Tsitsabuli 145
145
Eyokhwitsoomia khulwa obulayi bwOMWAMI, nende obunyalibwe.
Itsabuli eyokhwitsoomia; olwaDaudi.
1Ndalakhufuminjia, Nyasaye wanje, Omuruchi wanje,
nindiitsoomia eliiralio obushia nobushia.
2Buli nyanga ndalakhwitsoominjia,
nimbaaka eliiralio obushia nobushia.
3OMWAMI nomukhongo, oukwanile okhupaakwa muno;
obukhongobwe shibumanyikhana ta.
4Abolwibulo lulala balafumia emilimochio khubolwibulo lundi,
nibarumbula ebikholebio biamaani.
5Ndalayililisinjia khuluyali lwobukhulundu bweifumayo,
nende khumilimochio chiamangaliimwa.
6Abandu balaboolanga akobunyali bwebikholebio biamauiisia;
nasi ndalarumbulanga obukhongobwo.
7Balasundula busundula akobwitsulili bwobulayibwo obukhongo,
nibeemba akobulunjishibwo.
8OMWAMI nowobukoosia, niyeetsuulemwo eshisa;
shiatiilungwa oburima bwangu ta, wakutsa nobuheeli oburalilu.
9OMWAMI nomulayi khubosi;
tsimbabasitsie tsiliho khubiosi ebia yakhola.
10Ebilonjebio biosi bilakhuupilanga orio, e OMWAMI;
nabo abakhuheelanga balakhwitsoominjia.
11Balaboola akoluyali lwobwamibwo, nibasunga akobunyalibwo,
12okhumanyia abaana babandu ebikholebio biamaani,
noluyali Iwobukhulundu bwobwamibwo.
13Obwamibwo nobwami oburahwaho ta,
kata oburuchibwo nobwetsinzibulo tsiosi.
14OMWAMI aleetanga bosi abeenya okhukwa,
nababuusia bosi abeenamibwa hasi.
15Tsimoni tsiebili mwoyo biosi tsikhulindiililanga,
nawe obiheelesinjia ebiokhulia biabio khushise eshikhoyeele.
16Olekhuula omukhonokwo,
niwikusia okhwenya khwabuli shili mwoyo shiosi.
17OMWAMI nomulunjishi munjilatsie tsiosi,
khandi nowobukoosia mubikholebie biosi.
18OMWAMI ali ahambi khubosi abamuhaabila,
khubosi abamuhaabila mubwatoto.
19Alaheelesia abamuriitsanga ebia beekomba;
khandi alahulila okhuhaaba khwabwe, nabahonia,
20OMWAMI alindanga bosi abamuheelanga,
ne ababii bosi, alabasishia.
21Omunwa kwanje kulaboola akeifuma yOMWAMI;
ebili mwoyo biosi nabio biitsoominjie eliiralie litakatifu ebisoni nebisoni.
Currently Selected:
Tsitsabuli 145: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
