Obufwimbuli 16
16
Tsindaabo tsioburima
1Mana ndahulila omwoyo omukhongo okurula muhekalu, nikuboolela abamalaika abo musaafu, mbu Mutsie musundule khushilao tsindaabo etsio musaafu tsioburima bwaNyasaye.
2Owambeli natsia, nasundula olutaabolwe khushialo; nikabaho amakhwaku amanyeenyukhu akahunya obubolo, khubandu abali neshimanyilo shieisolo, abeenamilanga eshifwanani shiayo.
3Owakhabili nasundula olutaabolwe munyanza; nikakwa amabanga shinga akarula mumufu; mana buli shili mwoyo nishifwa, khubienebio ebiali munyanza.
4Owakhataru nasundula olutaabolwe mumialo nebinoko biamatsi; nako nikakwa amabanga.
5Nimbulila malaika wamatsi naboola mbu E iwe Omutakatifu, oli omulunjishi mubukhalachibwo, iwe oubeetsangaho nowalinjiho; 6shichila bo basundula amabanga kabatakatifubo nabanabii, nawe obanyweesiye amabanga; bakwanile bario. 7Nimbulila eshimalilo shiemisango nishiboola shiri E Omwami Nyasaye, iwe Ounyalabiosi, nitoto; obukhalachibwo nobwatoto khandi nobulunji.
8Owakhane nasundula olutaabolwe khuliuba; nalio nilifuchiililwa okhusamba abandu nomulilo. 9Abandu nibayia khulwa omulilo omululu; nibanyeka eliira liaNyasaye ouli nobunyali khumanyasio ako; nebutswa shibayeekalukhasia okhumuheelesia oluyali tawe.
10Owakharaano nasundula olutaabolwe khushifumbi shioburuchi shieisolo tsana; mana haburuchi bwayo nihakwa eshiilima. Abandu nibeeluma bwiluma tsinimi tsiabwe khulwa obusaalili, 11nibanyeka Nyasaye owelikulu khulwa obusaalili bwabwe namakhwaku kabwe; nebutswa shibayeekalukhasia okhulekha ebikhole biabwe ta.
12Owakhasasaba nasundula olutaabolwe khumwalo okwo omukhongo Eufurate; amatsi kakwo nikakhama khamu, mbu injila yikasilibwe abaruchi abakharula ebukwe.
13Nindola abaroho beshifwabwi bataru, abafwana shinga amashele, nibarula mumunwa kwokuyokha, nomumunwa kweisolo, nomumunwa kwomunabii wobubeeyi. 14Ne nibo abaroho bamadimoni, abakholanga ebilolelo; ne barulanga nibatsia khubaruchi beshialo shiosi, okhubakhung'aasilia lihe lieinduukho ikhongo yaNyasaye, oyo Ounyala biosi. 15(Ari, Lola, enzitsa shinga omwibi. Noweikhabi oyo oubeetsanga meeso, natong'a nende tsingubotsie, aleshe okhuchenda eshihechenye, nafwimbwa omurwe imbeli wabandu.) 16Kho nibabakhung'aasilia habundu ahalangwa muluHeburania mbu Hari-Magedoni.
17Owamusaafu nasundula olutaabolwe mulwanga; omwoyo omukhongo nikutula muhekalu, okhurula mushifumbi shioburuchi, nikusunga mbu Kahweele! 18Mana nibibaho tsimbenu, namayoosi, nemikukumo; eshialo nishirenga obutinyu; kata okhurula olwa abandu bachaaka okhubaho mushialo shikhwalikhwoho okhurenga okhukhongo okhwamaani okhufwana khurio tawe. 19Litookho likhongo elo nilikabulwa ebitonye bitaru, amatookho kamahanga nako nikakwa; kata Nyasaye shiyali niyeebiliile Babeli litookho likhongo ta, nebutswa yalinyweesia khushikombe shieidivai yoburimabwe obululu. 20Buli shikhalachinga shieelukha, ebikulu nabio nibiranyoolekha ta. 21Mana ifula yamachina niyirula mwikulu niyikwa khubandu, buli lichina obusiro bwalio nibuhela shinga italanda ndala; abandu nibanyeka Nyasaye khulwa linyasio liamachina ako; okhuba linyasio elo liali likhongo elishilaanile.
Currently Selected:
Obufwimbuli 16: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
