मती 10

ईसु रेन बारो गो कुल वनकु

(मरकुस 3:13–19; लूका 6:12–16)

1ईसु अपन बारहों चेलाकु के आच ठिनुः होहो केते, घिन रावाकु के उडुङ कथिर अरो सुबिन लेकन हासु इकु अरो कोमजोर वनकु के बुगी कराव कथिर चेलाकु के हक एमाःकुवाय। 2बारहों कुलवानकु रआ लुतूम नियां कानाः सिमोन, जे पतरस गमुः कनाय, अरो उनी रिई बोयहा अन्धरियास, जबदी रिई होपोन तेः हेरेल जाकूब अरो उनी रिई बोयहा तेः जोहन। 3फिलिपुस, बरतुलमय, थोमा अरो मालगुजारी अगु वनीः मती, हलफइ रिई होपोन तेः हेरेल जाकूब अरो तदाय। 4सिमोन जे इसराइल दिसुम रआ आजादी चहाः केनाय अरो जहुदा इसकोरोती, जे ईसु के सापइरी वनीः हेकेय।

बारहों कुल वनकु रआ सेवा-कामि

(मरकुस 6:7–13; लूका 9:1–6; 10:4–12)

5ईसु ता नोकु बारहों के नुंका हुकूम एम केते कुलेःकुवाय, चि गइर-जहुदी ठिनुः ओलोपे सिनुःआं अरो समरिया रआ जहन चट्टी रे ओलोपे बोलोनोःओ। 6मुदा इसराइल रेन घराना रेन आत वन भेड़िकु लेकन मनवा ठिनुः सिनुःपे। 7अरो होरा एते सेसेन घरीक नुवां परचार इदी वकुपे चि सोवाराग राइज हेनात हेच तेबाः एकाना। 8अरो हासु-दुकु के बुगी कुपे, अरो गोच इकु के जुवेत कुपे, कोढ़ रोगी के सुध कुपे, अरो मुवां रावाकु के उडुङ कुपे। अपे बकसिस एते नाम एकाःआपे, उना बकसिस एते एमाकुपे। 9आर अपन बगली रे सोना, चांदी अरो तम्बा रआ टका ओलोपे दोहोया। 10#1 कुरु 9:14; 1 तिमु 5:18परचार कथिर सिनुः घरीक ना झोला, ना बरीया सोनोः अरो ना खरपा अरो ना ठेंगा इदिइपे, चिलिमेनचि बेनहियार के जोजोम अनाः नमुः चही। 11जहन चट्टी चहे हातु रे तेबाः केते, मिहोर नुंकन होर के पता लगाव वेयपे, जे अपे के गरहन पेयाय अरो बिदा तक एंडेगी तहीःपे। 12अरो उना ओड़ाः रे बोलोः घरीक उनकु के नुंकन असीस एमाकुपे, चि उनकु के सांति नामुःका। 13जदि उना ओड़ाः रेन होर लाइख हेनाःकु, रेदो उनकु के अपे रआ सांति उना ओड़ाः रे होयुःआ अरो जदि नियां लाइख बनुःकु रेदो अपे रआ सांति अपे ठिनुः गी हेच रुवाड़ जोना। 14#कु.कामि 13:51जदि जहय अपे के काकु सोवागत पेया चहे अपे रआ गानाम काकु ओनाव कनरेदो उना ओड़ाः चहे चट्टी बगी कपे। अरो अपन बका रे लटकाव वनाः धुड़ी एंडेगी झाराव हठुइपे। 15#मती 11:24; एटे 19:24–28#लूका 10:4–12इञ अपे के नुवां सच गामवापे कनिञ चि नेयाय रआ हिलोः, उना दिसुम रआ दसा एते सोदोम चट्टी अरो अमोरा चट्टी रआ दसा एते बेचोट ढेर सहाव होयुःआ।

हिजुः वनाः संकट

(मरकुस 13:9–13; लूका 21:12–17)

16 # लूका 10:3 नेलपे, इञ अपे के हुंडरा रआ तला रे भेड़िकु लेका कुल पेकानिञ। इनाते बिञकु लेका चेहट अरो पेरवां लेका सीधा सपट तहीःपे। 17#मर 13:9–11; लूका 12:11,12; 21:12–15मनवाकु एते चेम्पोर तहीःपे, उनकु अपे के कछेरी रे सोंपाव पेयाकु, अरो अपन बिनती ओड़ाः रे अपे के कोड़रा एते रु इरी पेयाकु 18अपे के इञ रआ चलते अधिकारिकु अरो राजाकु रआ लहा तिंगुः होयुःआ, जेकर एते अपे उनकु के अरो गइर-जहुदिकु के इञ रआ बबेत रे गोवाही एम दड़िवाःआपे। 19इमिताः उनकु अपे के साप पेयाकु दो उना ओलोपे चिंताया चि अपे के चिलिकाः गागाम होयुःआ आर चिलिकाः गागाम हेनाःआं, चिलिमेनचि इना घरीक गी पबितर रावा उदुःवापेयाय, चि चिलिकाः गागाम हेनाःआं। 20चिलिमेनचि गापाम वनीः आम बङ हेकेम, बलकी आपु-परमेसर रआ रावा हेके, जे आम रआ दोवासते गापाम्‍माय।

