Obufwimbuli 8
8
Eshibalikho shiomusaafu, neshikaye shieitsahaabu
1Ne olwa yafunaka eshibalikho shiomusaafu nibubaho obuholeelefu mwikulu, shinga eshise shieinusu yeisaa. 2Nasi ndalola abamalaika abo musaafu abasinjilanga imbeli waNyasaye; nabo nibaheebwa tsinzika musaafu.
3Mana malaika undi niyeetsa, nasinjila hashimalilo shiemisango, nali nende eshikaye shiamalesi kelibuuliesi eshieitsahaabu; naye yaheebwa amalesi kelibuuliesi amanji mbu akahaane halala nende amasaayo kabatakatifu bosi, khushimalilo shieitsahaabu eshili imbeli weshifumbi shioburuchi. 4Nakwo omwosi kwamalesi ako, halala namasaayo kabatakatifu, nibituumuukha imbeli waNyasaye, okhurula mumukhono kwamalaika. 5Mana malaika nabukula eshikaye shiamalesi kelibuuliesi, nashiitsusia omulilo okwokhushimalilo, nashisukunakhushialo; nibibahoemikukumo nende amayoosi nende tsimbenu, nokhurenga khweshialo.
Tsitarumbeta
6Mana abamalaika abo musaafu abali nibali netsinzika musaafu nibeerechekha okhutsikhupa.
7Owambeli yakhupa, niyibaho ifula yamachina nende omulilo, nibitsokaanilemwo amabanga, nibisukunwa khushialo; eshitonye shiokhutaru shieshialo nishisambwa, khandi eshitonye shiokhutaru shiemisaala nichisambwa, khandi obunyasi obubisi bwosi nibusambwa.
8Malaika wakhabili yakhupa olwikalwe, mana eshifwana shinga eshikulu eshikali muno eshiyiitsanga omulilo nishisukunwa munyanza; eshitonye shiokhutaru shieinyanza niyikwa amabanga; 9mana eshitonye shiokhutaru shiebilonje ebiomunyanza, ebiali nibili mwoyo, nibifwa; khandi eshitonye shiokhutaru shiamaaro nikatibibwa.
10Malaika wakhataru yakhupa olwikalwe, inyininyini ikhongo niyakukha okhurula mwikulu, niyakha shinga eshitseso niyikwa khushitonye shiokhutaru shiemialo, khandi khubinoko biamatsi; 11neliira lieinyininyini eyo ni Indululusia; eshitonye shiokhutaru shiamatsi nikakwa indululusia; abandu abanji nibafwa khulwa amatsi ako, shichila kali kakwile amalulu papap'pa.
12Malaika wakhane yakhupa olwikalwe, eliuba nilikhupwa eshitonye shiokhutaru shialio, neshitonye shiokhutaru shiomwesi, neshitonye shiokhutaru shietsinyininyini; mbu eshitonye shiabio shiokhutaru biilime, omubasu kuleshe okhufwa eshitonye shiakhataru mushiteere, kata eshilo shirio.
13Mana nihenga, nimbulila inditsu, ndala yonyene, niyipulukha mwikulu hakari, niyayula nomwoyo omukali, yiri Woowe! Woowe! Woowe! Khubeenabo abamenya mushialo, khulwa amayoosi ketsmzika tsiabamalaika abo bataru abarashiakhupa ta!
Currently Selected:
Obufwimbuli 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
