मती 11

ईसु अरो जोहन बतिसमा एएमवानीः

(लूका 7:18–35)

1जोब ईसु अपन बारहों चेलाकु के नुवां सिख एम तयोम उनकु रआ बेचोट चट्टी रे सिख एएम अरो परचार कथिर ओन्डो एते तोराकुवा।

2जोहन ता जेहेल ओड़ाः रे, मसी रआ कामि रआ खभेर ओनावेताय अरो अपन चेलाकु के नुवां कुली कथिर कुलेःकुवाय, 3“चिलि हिजुः वनीः आम गी हेकेम, चि आले जहय एटाः इनीः रआ होरा नेलाले?”

4ईसु ता जबाब एमाःकुवाय, “जे अपे ओनाव कनापे अरो नेलकानापे उना सुबिन सेनकेते जोहन के गामवायपे, 5#जसा 35:5,6; जसा 61:1चि अंधरा नेनेल कनाकु, लंगड़ा सेन-बेराय कनाकु, कोढ़ रोगिकु बुगीः कनाकु अरो बेहरा ओनाव कनाकु, मुरदा जुवेतोः कनाकु अरो रेंगेच-रबंङकु बुगिन खभेर ओनाव कनाकु। 6धेनया हेनाकुवा उनकु, जे इञ चलते ठोकोरा काकु जोम काना।”

7जोब उनकु ओन्डो एते तोराकुवा, दो ईसु जोहन रआ बबेत रे होर के गामवाःकुवाय, “अपे टोंगरी रे चिलिकाः नेनेल सेन केनापे? चि होयो एते हिलाव वोःआनाः ढोड़ही घांस ता? 8दो अपे चिलिकाः नेनेल सेन केनापे? चिलि मलमल किचरीः होरोः वनीः मनवा के? नेलपे, जे मलमल किचरीः होरोः वोःकानाकु, उनकु राजा महल रे तहीः कनाकु। 9दो अरो चिलिमेन सेन केनापे? चिलि जहय आगमजानी के नेनेल सेन केनापे? हें, इञ अपे के गामवापे कनिञ चि परमेसर सोझ एते नधनी वनीः एते हों मरंग इनीः के। 10#मला 3:1नोंय इनिगी हेकेय जेकर बबेत रे नुंका ओल एकाना, ‘नेलपे, इञ अपन खभेर एएम वनीः के अपे रआ लहा कुलेय कनिञ, जे अपे रआ लहा अपे रआ होरा तेयारियाय।’ 11इञ अपे के सच गामवापे कनिञ चि जे एराकु एते जनम अगु एकाःआकु, उनकु रे एते जोहन बतिसमा एएम वनीः एते जहय मरंग काकु होयकेना, मुदा जे सोवाराग रआ राइज रे हुडिञ एते हुडिञ हेनाकुवा, उनकु जोहन एते मरंग मेनाकुवा। 12#लूका 16:16जोहन बतिसमा एएम वनीः रआ हिलोः एते नेबरीक तक सोवाराग रआ राइज रे जोड़ लगाव केते बोलोः कनाकु। अरो बोलगार उना रेच केकुकानाकु। 13जोहन तक रेन परमेसर सोझ एते नधनी वनकु अरो मूसा रआ नियम रआ इना बबेत रे आगमजानी कराव चित तही एनाकु। 14#मला 4:5; मती 17:10–13; मर 9:11–13अपे चहाः अपे दो इञ रआ गानाम मनाव कोःपे चि जोहन इनी एलियाह हेकेय, जे हिजुः वनीः तहिकेनाय। 15जेकर लुतूर हेनाःआं उनकु ओनाव केपे।

16“तिहिञ रेन पीढ़ी रेन होरकु के ओकोय एते बराबोइर कुञ? उनकु बाजार रे दुरुप वन, उनकु होपोनकु रआ बराबोइर अकु, जे अनी-नोय एते कुर्री वते गाम वकुकानाकु, 17‘आले ता अपे कथिर बांसरी साड़ी एताले, मुदा अपे कपे एनेच्‍चेना। आले सोकित एनाले मुदा अपे कपे इयाम लाःआ।’ 18बतिसमा एएम वनीः जोहन हेच्‍चेनाय। ना जोम एकेनाय ना नुयकेनाय, मुदा उनकु गाम एकेनाकु, चि उनी रे मुवां रावा हेनाया। 19अरो मनवा रिई होपोन तेः हेरेल हेच्‍चेनाय जे अरोकु लेका गी जोम-नुय कनाय, मुदा उनकु गाम कनाकु, ‘नोंय होर के नेलेयपे नोंय पेटु अरो मतवार हेनाया, नोंय मालगुजारी अगु वनकु अरो पापिकु रिई गाति हेकेय।’ मुदा बुधि अपन कामि एते, सच ठहराव एकाना।”

