Nyo-nyoimi 26
26
Roimi ngowa'a Israel manga na-nau'u ma soi ḏiḏi
26:1-65
1Ma bahala gena-ge 'i nga'unu, palisi'i i'a Ma JOU 'o kanau ra Musa re Eleazar, unanga 'imam Harun 'ai ngowa'a nau'u: 2<<Ngini nga muḏiḏi balasu ni roimi ngowa'a nau'u ga'a manga 'umuru musungu nyagi romoḏiḏi re sie toma ngowa'a Israel ma toropo mo-moini manga sigolona mete'e manga ngimo-ngimono manga ngitu re ngale rimoi re rimoi. Ngowa'a gena-ge ga'a nyengara 'aḏi tagi parangi.>> 3Ḏua 'a Musa re 'imam Eleazar, toma 'orasa ananga gena-ge toma Moab ma tana'a rata, toma ḇanyo Yordan ma 'uḏu papolo wangere ma la'o, talaḏi toma Limau Yerikho ga'a toma ḇanyo gena-ge ma kaci moi papolo wangere soḏu, ananga 'aḏi kanau rema betongo so'o ne: 4<<Roimi na-nau'u mo-moini ma repe ga'a manga 'umuru musungu nyagi romoḏiḏi re sie!>> - ma tero Ma JOU ro parenta ra Musa.
Nena-ne ngowa'a Israel ga'a raḏi supu toma Mesir ma tana'a:
5Ra Ruben, gena-ge Israel 'ai ngowa'a ma jomolo, unanga 'ai ju'uda manga na-nau'u so'o ne:
ra Henokh 'ai rera tala, 'age ngowa-ngowa'a Henokh,
ra Palu 'ai rera tala, 'age ngowa-ngowa'a Palu
6Ra Hezron 'ai rera tala, 'age ngowa-ngowa'a Hezron;
ra Karmi 'ai rera tala, 'age ngowa-ngowa'a Karmi.
7Gena-ge suku Ruben 'ai rera-rera ga'a 'i silefo re ananga manga repe nga cala nyagi rata re ro'ange re nga latu tumudingi re nyagi ro'ange. (43.730)
8'A Palu 'ai ngowa'a nau'u matengo gena-ge: 'a Eliab, 9re Eliab 'ai ngowa-ngowa'a nau'u gena-ge: 'a Nemuel, Datan re Abiram. 'A Datan re Abiram, ananga gena-ge nga muḏiḏi sanga cumutu ra ananga manga 'umata gena-ge, re ḏi'i ananga ga'a 'aḏi lawana Musa re Harun ra Korah 'ai toropo, wakutu ananga mo-moini 'aḏi lawana Ma JOU, 10mada'a tana'a ya'u nyamolo ananga mamete'e rea Korah, wakutu unanga gena-ge 'ai toropo, ananga gena-ge 'aḏi sengene. Toma 'orasa gena-ge ngowa'a nau'u nga latu ḏiḏi nyagi romotoa (250), u'u ya siro'u simoini. Re ananga gena-ge 'aḏi dadi nana'o di'a si'elingi ngowa'a Israel. 11Mada'a 'a Korah 'ai ngowa-ngowa'a nau'u 'aḏi sengene ua.
12'A Simeon 'ai ju'uda manga na-nau'u mete'e 'ai rera-rera, so'o ne:
ra Nemuel 'ai rera tala, 'age ngowa-ngowa'a Nemuel;
ra Yamin 'ai rera tala, 'age ngowa-ngowa'a Yamin;
ra Yakhin 'ai rera tala, 'age ngowa-ngowa'a Yakhin;
13Ra Zerah 'ai rera tala, 'age ngowa-ngowa'a Zerah re
ra Saul 'ai rera tala, 'age ngowa-ngowa'a Saul.
14Gena-ge suku Simeon 'ai rera-rera ga'a 'i silefo re ananga gena-ge manga repe nga cala nyagi romoḏiḏi re romoḏiḏi, re nga latu ḏiḏi (22.200).
