Obufwimbuli 15
15
Abamalaika abali namanyasio akahelelesia
1Mana ndalola eshilolelo shindi mwikulu, eshikhongo khandi eshiamakana; mbu abamalaika musaafu nibali namanyasio musaafu, akeene akahelelesia; shichila muko nimwo omwa oburima bwaNyasaye buba nibuhweeleele.
2Khandi ndalola eshifwana shinga inyanza yeshihoo, niyitsokaanilemwo omulilo; ne abo abali nibahulile isolo yene, neshifwanani shiayo, neisabu yeliira liayo, bali nibasinjiile ahambi khunyanza eyo yeshihoo, nibali nende amatungu kaNyasaye. 3Nibeemba olwimbo lwaMusa omusumba waNyasaye, nende olwimbo IweLikondi, bari
Ebikholebio nebikhongo khandi nebiamakana, E Omwami Nyasaye, iwe Ounyalabiosi; tsinjilatsio natsio netsinunji khandi etsiatoto, iwe Omuruchi webisoni. 4E Omwami, niwina ouraria kata okhuliheelesia eliiralio oluyali ta? Shichila niwe wenyene ouli omutakatifu. Amahanga kosi kaleetsa nikeenama imbeliwo; okhuba ebikholebio ebilunji bimanyiishe.
5Olunyuma lwa ako ndalola ihekalu yeshimenyo shioburumbusi eyili mwikulu niyiikulwa; 6ne muhekalu tsana nimurulamwo abamalaika abo musaafu abali nibali nende amanyasio musaafu nibeefwalile tsingubo tsieikitani indafu tsererere nibeeboheele mubilifu biabwe emishiipi chieitsahaabu. 7Shilala eshiokhubili mwoyo ebio bine nishiheelesia abamalaika abo musaafu tsindaabo musaafu etsiali nitsiitsuulekhwo oburima bwaNyasaye, oyo oubeetsanga mwoyo ebisoni nebisoni. 8Ihekalu nayo yali niyiitsuulemwo omwosi okhurula muluyali lwaNyasaye, nokhurula mubunyalibwe; kata yabulayo owanyala okhwinjila muhekalu okhuula olwa amanyasio ako musaafu kabamalaika musaafu kakhaba nikahvweele.
Currently Selected:
Obufwimbuli 15: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
