Tsitsabuli 139
139
Nyasaye abeetsanga buli hosi, namanya amakhuwa kosi.
Khumureleesii wetsinyimbo; Itsabuli yaDaudi.
1E OMWAMI, wayarunilisia, wayamanya.
2Omanyanga okhwikhala khwanje, nokhubuukha;
omanyanga amapaaro kanje, kata noli chale.
3Oseleetsa injenda yanje, nokhukona khwanje,
kata shiokorwa injila yanje ta.
4Okhuba libulaho likhuwa liosi khululimi lwanje
habula elia iwe, OMWAMI, lola, olimanyiile elala.
5Umbotokhaane tsimbeka tsiosi, niurakhwo omukhono.
6Obumanyi obufwana burio nobwamakhana; burambile muno;
buli ikulu muno; kata shinyala okhuulayo ta.
7Ndakhatsia heena, okhurula khuRohowo?
Kata ndakheelushila heena, okhurula ewa oli?
8Nimba ningulukha ninzia mwikulu, oba noliyo;
nimba ninzala obulili bwanje eMakombe, oba noliyo.
9Nimba nimbulushila tsimbaha tsiebunakhushia,
nimenya khushihesi shieinyanza,
10kata yaho omukhonokwo kulanzimililanga,
omukhonokwo musaatsa nikundiila.
11Nimba nisunga mbu Eshiilima shishilachweya okhufwimba ta,
obulafu obufumbila nibukwa eshilo;
12khane kata eshiilima shishiba eshiilima khwiwe ta;
ne eshilo shiakha shinga eshiteere;
eshiilima nobulafu bifwanana butswa imbeliwo.
13Niwe owalonga ebitonye bianje ebiomukari;
waniimaasia halala nindi munda yamama.
14Ekhuupila orio, okhuba okwanile okhuriibwa nokhuchenyelwa;
ebikholebio nebiamangaliimwa.
Wamanya obulayi;
15amakumba kanje shikabisikha imbeliwo ta,
olwa ndali ninongungwa mumabiswi,
nindukhwa bulukhwa mwiloba musi bwene.
16Tsimonitsio tsialola omubili kwanje nikushilonjekha.
Mushitabushio tsindaalo tsianje tsiahandiikwa etsiangasilibwa, tsiosi pe,
olwa tsiali nitsirashiabaho ta.
17E Nyasaye, tsiyemitsio netsiolukoosi muno khwisie;
omukuuli kwatsio nomukhongo.
18Nimba nindakhatsibasia, tsiakhashila omuyeshe obunji;
ne kata ningabasia okhuula khushihesi, ndakhaba nishili ninawe.
19E Nyasaye, shiakhuha weera ababiii!
Kho murulekhwo, inywe abachamanga okhuraatsia eshitsayi.
20Shichila bakhufukulanga obubii,
nibachinguukha obubii okhukhukhaya.
21Nasi, OMWAMI, shimbakiyanga abakhukiya iwe?
Kata abakhubuushilanga, shibasinya?
22Okhukiya embakiyila elala;
bakwile abasuku banje.
23E Nyasaye, urunilisie omanye omwoyo kwanje;
undeeme, omanye okhukanakania khwanje.
24Olole niyiba niyiliho injila imbii yosi mwisie,
niunzimilila khunjila eyirahwaho ta.
Currently Selected:
Tsitsabuli 139: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
