GEN 2
2
1Egeaha uãke leha kahü tüilü etükilü tuhugu Deusu heke, ngongo tüilü gehale, itsaengoko tüilü etükilü tuhugu gehale.
2Deusu etükilü leha tatute tüngüilüpe heke aetsi inkgugetoho sigotisü atai, epegenkgilü leha takikongo inkgugetoho igotisüi atai. 3Deusu heke leha hekite takiko inkgugetoho igotisü tüilü, katanakitohoiha Deusu inha, ege igotiha uãke tatute tüngüigatühügüpe imbükipügü atehe iheke, ülepei leha epegenkgilü.
Kuge Ihũtepügü
4Deusu hekeha kahü tüipügü ahinhatepügüha igei ngongo ake:
KUKANETÜGÜ Deusu heke kahü tüigote ngongo ake, 5inhalü muke geleha uãke aetsi ngatai ngongoho, tahuga ataila gele mukeha aetsi tatila ngongohonga, KUKANETÜGÜ Deusu heke geleha kongoho atai tüila singitomi ngongohonga, inhalütse geleha uãke kugei ngata itenitsei. 6Aĩsaĩsagü tsügütse uãke tetsatinhüi ngongo gotalüpenginhe ahutsegijüinha. 7Ülepei leha KUKANETÜGÜ Deusu heke utoto hanügü ngongo unagüpe, ugijü leha iheke inatagü ata tigehunguki elehunkgilü tüitomiha iheke. Ületse ingugi leha kugei tingugi utoto inhügü.
8Ülepeiha KUKANETÜGÜ Deusu heke ngata itu hekini tüilü Edẽi ngongoguhonga, giti ihatigoho inhe. Ülepene leha utoto tüngüipügü tüilü iheke tigati. 9KUKANETÜGÜ Deusu heke tatute tetsua tuhugu i atingenügü tigati, i atütü tuhuguha tühindinhü tĩsinhü aitsüküha hekite ingitomi. Deusu heke gehale takiko i atingenügü ngata itu hekini igihükügüte. Aetsingoha i kuge tüini tipaki gele tingugi itsomi ihisü ĩsoteha iheke. Otohongoha i kuge tüini hekini uhute, hesinhü uhute gehale ihisü ĩsoteha iheke.
10Edẽiteha aetsi hankgunginga elipoitagü uãke ege ngata itu hekini ahutsegijüi. Titalüpe nginheha tatakegeni agaketühügü. 11Hotuguha hankgunginga ititü Pisõ, tatuteha Habila ngongogu igüĩjüiha tütenhü, titaha ouro anügü tuhugu. 12Ege ngongogu ourosü uãke egei tikanokimbüngü, tita gehale uãke biteliu kelikekitsoho#2.12 Aitsükü tihipükoinhü kelikekitsoho., tehu tuhugu gehale tihipükoinhü igatohoha onikisi. 13Otohongo hankgunginga igatohoha Jiõ, tatute Kusi ngongogu igüĩjüi tütenhü. 14Isetilangoguha hankgunginga igatoho Tigili, Asigia ngongoguteha tütenhü giti ihatigoho inhe. Isatakegeningoguha hankgunginga igatohoha Eufagatsi.
15KUKANETÜGÜ Deusu heke leha utoto tüilü Edẽi ngongogu tongo ngata itu hekini igikasitinhi inhatagundomi gehale. 16KUKANETÜGÜ Deusu heke leha utoto inhakongonügü: "Engĩtse tsüha atsange i ihisü tuhugu ngata itu hekini tongo. 17Ketĩtso hüle atsange aetsingo i ihisü kuge tüini hekini uhute hesinhü uhute gehale. Egeha tĩsinhü ĩsote eheke apünguingo ekugu leha hüle".
18Ülepene leha KUKANETÜGÜ Deusu kilü: "Inhalü hekite utoto anümi tüindzase, ikongo atsange kankgatai apogohoi ike itsomi, ahetinhombatomi gehale iheke". 19KUKANETÜGÜ Deusu heke leha ngongope hatühügünginhe ngenekoi, tolokoi gehale, igelüko leha iheke utoto atsagati. Itanünkgo uhunügütiha utoto heke Deusu itsagü. Utoto heke leha egea aetsini ngeneko ititü igatote ititükoi leha inhügü. 20Egea leha tatute ngeneko tinkgukinhüko tuhugu ititü tüilü utoto heke, tatute gehale toloko tuhugu kahü alüko, tatute muke gehale ngeneko gehujalüko. Tatute tuhugu ngeneko tepuja, tolokoha, inhalütseha aetsi apogoho tihü ingilüi iheke ikongoi itsomi.
21Ülepeiha KUKANETÜGÜ Deusu heke utoto ünkgüngenügü aitsükü hekugu, isünkgülü hata leha aetsi isahüpe tijü iheke, ülepei leha ihungu üngapenügü iheke. 22Utoto ahüpe tipügüpeki leha KUKANETÜGÜ Deusu heke aetsi itaõ hanügü, ülepe igelü leha iheke inha. 23Utoto hekeha itaõ ingilütse ingugi, nügüha iheke:
"Ẽ kugu alehüle!
Uipügüpeha ipügüi,
uhungupeha ihungui.
Iganümingoha uheke itaõi,
Deusu hekeha utoto kaengope tipügü atehe", nügü leha iheke.
24Üle ateheha utoto heke totomo ngondilü tühitsü kaenga leha itsomi, egea leha inhünkgoingo geleha unatsüma aetsingo kuge atühügü agage.
25Utoto itsa leha tühitsü ake tingükila. Inhalüha ihüsukoi tetinhani.
Currently Selected:
GEN 2: KUI-BIBLE
Highlight
Copy
Compare
Share
Want to have your highlights saved across all your devices? Sign up or sign in
© Associação Linguistica Evangélica Missionária
