Obufwimbuli 22
22
1Mana yamanyia omwalo kwamatsi kobulamu, akang'inang'ina shinga ibarafu, nikurula mushifumbi shioburuchi shiaNyasaye neshieLikondi, 2hakari weinjila yalio. Ne khuluku Iwomwalo okwo, elubeka eyi nende eyi, kwaliho omusaala kwobulamu okwamanga ebiamo tsimbia ekhumi natsibili, buli mwesi neimbia yakwo; amasaafu komusaala nako kali khulwa obuhonibwi bwamahanga. 3Ne akeshilaamo shiobubii shikalibakhwoho khandi ta. Eshifumbi shiaNyasaye neshieLikondi shilabamwo mubwenomwo; nabo abasumbabe balamukhalabanila; 4balamulola mumoni namumoni; ne eliiralie lilaba khubweni bwabwe. 5Eshilo shishilabakhwoyo khandi ta; kata shibakheenya obulafu bweitaha, kata obulafu bweliuba, ta; okhuba Omwami Nyasaye alabakhosilia; nabo balarukanga ebisoni nebisoni.
Yesu ali okhwitsa
6Niyamboolela mbu Amakhuwa kano nameesiikwa khandi akatoto. Omwami Nyasaye, ouhedelanga mumioyo chiabanabii, yaruma malaikawe okhumanyia abasumbabe amakhuwa akakhoyeele keekhole mundaalo etsili okhuula. 7Lola, enzitsa bwangu. Noweikhabi ouhanda khumakhuwa kobulakusi obwomushitabu shino.
8Nasi Yohana nisie owahulila nindola amakhuwa kano. Ne olwa ndahulila nindola, ndeekhupa hasi mumakulu kamalaika owamanyia amakhuwa kano okhumwinamila. 9Niyamboolela mbu 'A, orakhola orio ta; endi omusumba washio, khandi owashiabwe abaana beenywe abalakusi, nende abo abahanda khumakhuwa keshitabu shino. Owa okhoyile okhwinamila niNyasaye.
10Niyamboolela mbu Oraboha amakhuwa kobulakusi obwomushitabu shinota; okhuba induukho yili okhuula. 11Omundu omumayaanu atsiililile ario mubumayaanubwe; oweshifwabwi atsiililile ario mushifwabwishie; omuIunjishi atsiililile ario mubulunjishibwe; noyo ouli omutakatifu atsiililile mubutakatifubwe.
12Lola, enzitsa bwangu; omukabo kwanje nakwo endi ninakwo, okhukalusia buli mundu ebikholebie shinga olwa bili. 13Nisie Alifa nende Omega, owambeli nende ouhelelesia, obuchaachilo nende obumaliilishi.
14Nabeikhabi aboosia tsingubo tsiabwe, mbu babe nobunyali khumusaala kwobulamu, nokhwinjila mubilibwa bielitookho. 15Nebutswa elwanyi baliyo abali tsimbwa, nabafila, nabaheyi, nabeeri, nabeenamili bebifwanani, nabuli mundu ouheela obukaatii nabukhola.
16Isie Yesu erumile malaika wanje okhumurumbulila amakhuwa kano khulwa tsikanisa. Nisie eshisina shiaDaudi, khandi omwitsukhuluwe, eyasulwe yomumabwibwi ing'inang'inu.
17Roho nende omweha baboola mbu Witse!
Ouhulila yesi aboole mbu Witse!
Oyo owa obuloho bulia, yeetse; omundu yesi oukeenya abukule khumatsi kobulamu akahaanwa butswa.
18Erumbulila buli mundu yesi ouhulila amakhuwa kobulakusi bweshitabu shino, mbu Omundu yesi naba nakameetakhwo likhuwa liosi, Nyasaye alameeta khuye amanyasio ako akahandiikwa mushitabu shino; 19kata omundu yesi naba nayiniakhwo likhuwa liosi khumakhuwa keshitabu shiobulakusi buno, Nyasaye alayinia omukabo kukwe okwokhumusaala kwobulamu, khandi okwomwitookho litakatifu, ebia amakhuwa kabio kahantliichilwe mushitabu shino.
20Ourumbula amakhuwa kano aboola mbu Ee, enzitsa bwangu.
Amina; witse, Omwami Yesu.
21Obukoosia bwOmwami Yesu bube nabatakatifu bosi. Amina.
Currently Selected:
Obufwimbuli 22: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