15Ngowa'a Gad 'ai ju'uda manga na-nau'u mete'e 'ai rera-rera, so'o ne:
ra Sefon 'ai rera tala, 'age ngowa-ngowa'a Sefon;
ra Hagi 'ai rera tala; 'age ngowa-ngowa'a Hagi;
ra Syuni 'ai rera tala, 'age ngowa-ngowa'a Syuni;
16ra Ozni 'ai rera tala, 'age ngowa-ngowa'a Ozni,
ra Eri 'ai rera tala, 'age ngowa-ngowa'a Eri;
17ra Arod 'ai rera tala, 'age ngowa-ngowa'a Arod
re ra Areli 'ai rera tala, 'age ngowa-ngowa'a Areli.
18Gena-ge suku Gad 'ai rera-rera ga'a 'i silefo re ananga gena-ge manga repe cala nyagi rata re nga latu romotoa (40.500).
19'A Er re Onan, ananga gena-ge Yehuda 'ai ngowa'a nau'u; mada'a ananga nga muḏiḏi gena-ge 'aḏi sengene toma tana'a Kanaan.
20'A Yehuda 'ai ju'uda manga na-nau'u mete'e 'ai rera-rera, so'o ne:
ra Syela 'ai rera tala, 'age ngowa-ngowa'a Syela;
ra Peres 'ai rera tala, 'age ngowa-ngowa'a Peres
ra Zerah 'ai rera tala, 'age ngowa-ngowa'a Zerah.
21'A Peres 'ai ju'uda manga na-nau'u so'o ne:
ra Hezron 'ai rera tala, 'age ngowa-ngowa'a Hezron
ra Hamul 'ai rera tala, 'age ngowa-ngowa'a Hamul.
22Gena-ge suku Yehuda 'ai rera-rera ga'a 'i silefo re ananga gena-ge manga repe nga cala nyagi tumudingi re rarama re nga latu romotoa (76.500).
23'A Isakhar 'ai ju'uda manga na-nau'u mete'e manga rera-rera, so'o ne:
ra Tola 'ai rera tala, 'age ngowa-ngowa'a Tola;
ra Pua 'ai rera tala, 'age ngowa-ngowa'a Pua;
24ra Yasub 'ai rera tala, 'age ngowa-ngowa'a Yasub,
re ra Simron 'ai rera tala, 'age ngowa-ngowa'a Simron.
25Gena-ge suku Isakhar 'ai rera-rera ga'a 'i silefo re ananga gena-ge manga repe nga cala nyagi rarama re rata, re nga latu ro'ange (64.300).
26'A Zebulon 'ai ju'uda manga na-nau'u mete'e ananga manga rera, so'o ne:
ra Sered 'ai rera tala, 'age ngowa-ngowa'a Sered;
ra Elon 'ai rera tala, 'age ngowa-ngowa'a Elon,
re ra Yahleel 'ai rera tala, 'age ngowa-ngowa'a Yahleel.
27Gena-ge suku Zebulon 'ai rera-rera ga'a 'i silefo re ananga gena-ge manga repe, nga cala nyagi rarama re nga latu romotoa (60.500).
28'A Yusuf 'ai ju'uda manga na-nau'u mete'e ananga manga rera-rera, so'o ne: 'a Manasye re 'a Efraim.
29'A Manasye 'ai ju'uda manga na-nau'u so'o ne:
ra Makhir 'ai rera tala, 'age ngowa-ngowa'a Makhir; re 'a Makhir 'ai ju'uda manga na-nau'u 'a Gilead;
ra Gilead 'ai rera tala, 'age ngowa-ngowa'a Gilead.
30'A Gilead 'ai ju'uda manga na-nau'u so'o ne:
ra Iezer 'ai rera tala, 'age ngowa-ngowa'a Iezer;
ra Helek 'ai rera tala, 'age ngowa-ngowa'a Helek;
31ra Asriel 'ai rera tala, 'age ngowa-ngowa'a Asriel;
ra Sekhem 'ai rera tala, 'age rera ngowa'a Sekhem;
32ra Semida ino, gena-ge rera ngowa'a Semida,
ra Hefer ino gena-ge rera ngowa'a Hefer.
33'A Zelafehad unanga 'a Hefer 'ai ngowa'a nau'u, unanga sanga ngowa'a nau'u ua, mada'a pa'i ngowa'a were'a ḇato. Re unanga gena-ge 'ai ngowa'a were'a manga lomanga so'o ne: ngo Mahla, ngo Noa, ngo Hogla, ngo Milka re ngo Tirza.
