Nyo-nyoimi 7
7
Jou-jou di'a sisolano Suyu'u 'Ofi-'Ofi
7:1-89
1Toma 'orasa Musa 'o side'oso Suyu'u 'Ofi-'Ofi togumu i'a,#Sup. 40:17 unanga 'a siji-jiri reo goroho 'urapana re siwola i'a enanga sa'olo 'ofi-'ofi re ma pakakasa mo-moini toma dara ḏi'i, so'o gena ḏi'i jou-jou ma ngi'i unanga 'a siji-jiri reo goroho 'urapana re siwola i'a enanga sa'olo 'ofi-'ofi re ma pakakasa mo-moini ḏi'i,#'Im. 8:10 2kara Israel manga bi-biri'i, gena-ge manga ete re dotumu manga ngitu re ngale, ananga gena-ge 'aḏi sapolo di'a sipula'a manga jou-jou. Ananga gena-ge ḏi'i suku ma bi-biri'i ga'a 'aḏi si'aturu ngowa'a nau'u manga loma-lomanga 'i silefo. 3Ananga 'aḏi talaḏi ra Ma JOU re 'aḏi gasa manga jou-jou so'o ne: kareta rarama rema wala re sapi ma nau'u salao moi re romoḏiḏi; kareta rimoi re rimoi, ma 'asala toma bi-biri'i nga muḏiḏi re sapi ma nau'u rimoi re rimoi, ma 'asala toma bi-biri'i matengo. Ananga ya gasa mo-moini toma Suyu'u 'Ofi-'Ofi ma biono. 4Gena ḏua Ma JOU 'o kanau ra Musa rema betongo so'o ne: 5<<Dawongo mo-moini toma bi-biri'i gena-ge, la sipake toma munara toma Suyu'u Lo-lomu ma dara; sipula'a mo-moini gena-ge toma ngowa'a Lewi ma toropo, mete'e toropo matengo re matengo ma munara.>> 6Ḏua 'a Musa 'a dawongo kareta rema wala re sapi ma nau'u mo-moini gena-ge re unanga 'a sipula'a toma ngowa'a Lewi manga na-nau'u: 7Kareta rema wala romo ḏiḏi re sapi ma nau'u rata, unanga 'a sipula'a toma ngowa'a Gerson manga na-nau'u, mete'e ananga manga munara ma paralu, 8re kareta rema wala rata re ma sapi ma nau'u tu'angere, unanga ya sipula'a toma ngowa'a Merari manga na-nau'u, mete'e ananga manga munara ma paralu re mete'e 'a Itamar 'ai putusanga, unanga gena-ge 'imam Harun 'ai ngowa'a nau'u. 9Mada'a Musa 'o pula'a ua kareta rema wala bolo sapi ma ngowa ma nau'u rimoi i'a toma ngowa'a Kehat manga na-nau'u. Ma sababu ananga manga munara gena-ge di'a 'urusu pakakasa 'ofi-'ofi, ga'a balasu ya doiti tamanga bele'asa. 10Toma 'orasa siji-jiri goroho 'urapana toma jou-jou ma ngi'i gena-ge; manga bi-biri'i gasa manga jou-jou toma jou-jou ma ngi'i ma biono di'a sisolano gena-ge.
