Matayo 3
3
Okhwirwacha khwa Yohana Omuvatisi
(Mrk. 1.1-8; Lk. 3.1-18; Yoh. 1.19-28)
1Munyinga echio Yohana Omuvatisi kacha kerwacha musichimi sia Yudea nawola, 2“Yekanire, esikira owami womwikulu wuli aambi.” 3Okhuvera njoyu omunabii Isaya kalomalomakho nawola,
“Omwoyo kwoyo olangirisa musichimi:
Lombe engira ya Omwami,
kololose emianda kikie.”
4Yohana kafwalanga enguo yalombwa khuwoya wengamia, nende okhwiwoya olukhova lwesisero musiwuno sisie, ne esiokhulia sisie sialingi esike nende owukhi womwisuku. 5Vamuchiakho Yerusalemu nende Yudea vosi nende olukongo lwosi olwa Yordani, 6vavatiswa ninaye mumwalo kwa Yordani, nivekanira embi chiawe.
7Nausa nga kawona Avafarisayo nende Avasadukayo avangi nivacha okhuvatiswa, kavawolera, “Enywe olwiwulo lwenjukha! Njanu owavakesiyisie mwirukhe owutinyu wicha? 8Yame amatunda kekesa mbo mwekaniye, 9ne muchekatiakho nimuwola muchi, ‘Khuli nende Abrahamu nga papa wefwe ta’, esikira evawolera, Nyasaye anyala okhulomba olwiwulo lwa Abrahamu okhuchula khumakina kano. 10Nata evise vino eaywa yiri musisikha siemisala, wulimusala kuchama amatunda malayi kuchemwa nokhusukunwa mumuliro.
11“Vavatisa namachi khulweliekanira, nausa oyo wicha enyuma wange wamaani okhumbicha, sinolanire ata okhukinga eviracho vivie ta. Omwenoyo achia okhuvavatisa nende Roho Muchwenufu nomuliro. 12Ali khale noluteru lulwe mumukhono, ne nikakheya awokhuwuulira, alikhuwusa engaano yiye musiaki, ne eng'unda nayo, achia okhuyisamba mumuliro kuchasima.”
Okhuvatiswa khwa Yesu
(Mrk. 1.9-11; Lk. 3.21-22)
13Yesu kachula Galilaya kacha mu Yordani khu Yohana amuvatise. 14Yohana kenya okhumulovera, kamuwolera, “Nise owenyekha mbatisiwe ninawe, nawe nundi wicha khwise?” 15Yesu kamuchipa, “Lekha kave kachio evise vino, esikira kakhoyera khwichuse kosi akowulungi”. Kamweyamira. 16Nga Yesu kavatiswa, kachula mumachi, evise evio ekulu liekukha naye kawona Roho wa Nyasaye nikekha ngamburuku mana kamuerakho; 17ne wona omwoyo kwachula mwikulu, kwawola, “Ono nje Omwana wange omusime, oyu sangaliye muno.”
Currently Selected:
Matayo 3: LNTPP
Highlight
Copy
Compare
Share
Want to have your highlights saved across all your devices? Sign up or sign in
©The Bible Society of Kenya, 2024