34Gena-ge suku Manasye 'ai rera-rera ga'a 'i silefo re ananga gena-ge manga repe, nga cala nyagi romotoa re romoḏiḏi re nga latu tumudingi (52.700).
35'A Efraim 'ai ju'uda manga na-nau'u mete'e manga rera-rera, so'o ne:
ra Sutelah 'ai rera tala, 'age ngowa-ngowa'a Sutelah;
ra Bekher 'ai rera tala, 'age ngowa-ngowa'a Bekher,
re ra Tahan 'ai rera tala, 'age ngowa-ngowa'a Tahan.
36Re Sutelah 'ai ju'uda manga na-nau'u ngowa'a nau'u so'o ne:
ra Eran 'ai rera tala, 'age ngowa-ngowa'a Eran.
37Gena-ge suku Efraim 'ai rera-rera ga'a 'i silefo re ananga gena-ge manga repe nga cala nyagi ro'ange re romoḏiḏi re nga latu romotoa (32.500).
'A Yusuf 'ai ju'uda manga na-nau'u mete'e manga rera so'o ne:
38'A Benyamin 'ai ju'uda manga na-nau'u mete'e manga rera-rera so'o ne:
ra Bela 'ai rera tala, 'age ngowa-ngowa'a Bela;
ra Asybel 'ai rera tala, 'age ngowa-ngowa'a Asybel;
ra Ahiram 'ai rera tala, 'age ngowa-ngowa'a Ahiram;
39ra Sefufam 'ai rera tala, 'age ngowa-ngowa'a Sefufam,
re ra Hufam 'ai rera tala, 'age ngowa-ngowa'a Hufam.
40Ra Bela 'ai ngowa-ngowa'a nau'u gena-ge Ared re Naaman;
ra Ared 'ai rera tala, 'age ngowa-ngowa'a Ared,
re ra Naaman 'ai rera tala, 'age ngowa-ngowa'a Naaman.
41Gena-ge suku Benyamin mete'e manga rera-rera ga'a 'i silefo re ananga gena-ge manga repe, nga cala nyagi rata re romotoa re nga latu rarama (45.600).
42'A Dan 'ai ju'uda manga na-nau'u mete'e manga rera so'o ne:
ra Suham 'ai rera tala, 'age ngowa-ngowa'a Suham.
Dadi suku Dan mete'e manga rera, 43mo-moini gena-ge ngowa'a Suham ḇato. Re ngowa-ngowa'a gena-ge ga'a 'i silefo, ananga manga repe nga cala nyagi rarama re rata re nga latu rata (64.400).
44'A Asyer 'ai ju'uda manga na-nau'u mete'e manga rera, so'o ne:
ra Yimna 'ai rera tala, 'age ngowa-ngowa'a Yimna;
ra Siswi 'ai rera tala, 'age ngowa-ngowa'a Siswi,
re ra Beria 'ai rera tala, 'age ngowa-ngowa'a Beria.
45ra Beria 'ai ju'uda manga na-nau'u so'o ne:
ra Heber 'ai rera tala, 'age ngowa-ngowa'a Heber,
re ra Malkiel 'ai rera tala, 'age ngowa-ngowa'a Malkiel.
46Re 'Asyer 'ai ngowa'a were'a, gena-ge 'ami lomanga ngo Serah.
47Gena-ge suku Asyer mete'e manga rera-rera ga'a 'i silefo re ananga gena-ge ma repe, nga cala nyagi romotoa re ro'ange re nga latu rata (53.400).
48'A Naftali 'ai ju'uda manga na-nau'u mete'e ananga manga rera so'o ne:
ra Yahzeel 'ai rera tala, 'age ngowa-ngowa'a Yahzeel;
ra Guni 'ai rera tala, 'age ngowa-ngowa'a Guni;
49ra Yezer 'ai rera tala, 'age ngowa-ngowa'a Yezer,
re ra Syilem 'ai rera tala 'age ngowa-ngowa'a Syilem.
50Gena-ge suku Naftali mete'e manga rera-rera ga'a 'i silefo, re ananga gena-ge manga repe, nga cala nyagi rata re romotoa re nga latu rata (45.400).
51Gena-ge ngowa-ngowa'a Israel manga na-nau'u ga'a 'i silefo, re ananga manga repe nga cala latu rarama re rimoi re nga latu tumudingi re nyagi ro'ange (601.730).