11Ma JOU 'o kanau ra Musa: <<toma wangere ma jelele i'a, bi-biri'i matengo balasu sipula'a jou-jou di'a sisolano jou-jou ma ngi'i gena-ge.>> 12Toma wangere ma mulaingi, bi-biri'i matengo sipula'a jou-jou, unanga gena-ge Nahason, Aminadab 'ai ngowa'a nau'u, toma suku Yehuda ino. 13'Ai jou-jou gena-ge suḏe salaka rimoi ma ḏubuso syikal salaka latu moi nyagi ro'ange re bokolo salaka ma ḏubuso syikal salaka nyagi tumudingi, mete'e syikal salaka ga'a 'i sipake toma suyu'u 'ofi-'ofi. Fara ḏiḏi gena-ge ma dara sigare reo gulupungu ma rousu i'a roma-romanga sicapuru reo goroho zaitun ga'a ma tero reo jou-jou ngo-ngoromo;#7:13 gena-ge ma tero jou-jou gandum 14Sawo'o guraci rimoi ma ḏubuso syikal nyagi moi, ma dara dupa roma-romanga; 15sapi ma ngowa ma nau'u, doba ma nau'u rimoi re doba rimoi ma 'umuru musungu rimoi, di'a jou-jou ga'a tau'u simoini; 16'abingi ma nau'u rimoi, di'a jou-jou di'a sigofi ngowa'a ra Ma JOU 'Ai momina; 17re di'a jou-jou dadunu marimoi moju ra Ma JOU, sapi nau'u romoḏiḏi, doba ma nau'u romotoa, 'abingi ma nau'u romotoa re doba romotoa ma 'umuru musungu rimoi. 'A Nahason 'ai jou-jou, unanga gena-ge Aminadab 'ai ngowa'a nau'u. 18Toma wangere ma soi ḏiḏi 'a Netaneel, Zuar 'ai ngowa'a nau'u, suku Isakhar manga bi-biri'i, unanga sidoa'a 'ai jou-jou. 19Unanga 'o sidoa'a 'ai jou-jou suḏe salaka rimoi ma ḏubuso syikal latu moi re nyagi ro'ange (130), re bokolo siajala salaka rimoi, ma ḏubuso syikal salaka nyagi tumudingi (70), mete'e syikal ga'a 'i sipake toma Suyu'u 'Ofi-'Ofi. Romoḏiḏi gena-ge ma dara gulupungu roma-romanga ga'a ma rousu i'a, sicapuru reo goroho zaitun di'a jou-jou ngo-ngoromo; 20sawo'o guraci rimoi, ma ḏubuso syikal nyagi moi , ma dara 'age dupa roma-romanga; 21sapi ma ngowa ma nau'u, doba ma nau'u rimoi re doba rimoi ma 'umuru musungu rimoi, sa'olo jou-jou ga'a tau'u simoini; 22'abingi ma nau'u rimoi di'a jou-jou di'a sigofi ngowa ra Ma JOU 'Ai momina; 23re jou-jou dadunu marimoi moju ra Ma JOU gena-ge sapi ma ngowa ma nau'u romoḏiḏi, doba ma nau'u romotoa re 'abingi ma nau'u romotoa re doba romotoa ma 'umuru musungu rimoi. Gena-ge 'a Netaneel 'ai jou-jou, unanga gena-ge Zuar 'ai ngowa'a nau'u . 24Toma wangere ma soi ro'ange: Suku Zebulon manga bi-biri'i, 'a Eliab unanga gena-ge Helon 'ai ngowa'a nau'u. 25'A Eliab 'Ai jou-jou, gena-ge suḏe salaka rimoi, ma ḏubuso syikal salaka latu moi re nyagi ro'ange (130), re bokolo salaka di'a siajala ma ḏubuso syikal salaka nyagi tumudingi (70), mete'e syikal ga'a 'i sipake toma Suyu'u 'Ofi-'Ofi. Kara fara ḏiḏi gena-ge, ma dara gulupungu ga'a roma-romanga ma rousu i'a, sicapuru reo goroho zaitun, sa'olo jou-jou ngo-ngoromo; 26sawo'o guraci rimoi, ma ḏubuso syikal nyagi moi, ma dara dupa roma-romanga; 27sapi ma ngowa ma nau'u rimoi, doba ma nau'u rimoi re doba rimoi ma 'umuru musungu rimoi, di'a jou-jou ga'a tau'u simoini; 28'abingi ma nau'u rimoi sa'olo jou-jou sigofi ngowa'a ra Ma JOU 'ai momina; 29re jou-jou sababu dadunu marimoi moju ra Ma JOU re sa'olo sapi ma nau'u romoḏiḏi, doba ma nau'u romotoa, 'abingi ma nau'u romotoa re doba romotoa ma 'umuru musungu rimoi. Gena-ge 'a Eliab 'ai jou-jou, unanga gena-ge 'a Helon 'ai ngowa'a nau'u. 30Toma wangere ma soi rata: suku Ruben manga bi-biri'i, 'a Elizur unanga gena-ge 'a Zyedeur 'ai ngowa'a nau'u. 31'Ai jou-jou gena-ge suḏe salaka rimoi, ma ḏubuso sikal salaka latu moi re nyagi ro'ange (130), re bokolo salaka rimoi di'a siajala, ma ḏubuso pipisi salaka nyagi tumudingi (70), mete'e sikal ga'a 'i sipake toma suyu'u 'ofi-'ofi ma dara. fara ḏiḏi gena-ge ma dara sigare gulupungu ma rousu i'a sicapuru reo goroho zaitun, sa'olo jou-jou ngo-ngoromo; 32sawo'o guraci rimoi, ma ḏubuso syikal nyagi moi, ma dara sigare dupa roma-romanga; 33sapi ma ngowa ma nau'u rimoi, doba