताला ठिनुः तिंगु केते मेताःकुवाय, 3#मर 10:15; लूका 18:17“इञ अपे के सच गामवापे कनिञ जोब तक चि अपे मोन कपे रुवाड़िया अरो बालेच होपोन लेका कपे बयुः रेदो अपे सोवाराग राइज रे कपे बोलो दड़िवाःआ। 4जहय नोय होपोन लेका नमर बयुः कनाकु, इनकुगी सोवाराग राइज रे सुबिन एते मरंग अकु।” 5अरो जहय मिहोर होपोन के इञ रआ लुतूम एते गरहन एयकानाकु, उनकु इञ के गरहन एञकानाकु।
पाप कराव रआ परिछा
(मरकुस 9:42–48; लूका 17:1–2)
6मुदा जे इञ रे बिसवास करावान, नोकु हुडिञकु रे ते जहय मिहोर के ठोकोरा एमायकाय, दो उनी के नुवां बुगिन होयुःआ चि मरंग जाता उनी रआ होटोः रे तोल केते अरो उनी के गहिड़ समुदर रे डुबाव काया होनांङ। 7दुनिया रेन होरकु के बेचोट कोसोट होयुःआ! चिलिमेनचि दुनिया रे पाप रआ कारन दो होयुः कनगिया, मुदा उनी होर के बेचोट कोसोट होयुःआ जे पाप रआ कारन बयुःकाय।
8 #
मती 5:30
इनाते जदि आम रआ ती चहे बका आम कथिर पाप रआ कारन बयुः काना, रेदो उना खन्डा केते गिड़ीकाम, चिलिमेनचि सोवाराग रे बे बका ती तहिकेते का मुडूः जीवन रे बोलोः आम कथिर बेचोट बुगिना, मुदा बनार ती अरो बनार बका रआ रहते का इड़िचोः अनाः सेंगेल रे ओलोय संजो मिकाय। 9#मती 5:29अरो जदि आम रआ मेत आम कथिर पाप रआ कारन बयुः काना, रेदो उना उडुङ गिड़ीकाम। बुगिन नियागी हेके चि आम काना केते गी का मुडूः जीवन रे बोलोः, मुदा बनार मेत रआ रहते नरक रआ सेंगेल रे ओलोम संजो नोःओ।
आत इनीः भेड़ी रआ कहनी
(लूका 15:3–7)
10 #
लूका 19:10
“चेम्पोर तहीःपे, मिहोर हुडिञ होपोन केहों ओलोपे तुछकुवा। इञ अपे के गामवापे कनिञ, उनकु रेन दूत सोवाराग रे हर घरीक इञ रिई सोवारगिये आबा रआ दरसन कनाकु। 11(जे आत केनाकु उनकु के बनचाव कथिर मनवा रिई होपोन हेरेल हेच्चेकानाय।)#18:11 नुवां मरी वनाः पोथी रे का ओल एकाना, 11 पद जोड़ाव एकाना।
12“उदुःएम आम चिलिकाः सोंचाः कनाम? जदि जहय ठिनुः साव भेड़ी हेनाकुवा अरो उनकु रे एते मियाः आत कोः रेदोय चिलि उनी निनानाबे भेड़िकु के टोंडाङ रिगी बागी केते उनी मियाः आत वनीः भेड़ी के दंड़ा काय सिनुःआय? 13उनी निचित गी सिनुःआय अरो उनी ता आत भेड़ी के नामकेयाय दो, इञ अपे के सच गामवापे कनिञ, चि उनकु निनानाबे के जे काकु आत केना, इमिनुः काय आनाद इयाय जेतना चि नोय आत वनीः भेड़ी कथिर आनाद मनावियाय। 14निंकागी अपे रिई आपु रआ जे सोवाराग रे हेनाया नुवां हिछा बनुःआं चि नेकु हुडिञ रे एते मिहोर हों ओलोकु नाठाव वोःका।
कठिक कामि वनकु रआ परति बेवहार
15 #
लूका 17:3
“जदि आम रिई बोयहा पाप कन रेदोय, एकला रे सेनकेते नाधनी गापाम केते सोमझाव काय, जदि उनी आम रआ ओनाव वेरेदोय अपन बोयहा के नमेः देयाम। 16#नियम 19:15जदि उनी आम रआ गानाम काय ओनाव कन रेदोय, मिहोर बार होर के संघे इदी कुम ताकि बार पेय होर रआ गोवाही रआ देंगा एते सुबिन्नाः रआ सबुद नमुःआं। 17जदि उनकु रआ हों काय ओनाव वेरेदोय, कलीसिया रेन के उदुः वकुमी अरो जदि उनी कलीसिया रेन रआ हों काय अयुम एरेदोय, उनी के गइर-जहुदी अरो मालगुजारी अगु वनीः लेका सोमझाःपे।
18 #
