Popular Bible Verses from Obufwimbuli 22

Share

Nisie Alifa nende Omega, owambeli nende ouhelelesia, obuchaachilo nende obumaliilishi.

Lola, enzitsa bwangu; omukabo kwanje nakwo endi ninakwo, okhukalusia buli mundu ebikholebie shinga olwa bili.

Roho nende omweha baboola mbu Witse! Ouhulila yesi aboole mbu Witse! Oyo owa obuloho bulia, yeetse; omundu yesi oukeenya abukule khumatsi kobulamu akahaanwa butswa.

Nabeikhabi aboosia tsingubo tsiabwe, mbu babe nobunyali khumusaala kwobulamu, nokhwinjila mubilibwa bielitookho.

Lola, enzitsa bwangu. Noweikhabi ouhanda khumakhuwa kobulakusi obwomushitabu shino.

Eshilo shishilabakhwoyo khandi ta; kata shibakheenya obulafu bweitaha, kata obulafu bweliuba, ta; okhuba Omwami Nyasaye alabakhosilia; nabo balarukanga ebisoni nebisoni.

Ourumbula amakhuwa kano aboola mbu Ee, enzitsa bwangu. Amina; witse, Omwami Yesu. Obukoosia bwOmwami Yesu bube nabatakatifu bosi. Amina.

Erumbulila buli mundu yesi ouhulila amakhuwa kobulakusi bweshitabu shino, mbu Omundu yesi naba nakameetakhwo likhuwa liosi, Nyasaye alameeta khuye amanyasio ako akahandiikwa mushitabu shino; kata omundu yesi naba nayiniakhwo likhuwa liosi khumakhuwa keshitabu shiobulakusi buno, Nyasaye alayinia omukabo kukwe okwokhumusaala kwobulamu, khandi okwomwitookho litakatifu, ebia amakhuwa kabio kahantliichilwe mushitabu shino.