GEN 8
8
Kahujü Kuẽgü Akitühügü
1Inhalüha Deusu hangakgikümi Noe heke tatute ngeneko heke gehale ikongoko tuhugu ehu kuẽgü atalüko heke, üle ateheha Deusu heke hite humilü ngongohonga. Ülepei leha tuã ahilü etinenügü leha.
2Tatute leha tuã etsohope ngongo iküalüpenginhe emüngapenügü, tuã ategüpe kahü alüpe temüngapetokinhüpe emüngapenügü tuhugu leha. Kongoho ngingilükinügü leha. 3Tuã ahilü etinenügü telü leha tütükingoki. 150i leha kahujü kuẽgü igotisü tepügünginhe tuã ahilü leha uãke. 417ha isigotisü tepügü atai, takiko inkgugetoho inhunegü tepügü atai, Agagati tongo andüponhogu ẽgipugati leha ehu kuẽgü akünügü. 5Tuã ahitagü geleha aitsükü. Hotugu timühongo ngunegü igotisüiha, andüponhogu ẽgitügü apakilü tuhugu leha.
640i leha isigotisü tepügü atai, Noe heke kagapaitoho tüngüipügü ahumitsilü ehu kuẽgü ata. 7Ngongo ahipügü hangamikügü pile leha Noe heke, üle ateheha tolo opokinenügü iheke igatohoha corvo, tita geleha etuãkeitagü. 8Ülepeneha Noe heke aetsi ataha opokinenügü, tuã ahilü uhutomiha egei iheke ngongo kaenga. 9Ataha epinkgilü geleha tüakandohoti, tuã anügü atehe geleha ngongo imütü ahi, üle ateheha ogopijü gele ehu kuẽgüna. Ülepeiha Noe heke tinhatügü ihanügü unhati, ataha inügü leha iheke ehu kuẽgü atati. 10Noe hekeha aitsükü takiko inkgugetoho sigotisü uenügü, aitsükü gehale ataha opokinenügü iheke. 11Ataha ogopisote leha ahugutilü hata, inhingo oliveira agü inginügü leha hüle iheke tühopuga. Egea leha Noe heke tuã ahipügü uhunügü ngongoho. 12Aitsükü takiko inkgugetoho isigotisü uenügü iheke ataha opokinenügü gehale iheke, ülepei leha hüle togopisila inhügü.
13601i leha Noe isũandühügü atai, ngongoho tuã ahipügü itsagü. Hotugu igotisüha egei tütenhüi hotugu ngunegü geleha, Noe heke leha ehu kuẽgü ugupetohope tijü, tuã ahipügü ingilü leha iheke ngongo kaenga tatsali geleha. 1427ha isigotisü tepügü atai otohongo ngunegü tepügü atai, ngongo ahipügü atai hekugu leha.
15Ülepeiha Deusu kilü Noe heke: 16"Eihatikeha ehu kuẽgü atalüpenginhe ehitsü ake, elimo gehale tühitsão ake. 17Enginkgatike gehale tatute ngeneko akongokope, tolokoha, ngeneko tuhugu tinkgukinhüko, ngeneko gehujalüko gehale, ngeneko gehale talahitsinhüko ngongoho. Kaküngiha etijigatamini agakutegamini gehale tatute ngongo ahi", nügü leha iheke Noe heke.
18Ülepei leha Noe ihatilü tühitsü ake ehu kuẽgü atalüpenginhe, tülimo ake ihitsãoko gehale. 19Tatute gehale ngeneko toloko ihatilü, tatuteha tetepagüho tuhuguha.
20Noe heke leha tehu undagitsepügü tüilü KUKANETÜGÜ akatsohoi. Ülepei leha Noe heke ngeneko tengenhüko ihungu inügü toloko gehale, tuelüko leha iheke ihotelüko gehale tehu undagitsepügü uguponga ihatomiha iheke kutundinhügüi Deusu inha. 21Ngene hotelü giketilü heke leha KUKANETÜGÜ tüilü tügekuili#8.21 Ngene hotelüha egei Deusu inha, hekite tügekuili itsomi itsaeha kukanügü ikenikügü gehale kupehe, üle ihatohoha egei kupehe inha. , nügüha iheke tepehe gele: "Inhalütsema ami leha ngongo hesinhügijüingoi uheke kugeko anügü ateheha, tuhutiha uheke kangamukepei geleha hesinhüi leha ingunkgingunalüko, inhalütsema ami leha tatute tingugingokope imbükilüingoi uheke egeaha tüipügükoa uheke", nügü leha iheke tepehe gele.
22Ülepeiha nügü gehale iheke:
"Tipaki geleha kungatagu inhümingo, inügü inhümingo gehale,
keünti ngunegüha, hingankgu ngunegü gehale,
kongoho ngunegüha, kahilü ngunegü gehale,
igotindene, kokongotene gehale.
Egeaha inhümingo aetsingoiha ngongo etsimbükigote", Deusu kilü leha.
Currently Selected:
GEN 8: KUI-BIBLE
Highlight
Copy
Compare
Share
Want to have your highlights saved across all your devices? Sign up or sign in
© Associação Linguistica Evangélica Missionária
