Tsitsabuli 140
140
Eyokhusaba obuteetswi mubusakanibwi
Khumureleesii wetsinyimbo; Itsabuli yaDaudi.
1E OMWAMI, umbonie mumikhono chiababii;
undeetse khubandu bamahababa,
2abarechekhanga amabii mumioyo chiabwe;
bayakulanga obusoolo tsindaalo tsiosi.
3Bayiakala olulimi lwabwe shinga olweinzokha;
obusiba bwetsinzokha buli muminwa chiabwe.
4E OMWAMI, uninde endeshe okhukwa mumikhono chiababii;
undeetse khubandu bamahababa,
abareelekhwo omwoyo okhwisichirasia ebilenje bianje.
5Abeechinjimisii bandecheele eshikoye mabiswi;
babambuule olurimba nemikoye khundulo weinjila;
bangasiliye ebirechelo.
6Ndasunjila OMWAMI ndi Niwe Nyasaye wanje;
oreche amarwi khumwoyo kwokhusaaya khwanje, e OMWAMI.
7E NYASAYE Omwami, omuhonia wanje owamaani,
wafuunikha omurwe kwanje khunyanga yobusoolo.
8E OMWAMI, oraheelesia omubii aka yeekomba,
kata okhutsitsachisia amabii aka arechekhanga ta.
9Abafumbila bachinguula omurwe;
amanyasio akarula muminwa chiabwe kabafuunishe.
10Amaanda akaang'alaale kabakwile;
basukunwe mubuko oburambi, oburabuukha khandi ta.
11Omuchiishi aleshe okhuralisibwa mushialo;
obubii buyiime owamahababa, bumukwisie hasi.
12Emanyile mbu OMWAMI alatinyisia eshifune shiabasandibwa,
nende akakhoyeele abatakha.
13Toto mwene, abalunjishi balakhupila eliiralio orio;
abakololofu balamenyanga imbeliwo.
Currently Selected:
Tsitsabuli 140: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