अबिसवासी चट्टी

(लूका 10:13–15)

20तोब ईसु उना पेया चट्टी रेन होर के घुड़काव हेलावेनाय, जेकु ता उनी रआ ढेर सोमोर्थ कामि नेलकेते हों काकु मोन रुवाड़ लाःआ, 21#जसा 23:1–18; हेज 26:1—28:26; जोवे 3:4–8; आमो 1:9,10; जक 9:2–4“हाय सरापित खुराजीन चट्टी, हाय सरापित बइतसयदा चट्टी अपे रे जे सोमोर्थ कामि केना, जदि उना सूर चट्टी अरो सयदा चट्टी रे कराव लेन रेदो ओन्डो रेन होर बेचोट पहिल एते गी सोक रआ बोरा उयु केते अरो अपन होड़मो रे तोरोच#11:21 (तोरोच ओजोः) इमिन रे होर सोक दिसतार कथिर नुवां लेका बोरा उयुः केनाकु, अरो अपन होड़मो रे तोरोच ओजोः ओःकेनाकु। ओजोः केते चिमिस गी मोन रुवाड़ केयाकु होनांङ। 22मुदा इञ अपे के गामवापे कनिञ, नेयाय रआ हिलोः सूर चट्टी अरो सयदा चट्टी रआ इसथिती अपे एते ढेर सहाव लाइख होयुःआ। 23#जसा 14:13–15; एटे 19:24–28ए कफरनहूम चट्टी, चिलि अपे सोंचाः कनापे चि अपे के सोवाराग तक उठाव पेयाय? उहुःउ, अपे दो अधोलोक रे सिनुःआपे। चिलिमेनचि जे सोमोर्थ कामि अपे रे कराव केना, जदि उना सोदोम चट्टी रे कराव लेन रेदो उना चट्टी तिहिञ तक टेकाव तहिनोःओ होनांङ। 24#मती 10:15; लूका 10:12मुदा इञ अपे के उदुः वपेकानिञ चि नेयाय रआ हिलोः अपे रेन मनवांकु रआ दसा एते सोदोम चट्टी रआ दसा ढेर सहाव होयुःआ।”

हम्बल एते तेनवान होर के जिराः

(लूका 10:21–22)

25उना मोका रे ईसु गामवाःकुवाय, “ए आबा, आम सोवाराग अरो ओते रिई परभु, इञ आम रआ इसतुतिइ कनिञ, चिलिमेनचि आम नियां गानाम ता गेयान वनकु अरो सोमोझदार वनकु एते उकु दोहोतम अरो निरबुधिया रे दिसतार एताम। 26हें, परम आबा, आम के नियागी बुगिन अटकार एःमा।

27 # जोह 3:35; जोह 1:18; 10:15 “इञ रिई आबा ता सुबिन्‍नाः इञ के सोंपाव एकावादेञाय अरो वसताव रे आबा रआ अलावे जहय हों होपोन हेरेल के काकु सरिइ काना। अरो जहय हों होपोन हेरेल रआ अलावे आबा के काकु सरिइ काना। अरो सिरीफ इनिगी आबा के सारीइ कनाय, जेकर कथिर होपोन हेरेल ता दिसतार कराव चहाः कनाय।

28“ए थकाल-मंदाल वनकु आर हम्बल एते तेनवान होरकु, इञ ठिनुः हिजुःपे, इञ अपे के सुख-चइन एमापिञ। 29#जिरमि 6:16इञ रआ जुवांठ अपन खांधी रे गोःएपे, अरो इञ एते सिखाःपे, चिलिमेनचि इञ नमर अरो मोन रे दीन हेनाञा, अरो अपे अपन मोन रे सुख-चइन नम्‍मापे। 30चिलिमेनचि इञ रआ जुवांठ सहाज हेनाःआं अरो इञ रआ हम्बाल लवार गिया।”

Currently Selected:

मती 11: BIY

Highlight

Compare

Copy