52Ḏua Ma JOU 'o kanau ra Musa rema betongo so'o ne: 53<<Balasu sibalangu ma tana'a gena-ge di'a rera rimoi re rimoi sa'olo ananga manga warisi mete'e ngowa'a manga lomanga ma repe ga'a 'i silefo. 54Toma suka ga'a ngowa'a laḏi repe, ngana balasu no pula'a manga tana'a lai lamo'o sa'olo manga warisi. Toma suku ga'a ngowa'a ma repe ua, ngana balasu pula'a manga tana'a ceka'a ua ḇato sa'olo manga warisi. Toma suku rimoi re rimoi manga warisi mete'e ngowa'a manga lomanga ma repe ga'a 'i silefo. 55Mada'a balasu pake loterei di'a sibalangu ma tana'a gena-ge. Ananga balasu sanga manga warisi mete'e ngimo-ngimono manga suku ma lomanga. 56Tana'a ma balangu sa'olo warisi bae suku ma lamo'o bae suku ma ceka'a balasu mete'e loterei ma ḏo-ḏagi.>>
57Ngowa'a Lewi manga na-nau'u mete'e ananga manga rera so'o ne:
ra Gerson 'ai rera tala, 'age ngowa-ngowa'a Gerson;
ra Kehat 'ai rera tala, 'age ngowa-ngowa'a Kehat
re ra Merari 'ai rera tala, 'age ngowa-ngowa'a Merari.
58Toma ngowa'a Lewi manga rera nga ḏu'ange gena-ge 'age rera-rera ga'a lebe ceka'a so'o ne:
ngowa'a Libni manga rera
ngowa'a Hebron manga rera
ngowa'a Mahli manga rera,
ngowa'a Musi manga rera
ngowa'a Korah manga rera.
'A Kehat 'ai ngowa'a nau'u, unanga gena-ge 'a Amram. 59Re Amram 'ai were'a 'ami lomanga ngo Yokhebed, 'a Lewi 'ai ngowa'a were'a ga'a siḏe-ḏegoro i'a di'a Lewi toma Mesir; re di'a Amram were'a nena-ne mo siḏe-ḏegoro i'a 'a Harun re Musa re nga muḏiḏi gena-ge manga biḏanga ngo Miryam. 60'A Harun 'ai ngowa'a nau'u nga ḏuata, ananga gena-ge: 'a Nadab re Abihu, Eleazar re Itamar. 61Mada'a 'a Nadab re Abihu 'aḏi sengene, wakutu ananga 'aḏi gasa manga jou-jou u'u talaḏi ra Ma JOU, ga'a Unanga gena-ge 'O simaha ua.
62Ngowa'a Lewi manga na-nau'u mo-moini ga'a manga 'umuru ngara moi re sie, ananga gena-ge manga lomanga ga'a 'i silefo manga repe nga cala nyagi romoḏiḏi re ro'ange (23.000). Ananga gena-ge manga lomanga 'i silefo ua mamete'e reo ngowa'a Israel, sababu ananga sanga tana'a ua sa'olo manga warisi toma ngowa'a Israel manga sigolona.
63Gena-ge ngowa-ngowa'a ga'a Musa re 'imam Eleazar, ananga nga muḏiḏi ya silefo, wakutu ananga 'aḏi lefo ngowa'a Israel manga lomanga toma Moab ma tana'a rata toma ḇanyo Yordan ma 'uḏu papolo wangere ma la'o sitalaḏi toma Limau Yerikho ga'a toma ḇanyo gena-ge ma kaci moi papolo wangere soḏu. 64Ra ananga manga sigolona matengo i'a mai ua ga'a Musa re 'imam Harun reya silefo manga lomanga, wakutu ananga nga muḏiḏi ya silefo ngowa'a Israel manga lomanga toma daeraha baulaco toma Sinai. 65Ma sababu Ma JOU ro kanau ra ananga so'o ne: <<Tantu ḏua, ananga ḏuanga ia 'aḏi sengene toma daeraha baulaco gena-ge.>> Ra ananga manga sigolona matengo i'a mai riwara ga'a 'ahu moju, duga-duga pa'i 'a Kaleb, unanga gena-ge 'a Yefune 'ai ngowa'a nau'u re 'a Yosua, unanga gena-ge 'a Nun 'ai ngowa'a nau'u.
2025 Indonesian Bible Society (LAI)