21 # मर 13:12; लूका 21:16 “बोयहा अपन बोयहा के, आपु अपन होपोन के सापइरी कुवाय अरो गोच इरीकुवाय अरो होपोन अपन एंगा-आपु रआ बिरोध होय कोःओकु। अरो उनकु के गोच इरीकुवाकु। 22#मती 24:9; मर 13:13; लूका 21:17; मती 24:13; मर 13:13इञ रआ लुतूम रआ चलते सुबिन होर अपे रे बाइर दोहोयाकु, मुदा जे मुडूः तक धीरज दोहोयाय इनी रआ गी उद्धार होयुःआ। 23उनकु जोब अपे के मियाः चट्टी रे सताव वेःपेयाकु दो एटाः चट्टी रे निर जोनपे। इञ अपे के सच गी गामवापे कनिञ चि मनवा रिई होपोन तेः हेरेल हिजुः तक हों अपे इसराइल रआ सुबिन चट्टी रे कपे सेन दड़िवाःआ।

24 # लूका 6:40; जोह 13:16; 15:20 “चेलाकु अपन गुरु एते मरंग बनुःकुवा, अरो ना बन्धुवा अपन मुवार एते मरंग हेनाया। 25#मती 9:34; 12:24; मर 3:22; लूका 11:15चेला के गुरु एते बराबोइर होयुः रे अरो बन्धुवा के मुवार रआ बराबोइर होयुः रिगी सबुर कराव चही। जोब उनकु ओड़ाः रिई मुवार किगी बालजबूल#10:25 बालजबूल नुवां सयतान रआ एटाः लुतूम हेके, मोतलोब मुवां रावा रिई राजा मेताकुकानाकु दो उनी रआ ओड़ाः रेन एटाः होर लोः चिलिकाः काकु गामवाकुवा।”

ओकोय एते बोरोयाबुन

(लूका 12:2–7)

26 # मर 4:22; लूका 8:17 इनाते उनकु एते ओलोपे बोरोया, चिलिमेनचि जहन्‍नाः हरुप बनुःआं, जे का ओटाःओ अरो ना जहन्‍नाः उकु एकाना, जे का सारी नोःओ। 27इञ जे अपे के लुबाः रे गामवापे कनिञ, उना अपे मसकल रे गामवाकुपे। अरो जेके लुतूर रे ओनावापे कनिञ, उना ओड़ाः रआ छनमिन रे देचकेते उसुल राव एते परचार एपे। 28जे होड़मो ता घताव कनाय मगर जीव ता घताव काय दड़िवा:आय, उनकु एते ओलोपे बोरोया, उनी एते बोरोयपे, जे जीव अरो होड़मो बनार नरक रे नठाव दड़िवाःआय। 29चिलि बरीया गोरेयचा कोम गोनोंङ एते ककिन अखरीञ ओःकाना? रेहों अपे रिई आपु रआ हिछा रआ बेगर मरजी मिहोर हों ओते रे ककु उयुः ओःकाना। 30अरो अपे रआ बोहोः रआ सुबिन उप हों लेखा एकाना। 31इनाते ओलोपे बोरोया अपे बेचोट गोरेयचा एते हों किमती हेनापेया।

मसी के गरहन चाहे का गरहन

(लूका 12:8,9)

32जहय इञ के सुबिन होर रआ सामने अपनाविञाय, इञ हों उनी के सोवाराग रे अपन परम आबा रआ लहा अपनाविञ। 33#2 तिमु 2:12मुदा जहय इञ के सुबिन मनवा रआ सामने नकराव इञाय, इञ हों उनी के सोवाराग रे परम आबा रआ लहा नकराविञ।

ईसु रआ हिजुः रआ परतिफोल

(लूका 12:51–53; 14:26,27)

34नुवां ओलोपे सोंचाव वो:ओ चि इञ ओते रे सांति लेयकेते हेच एकानिञ। सांति बङा, बलकी इञ तलवाइर लेयकेते हेच एकानिञ। 35#मीका 7:6इञ, मनवा के उनी रिई आपु तेः रआ बिरोध रे, होपोन एरा एंगातेः रआ बिरोध रे, किमिन तेः हनहरतेः रआ बिरोध रे कराव हेच एकानिञ। 36मनवा रेन बइरी, उनी रेन अपन ओड़ाः रेन होर गी होयुःआकु।

37जे इञ एते जादे अपन एंगा चहे आपु लोः दुलार दोहोय कनाय, उनी इञ लाइख बनुःइचाय अरो अपन कोरा होपोन चहे कुरी होपोन के इञ एते हों जादे दुलार कुकानाय, उनी इञ लाइख बनुःइचाय, 38#मती 16:24; मर 8:34; लूका 9:23जे अपन दुख रआ कुरुस गोः केते इञ रआ तयोम काय सेन कनाय, उनी इञ लाइख बनुःइचाय। 39#मती 16:25; मर 8:35; लूका 9:24; 17:33; जोह 12:25जे अपन जीव बनचाव कनाय, उनी अपन जीवन आततियाय अरो जे इञ कथिर अपन जीव आततियाय, उनी उना बनचावियाय।

इनाम

(मरकुस 9:41)

40 # लूका 10:16; जोह 13:20; मर 9:37; लूका 9:48 जे अपे के गरहन पेकानाकु, उनकु इञ के गरहन एञकानाकु अरो जे इञ के गरहन एञकानाकु, उनकु इञ रिई कुकूल वनीः के गरहन एयकानाकु। 41जे परमेसर सोझ एते नधनी वनीः के आगमजानी सारी केते गरहन एयकानाकु, उनकु आगमजानी रआ इनाम नाम्‍माकु, अरो जे धरमी के धरमी सारी केते गरहन एयकानाकु, उनकु धरमी रआ इनाम नाम्‍माकु। 42जहय नोकु हुडिञकु रे एते मिहोर के इञ रिई चेला सारी केते सिरीफ मीः डुभनी रेयाड़ दाः हों नुनू कथिर एमाकुवाकु, इञ अपे के सच गामवापे कनिञ, उनकु जहन रिति एते गी अपन परतिफोल नाम्‍माकु।

Currently Selected:

मती 10: BIY

Highlight

Compare

Copy