ma nau'u rimoi re doba ma nau'u ma 'umuru musungu rimoi, sa'olo jou-jou ga'a tau'u simoini; 34'abingi ma nau'u rimoi sa'olo jou-jou di'a sigofi ngowa'a ra Ma JOU 'ai momina; 35re sapi romoḏiḏi di'a jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba romotoa ma nau'u ga'a ma 'umuru musungu rimoi. Gena-ge Elizur 'ai jou-jou, unanga gena-ge 'a Zyedeur 'ai ngowa'a nau'u. 36Toma wangere ma soi romotoa: suku Simeon manga bi-biri'i 'a Selumiel unanga gena-ge 'a Zurisyadai 'ai ngowa'a nau'u. 37'Ai jou-jou gena-ge suḏe salaka rimoi, ma ḏubuso sikal salaka latu moi nyagi ro'ange (130), re bokolo salaka rimoi di'a siajala, ma ḏubuso sikal salaka nyagi tumudingi (70), mete'e sikal ga'a 'i sipake toma ssuyu'u 'ofi-'ofi, fara ḏiḏi gena-ge ma dara sigare gulupungu roma-romanga ga'a ma rousu i'a, sa'olo jou-jou ngo-ngoromo; 38sawo'o guraci rimoi, ma ḏubuso syikal nyagi moi, ma dara sigare dupa roma-romanga; 39sapi ma ngowa ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, sa'olo jou-jou ga'a tau'u simoini; 40'abingi ma nau'u rimoi di'a sigofi ngowa'a ra Ma JOU 'ai momina; 41re sapi romoḏiḏi di'a jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge 'a Selumiel 'ai jou-jou, unanga gena-ge 'a Zurisyadai 'ai ngowa'a nau'u. 42Toma wangere ma soi rarama: suku Gad manga bi-biri'i 'a Elyasaf unanga 'a Rehuel 'ai ngowa'a nau'u. 43'Ai jou-jou gena-ge suḏe salaka rimoi, ma ḏubuso syikal latu moi re nyagi ro'ange, re bokolo salaka rimoi di'a siajala ma ḏubuso syikal nyagi tumudingi, mete'e syikal ga'a sipake toma suyu'u 'ofi-'ofi, fara ḏiḏi gena-ge ma dara sigare gulupungu roma-romanga ga'a ma rousu i'a, sicapuru reo goroho zaitun, sa'olo jou-jou ngo-ngoromo; 44sawo'o guraci rimoi ma ḏubuso syikal nyagi moi, ma dara dupa roma-romanga; 45sapi ma ngowa ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, di'a jou-jou ga'a tau'u simoini; 46'abingi ma nau'u rimoi di'a sigofi ngowa'a ra Ma JOU 'ai momina; 47re sapi ma ngowa ma nau'u romoḏiḏi di'a jou-jou dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge Elyasaf 'ai jou-jou, unanga gena-ge 'a Rehuel 'ai ngowa'a nau'u. 48Toma wangere ma soi tumudingi: suku Efraim manga bi-biri'i, 'a Elisama unanga gena-ge Amihud 'ai ngowa'a nau'u. 49'Ai jou-jou gena-ge suḏe salaka rimoi, ma ḏubuso syikal latu moi re nyagi ro'ange, re bokolo salaka di'a siajala ma ḏubuso syikal nyagi tumudingi, mete'e syikal ga'a sipake toma suyu'u 'ofi-'ofi, fara ḏiḏi gena-ge ma dara sigare gulupungu roma-romanga ga'a ma rousu i'a, sicapuru reo goroho zaitun, sa'olo jou-jou ngo-ngoromo; 50sawo'o guraci rimoi, ma ḏubuso syikal nyagi moi, ma dara sigare dupa roma-romanga; 51sapi ma ngowa ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, sa'olo jou-jou ga'a tau'u simoini; 52'abingi ma nau'u rimoi sa'olo jou-jou di'a sigofi ngowa'a ra Ma JOU 'Ai momina; 53re sapi ma ngowa ma nau'u romoḏiḏi di'a jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge Elisama 'ai jou-jou, unanga gena-ge Amihud 'ai ngowa'a nau'u. 54Toma wangere ma soi tu'angere: suku Manasye manga bi-biri'i, 'a Gamaliel unanga gena-ge Pedazur 'ai ngowa'a nau'u. 55'Ai jou-jou gena-ge suḏe salaka rimoi, ma ḏubuso syikal latu moi re nyagi ro'ange, re bokolo salaka di'a siajala ma ḏubuso syikal nyagi tumudingi, mete'e syikal ga'a sipake toma suyu'u 'ofi-'ofi, fara ḏiḏi gena-ge ma dara sigare gulupungu roma-romanga ga'a ma rousu i'a, sicapuru reo goroho zaitun, sa'olo jou-jou ngo-ngoromo; 56sawo'o guraci rimoi, ma ḏubuso syikal nyagi moi, ma dara sigare dupa roma-romanga; 57sapi ma ngowa'a ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, sa'olo jou-jou ga'a tau'u simoini; 58'abingi ma nau'u rimoi sa'olo jou-jou sigofi ngowa'a ra Ma JOU 'Ai momina; 59re sapi ma nau'u romoḏiḏi sa'olo jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge Gamaliel 'ai jou-jou, unanga gena-ge 'a Pedazur 'ai ngowa'a nau'u. 60Toma wangere ma soi siworo: suku Benyamin manga bi-biri'i, 'a Abidan, unanga gena-ge Gideoni 'ai ngowa'a nau'u. 61'Ai jou-jou gena-ge suḏe salaka rimoi, ma ḏubuso syikal latu moi re nyagi ro'ange, re bokolo salaka di'a siajala ma ḏubuso syikal nyagi tumudingi, mete'e syikal ga'a sipake toma suyu'u 'ofi-'ofi, fara ḏiḏi gena-ge ma dara sigare gulupungu roma-romanga ma rousu i'a, sicapuru reo goroho zaitun, sa'olo jou-jou ngo-ngoromo; 62sawo'o guraci rimoi, ma ḏubuso syikal nyagi moi, ma dara sigare dupa roma-romanga; 63sapi ma ngowa ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, sa'olo jou-jou ga'a tau'u simoini; 64'abingi ma nau'u rimoi sa'olo jou-jou di'a sigofi ngowa'a ra Ma JOU 'Ai momina; 65re sapi ma ngowa ma nau'u romoḏiḏi sa'olo jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge Abidan 'ai jou-jou, unanga gena-ge Gideoni 'ai ngowa'a nau'u. 66Toma wangere ma soi nyagi moi: suku Dan manga bi-biri'i gena-ge 'a Ahiezer, unanga gena-ge Amisyadai 'ai ngowa'a nau'u. 67'Ai jou-jou gena-ge suḏe salaka rimoi, ma ḏubuso syikal latu moi re nyagi ro'ange, re bokolo salaka di'a siajala ma ḏubuso syikal nyagi tumudingi, mete'e syikal ga'a sipake toma suyu'u 'ofi-'ofi, fara ḏiḏi gena-ge ma dara sigare gulupungu roma-romanga ma rousu i'a, sicapuru reo goroho zaitun, sa'olo jou-jou ngo-ngoromo; 68sawo'o guraci rimoi, ma ḏubuso syikal nyagi moi, ma dara sigare dupa roma-romanga; 69sapi ma ngowa ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, sa'olo jou-jou ga'a tau'u simoini; 70'abingi ma ngowa ma nau'u rimoi sa'olo jou-jou sigofi ngowa'a ra Ma JOU 'Ai momina; 71re sapi ma ngowa ma nau'u romoḏiḏi sa'olo jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge Ahiezer 'ai jou-jou, unanga gena-ge 'a Amisyadai 'ai ngowa'a nau'u. 72Toma wangere ma soi nyagi moi re rimoi: suku Asyer manga bi-biri'i, 'a Pagiel unanga gena-ge Okhran 'ai ngowa'a nau'u. 73'Ai jou-jou gena-ge suḏe salaka rimoi, ma ḏubuso syikal latu moi re nyagi ro'ange, re bokolo salaka di'a siajala ma ḏubuso syikal nyagi tumudingi, mete'e syikal ga'a sipake toma suyu'u 'ofi-'ofi, fara ḏiḏi gena-ge ma dara sigare gulupungu roma-romanga ga'a ma rousu i'a, sicapuru reo goroho zaitun, sa'olo jou-jou ngo-ngoromo; 74sawo'o guraci rimoi, ma ḏubuso syikal nyagi moi, ma dara sigare dupa roma-romanga; 75sapi ma ngowa ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, sa'olo jou-jou ga'a tau'u simoini; 76'abingi ma nau'u rimoi sa'olo jou-jou sigofi ngowa'a ra Ma JOU 'Ai momina; 77re sapi ma nau'u romoḏiḏi di'a jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge Pagiel 'ai jou-jou, unanga gena-ge 'a Okhran 'ai ngowa'a nau'u. 78Toma wangere ma soi nyagi moi re romoḏiḏi: suku Naftali manga bi-biri'i, 'a Ahira, unanga gena-ge Enan 'ai ngowa'a nau'u. 79'Ai jou-jou gena-ge suḏe salaka rimoi, ma ḏubuso syikal latu moi re nyagi ro'ange, re bokolo salaka di'a siajala ma ḏubuso syikal nyagi tumudingi, mete'e syikal ga'a sipake toma suyu'u 'ofi-'ofi, fara ḏiḏi gena-ge ma dara sigare gulupungu roma-romanga ma rousu i'a, sicapuru reo goroho zaitun, sa'olo jou-jou ngo-ngoromo; 80sawo'o guraci rimoi, ma ḏubuso syikal nyagi moi, ma dara sigare dupa roma-romanga; 81sapi ma ngowa ma nau'u rimoi, doba ma nau'u rimoi re doba ma nau'u rimoi ma 'umuru musungu rimoi, sa'olo jou-jou ga'a tau'u simoini; 82'abingi ma nau'u rimoi sa'olo jou-jou sigofi ngowa ra Ma JOU 'Ai momina; 83re sapi ma ngowa ma nau'u romoḏiḏi sa'olo jou-jou sababu dadunu marimoi moju ra Ma JOU, doba ma nau'u romotoa, 'abingi ma nau'u romotoa re doba ma nau'u romotoa ma 'umuru musungu rimoi. Gena-ge Ahira 'ai jou-jou, unanga gena-ge 'a Enan 'ai ngowa'a nau'u.
