GEN 23
23
Saga Apüngühügü
1127ha Saga isũandühügü atai 2ete Hebogõteha apüngu, igatoho gehaleha Kigiati-Ahiba, Kanahã ngongogu tongoha. Apagahãu hetahisundagü leha aitsükü atanakita leha aitsükü gehale.
3Ülepei leha Apagahãu etikaĩjü, ikihügü ngondilü leha iheke, etelü leha Heti otomo itaginhitigi: 4"Telo itagü muke taka ugei ongongogukoho. Ngongo ataiti engigategüe uinha uhitsü ngategohoi uheke", nügü leha iheke ihekeni.
5Ülepeiha Heti otomo anetügüdão hekeha itüjü: 6"Itsake hõhõ anetü. Anetüha egei aitsüküha tinapatsai tinhingilü tsihuja. Onginkgeha ehitsü tsihotongidohona hekinipena. Inhalü hüle ehitsü ongidohoki eitungikümi tiheke", nügü leha ihekeni Apagahãu heke.
7Ülepei leha Apagahãu etikaĩjü leha, etipondelü leha Heti otomo atsagati, ngongohonga leha tühinitü akanenügü iheke itsangiha egei ingitako iheke. 8Nügüha iheke: "Ongongogukohoha uhitsü ngatelü unügü ateheha ehekeni, ukilüha ehekeni uahetinhombatomi ehekeni Efogõ heke ekigokomi, Soa mugu heke. 9Tehu atatagü kipügü Makipela tongo igategomi iheke uinha, inhongogu agipoha tatinhü. Ihipütelüingo taka uheke ihipügü ingugi, egea leha uinhümingo imütü otoi tita", Apagahãu kita leha ihekeni.
10Efogõha Heti itagü atai tüitagü huja ete kagahukugu ahulugu üngataho, nügü leha iheke ige helüi tatuteha egea nügü tatomi ihekeni: 11"Inhalü eku hüle anetü", nügü leha iheke Apagahãu heke. "Ngongo tunügü leta uheke einha, tehu atatagü kipügü gehaleha titalü. Uitagü heke naha ãde einha tunügü ingitagü uheke. Onginkge tsapa ehitsü tigati", nügü leha iheke Apagahãu heke.
12Aitsükü gehaleha Apagahãu heke itsangi ngongo otomo ingilü, üle ateheha tühinitü akanenügü leha iheke ngongohonga, 13Efogõ hekeha nügü iheke, tatuteha itsatomi: "Kutake hõhõ", nügüha iheke. "Egeha ngongo ihipütelüti uge. Ihipügüha ihake uinha ihipütegomi uheke. Itütse ataitiha ihipütegoho uheke, ülepene tiha uhitsü ongindomi uheke", nügü leha iheke.
14Ülepeiha Efogõ hekeha itüjü: 15"Kutakeha anetü", nügü leha iheke. "Egeha ngongo ihipügü 400iha prata tüipügü aküngindu, einha hüle uinha gehale talokito ekugele egei. Etekeha, ongidaha ehitsü", nügü leha iheke Apagahãu heke.
16Apagahãu gipehilü leha iheke, prata tüipügü itetungu hunügü leha iheke, Efogõ hekeha ikatühügüa ukugeko Heti otomo imbata, 400iha prata tüipügü aküngindu. Egetaha tetigatenhüko ügühütupe agage leha ihipügü itetungu hunügü ihekeni.
17Egea leha, Apagahãu inhügü Efogõ ngongogupe otoi Makipelate, giti ihatigoho Mãhe inhongopei, tehu atatagü kipügüpeiha i tuhuguha inhongoguhongopei gehale. 18Tatute leha kugeko Heti otomo heke akitsene talü hokongope heke egea Apagahãu heke ngongo ihipütelü ingitagü. 19Ülepei leha, Apagahãu heke tühitsü Saga onginügü, tehu tüatainhü atati Makipela ngongoguhongo, giti ihatigoho Mãhe inhongo heke, igatohope gehaleha Hebogõ, Kanahã ngongoguhongo. 20Egea leha, egepe inhügü Apagahãu ngongogui, tehu atatagü kipügü titalüpei gehale anha imütüiha itsomi.
Currently Selected:
GEN 23: KUI-BIBLE
Highlight
Copy
Compare
Share
Want to have your highlights saved across all your devices? Sign up or sign in
© Associação Linguistica Evangélica Missionária