मती 16:19; जोह 20:23 “इञ अपे के सच उदुः वपेकानिञ जहन्नाः अपे ओते रे तोलियापे, उना सोवाराग रे परभु रआ दोवासते तोलियापे अरो जे अपे ओते रे रड़ायापे, सोवाराग रे परमेसर रआ दोवासते रड़ानोःओ। 19इञ अपे के नुवां हों गामवापे कनिञ चि नियां ओते रे जदि अपे रे एते जहय बार होर मीः मोत केते सोवाराग रे असतिर इञ रिई आपुञ एते जहन्नाः कोयियापे रेदो उनी अपे कथिर उना निचित गी पुरावियाय, 20चिलिमेनचि जे ठिनुः इञ रआ लुतूम एते बार होर चाहे पेय होर जमाः कनाकु, ओन्डो इञ उनकु लोः हेनाञा।”
काय छमा कराव वनीः धंगोर रआ कहनी
21 #
लूका 17:3,4 पतरस ता ईसु ठिनुः सेनकेते गामवादेयाय, “परभु, जदि इञ रिई बोयहा-मिसी इञ रआ बिरोध रे गुनाह कराव चित तहीः रेदोय, इञ चिमिन धांव उनी के छमायिञ? चिलि सात धांव तक?” 22#एटे 4:24 ईसु ता उनी के मेताःदेयाय, “इञ आम के नुवां काइञ गाम वामकाना चि सात धांव तक बङा मुदा सात धांव रआ सतर गुना तक#18:22 सात धांव रआ सतर गुना तक सात धांव रआ सतर गुना तक मोतलोब सोबदिन छमा चित तहीःपे।। 23इनाते सोवाराग रआ राइज उनी राजा रआ बराबोइर हेनाःआं जेकर एते अपन बन्धुवाकु एते लेखा-जोखा अगु चहावेनाय। 24जोब उनी लेखा-जोखा अगु एटेच एताय दो उनी ठिनुः मिहोर नुंकन बन्धुवा के अगुवेदेयाकु, जेकर रे तीन लाख चालिस हजार किलो रआ चांदी रआ टका रआ रीनी तहिकेना। 25मुदा उनी ठिनुः रीन रुवाड़ कथिर जहन्नाः का तहिकेना। इनाते मुवार ता हुकूम एमाःकुवाय चि उनी धंगोर के, उनी रिई एरा के अरो होपोन तेः के अरो जहन्नाः उनी रआ हेके सुबिन अखरीञ एपे, अरो रीन चुकावेपे। 26तोब उनी रिई बन्धुवा ता उनी के जोहार वते बका ठिनुः उयुः केते गोहराव हेलावेनाय, ‘इञ के समेय एमाञमी, सुबिन्नाः चुकाव वमिञ।’ 27नियां रे मुवार तके उनी बन्धुवा रे सोग हेच्चेना। मुवार ता उनी रआ रीन माफ केते उनी के बगी कदेयाय।
28“अरो जोब उनी बन्धुवा ओन्डो एते सिनुः केनाय, दो आच रिई मिहोर गाति बन्धुवा लोः नपाम्मेनाय जे उनी रआ चांदी रआ साव टका#18:28 चांदी रआ साव टका मियाः चांदी रआ टका मीः हिलोः रआ कमाय रआ बराबोइर हेनाःआं। रआ रीन तहिकेना उनी ता उनी के होटोः साप लिम्बोत केते मेताःदेयाय, ‘जेतना रीन आम ठिनुः हेनाःआं रुवाड़ वञमी।’ 29इना रे उनी रिई गाति बन्धुवा तेः उनी रआ बका रे उयुःएनाय अरो गोहराव एदेयाय, ‘समेय एमाञमी इञ रुवाड़ वमिञ।’ 30उनी काय मनाव केनाय, मुदा सेनकेते उनी के जेहेल ओड़ाः रे संजो कदेयाय चि जोब तक रीन काय रुवाड़ियाय, तोब तक एंडेगी तहीःकाय। 31एटाः गाति बन्धुवा ता सुबिन घटना नेल केते बेचोट दुखीनाय। अरो उनी ता जे घटना घटाव केना, सुबिन्नाः मुवार तेः ठिनुः सेनकेते उदुःवादेयाय। 32तोब उनी रिई मुवार ता बन्धुवा के होहो इरी केते गामवादेयाय, ‘ए कुचड़ बन्धुवा इञ आम रआ सुबिन रीन माफ कतिञ चिलिमेनचि आम इञ के गोहराव लेदेञाम। 33चिलि आम केहों अपन गाति बन्धुवा रे दया का देखाव तहिकेना जे लेका इञ आम रे दया लाःइञ?’ 34इनाते उनी रिई मुवार ता बेचोट खिसावेनाय अरो उनी के दंड एएमवानकु रआ ती रे सोंपाव कदेयाय जोब तक सुबिन रीन काय रुवाड़ केयाय।
35“जोब तक अपे अपन बोयहा-मिसी के अपन मोन एते कपे छमाकुवा दो इञ रिई सोवारगिये आबा हों अपे लोः इनकागी बेवहारियाय।”
Currently Selected:
मती 18: BIY
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
