Obufwimbuli 21
21
Likulu liyia neshialo eshiyia
1Mana ndalola likulu liyia nende eshialo eshiyia; okhuba likulu liambeli neshialo shiambeli biali nibihweeleho; myanza nayo bulaano yibulaho. 2Khandi ndalola litookho litakatifu, Yerusalemu liyia, niliikha okhurula mwikulu ewaNyasaye, niliirecheeshe shinga omweha owisiayiile omusaatsawe. 3Nimbulila omwoyo omukhongo okurula mushifumbi shioburuchi, nikusunga mbu Lole, eshimenyo shiaNyasaye shili mubandu, naye alamenyanga mubo; balabeetsanga abandube, ne Nyasaye omwene alaba ninabo halala, naba Nyasaye wabwe. 4Aleeya amasika kosi mumoni tsiabwe; kata okhufwa shikhulabaho khandi ta; kata shikhulabaho okhwikhuula, kata okhulila, kata okhusaalila khandi tawe; ako akaranjilila kahweele.
5Ne owali niyeekhaale khushifumbi shioburuchi niyaboola, ari Lola, engalula biosi bibe ebiyia. Nasunga mbu Handiika; okhuba amakhuwa kano nameesiikwa khandi akatoto. 6Niyamboolela ari Kamalile okhwikhola. Nisie Alifa nende Omega, obuchaachilo nende obumaliilishi. Oyo owa obuloho bulia, ndalamuheelesia butswa akokhusebele yamatsi kobulamu. 7Oyo ouhula alalaamilwa bino; nasi ndalaba Nyasayewe, naye alaba omwana wanje. 8Habula abo abarii, nabo ababula obusuubili, nabeshisinyo, nabeeri, nabaheyi, nabafila, nabeenamili bebifwanani, nende ababeeyi bosi, omukabo kwabwe kulanyooleshela munyanza yomulilo namalsie keshiberiti eyiyiitsanga, nikhwo okhufwa khwakhabili.
Yerusalemu liyia
9Mana mulala owokhubamalaika abo musaafu abali nibali nende tsindaabo musaafu etsieetsulakhwo amanyasio ako musaafu akahelelesia, niyeetsa; nasungana ninasi, ari Yitsa, ekhumanyie omweha, omukhasi weLikondi. 10Niyanjmga muRoho, niyambila mushikulu eshikhongo eshirambi, niyamanyia litookho litakatifu lieYerusalemu niliikha okhurula mwikulu ewaNyasaye, 11nilili noluyali lwaNyasaye; okhwakha khwalio khweengana lichina liobukusi obutinyu, shinga lichina liayasepi, elieleleshe shinga ibarafu. 12Olukoba lwalio lwali olukhongo olurambi; lwalikhwo ebilibwa ekhumi nabibili; ne habilibwa ebio baliho abamalaika ekhumi nababili; khandi ameera kahandiikwakhwo, aketsimbia ekhumi natsibili etsiabaana baIsiraeli. 13Elubeka Iwebukwe bialiho ebilibwa bitaru; elubeka Iwesautsi, ebilibwa bitaru; khandi elubeka lwamumbo, ebilibwa bitaru. 14Olukoba Iwelitookho lwali namachina ekhumi nakabili akomuse; ne khuko kalikhwo ameera ekhumi nakabili kabarume beLikondi abo ekhumi nababili.
15Ne oyo owali nasungananga ninasi yali neshichelo eshifwana shinga litlmdu lieitsahaabu, eshiokhuchela litookho nebilibwa bialio nolukoba lwalio. 16Obuumbashi bwelitookho elo, tsimbeka tsialio tsine tsiahelana; oburambi bwalio bwahelana nobuchiikha; mana yachela litookho nelitundu, tsimailo eshikhumila ebikhumi biraano; oburambinobuchiikhanobuchmguukhu nibihelana biosi. 17Mana nachela olukoba lwalio, emikhono eshikhumi amakhumi kane nachine mukhuchela khwomundu, shichila nibio ebia malaika yeekhoonyela. 18Olukoba Iwene Iwoombashilwa amachina kayasepi; nalio litookho liali lieitsahaabu inzeleleshe, shinga eshihoo eshieleleshe. 19Amachina komuse kwolukoba Iwelitookho kali nikang'oonelwa amachina kobukusi obutinyu, tsimbia tsiako tsiosi. Lichina liomuse liambeli liali eliayasepi; eliakhabili, isapiri; eliakhataru, kalekedoni; eliakhane, itsumaridi; 20eliakharaano, saridoniki; eliakhasasaba, akiki; eliomusaafu, kirisolito; eliomunaane, sabarajadi; eliashienda, yakuti; eliekhumi, kirisopuraso; eliekhumi nalulala, hiakinitso; eliekhumi nakhabili, ametsisito. 21Ebilibwa ebio ekhumi nabibili biali tsilulu ekhumi natsibili, buli shilala khubilibwa ebio nishili ilulu ndala. Injila yelitookho nayo yali yeitsahaabu inzeleleshe, shinga eshihoo eshing'inang'inu.
22Shindalolakhwo ihekalu yosi yosi mubwenomwo ta; okhuba Omwami Nyasaye Ounyalabiosi nende Likondi nibo ihekalu yalio. 23Kata litookho elo shiliakheenya eliuba kata omwesi bililangaalile ta; okhuba oluyali lwaNyasaye lwalilangaalila; ne itaha yalio neLikondi. 24Nako amahanga kalachendelanga mubulafu bwalio, abaruchi abomushialo nibaleeramwo oluyali lwabwe. 25Ebilibwa bialio shibileekalungwakhwo mushiteere ta--ne eshilo shishilabayo tawe. 26Oluyali neifuma yamahanga balaleerangamwo; 27ne eshindu shiosi eshiomusilo shishileenjila; khwomwo ta, kata oyo oukholanga akeshisinyo nobubeeyi tawe; habula abo bonyene abahandiikwa mushitabu shiobulamu shieLikondi.
Currently Selected:
Obufwimbuli 21: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
