Tsitsabuli 146
146
Eyokhwitsoomia khulwa ehkhole biobulunjishi biOMWAMI
1Mumwitsoomie OMWAMI;
iwe omwoyo kwanje, witsoomie OMWAMI.
2Ndalamwitsoominjia OMWAMI tsindaalo tsiosi tsiobulamu bwanje;
ndaleembanga nimwitsoomia Nyasaye wanje olwa eshiliho.
3Oreesiikanga abakhulundu ta,
kata omwana womundu, oubula obukhoonyi.
4Olwa omuuyakwe kumurulamwo, akalushila lilobalie;
khunyanga yeneyo tsiyemitsie tsiakama.
5Noweikhabi omundu yesi owa Nyasaye waYakobo ali omuhabiniwe,
ounaayilanga muMWAMI Nyasayewe
6owalonga likulu nende eshialo,
inyanza, nende biosi ebilimwo.
Ye abeetsanga omwisiikwa tsindaalo tsioisi;
7abakholelanga abamiinwa obukhalachi bwatoto;
abali inzala, abaheelesia eshiokhulia.
OMWAMI abohololanga ababohe;
8OMWAMI atimbusinjia ababofu tsimoni;
OMWAMI abuusinjia abo abeenamibwa hasi;
OMWAMI aheelanga abalunjishi.
9OMWAMI alindanga abacheni,
naleetelela ababisandu nabakhasi abalekhwa;
nebutswa injila yababii achiusinjia mubusasishi.
10OMWAMI alarukanga obushia nobushia,
niye Nyasayewo, e Sayuni, okhuula khubisoni nebisoni.
Mumwitsoomie OMWAMI.
Currently Selected:
Tsitsabuli 146: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