84Toma 'orasa siji-jiri goroho 'urapana toma jou-jou tau'u ma ngi'i gena-ge jou-jou mo-moini ga'a Israel manga bi-biri'i—bi-biri'i 'aḏi sipula'a di'a sisolano jou-jou tau'u ma ngi'i: gena-ge suḏe salaka salao moi re romoḏiḏi, bokolo salaka di'a siajala nyagi moi re romoḏiḏi, sawo'o guraci salao moi re romoḏiḏi. 85Suḏe salaka rimoi-rimoi ma ḏubuso syikal latu moi re nyagi ro'ange (130), re bokolo di'a siajala ma ḏubuso rimoi re rimoi syikal nyagi tumudingi (70); ma pakakasa- pakakasa salaka ma ḏubuso syikal cala ḏiḏi re latu rata (2.800), mete'e syikal ga'a sipake toma suyu 'ofi-'ofi. 86Gena ḏua sawo'o guraci salao moi re romoḏiḏi ma dara sigare dupa roma-romanga, sawo'o rimoi re rimoi ma ḏubuso syikal nyagi moi, mete'e syikal ga'a sipake toma suyu'u 'ofi-'ofi; sawo'o guraci gena-ge mo-moini ma ḏubuso syikal latu moi re nyagi romoḏiḏi (120). 87Haiwani mo-moini di'a jou-jou ga'a tau'u simoini, gena-ge sapi ma ngowa ma nau'u salao moi re romoḏiḏi, doba ma nau'u salao moi re romoḏiḏi, doba ma nau'u salao moi re romoḏiḏi ma 'umuru musungu rimoi, mamete'e jou-jou ngo-ngoromo; re ḏi'i 'abingi ma nau'u salao moi re romoḏiḏi sa'olo jou-jou sigofi ngowa'a ra Ma JOU 'Ai momina. 88Haiwani di'a jou-jou sababu dadunu marimoi moju ra Ma JOU, gena-ge ma repe sapi ma ngowa ma nau'u salao ḏiḏi re rata (24), doba ma nau'u salao rarama (60) 'abingi ma nau'u salao rarama (60) re doba ma nau'u salao rarama ma 'umuru musungu rimoi. Gena-ge jou-jou sisolano di'a jou-jou tau'u ma ngi'i wakutu enanga gena-ge ri siji-jiri reo goroho 'urapana. 89Wakutu 'a Musa 'o osama toma Suyu'u Lo-lomu di'a mau kanau ra Ma JOU, toma dulada kerub romoḏiḏi ma kalatu'u ma sigolona unanga gena-ge 'a 'isene Ma JOU 'u kanau .#'Im. 16:2 Re dulada kerub gena-ge toma burua jaji ma da-damunu#7:89 Demo 'Ibrani di'a <da-damunu> 'age ma ngale romoḏiḏi, gena-ge <da-damunu> re <ma ngi'i ga'a Ma Jou'ongu Madutu 'o singi-ngiranga ḏosa> ma re'u. Re toma burua gena-ge ma dara 'age maḏi bela ḏiḏi. Rema duhu gena-ge 'a Musa ro 'isene Ma JOU 'u kanau .#Sup. 25:22
2025 Indonesian Bible Society (LAI)