Tsitsabuli 141
141
Eyokhusaba obulindwi mububii
Itsabuli yaDaudi.
1OMWAMI, ekhuhaabila; unzitsile bwangu;
oreche amarwi khumwoyo kwanje olwa ekhuhaabila.
2Okhusaaya khwanje khwanzwe imbeliwo shinga amalesi kelibuuliesi;
okhukalikha khwamakhono kanje khufwane shinga omusango okwokhushiisiisie.
3E OMWAMI, rakhwo obulindi imbeli womunwa kwanje;
ohenjelesie omuliango kwomunwa kwanje.
4Oreenamia omwoyo kwanje khwibii liosi ta,
endeshe okhwinjila mubikhole ebibii
halala nabandu abakholanga obumayaanu;
kata endeshe okhulia khubinulu biabwe ta.
5Omulunjishi yakhupe, kata okhungondeshela mushisashie;
ne amafura kababii kaleshe okhutsushiililwa khumurwe kwanje,
ne amafura kababii kaleshe okhutsushiililwa khumurwe kwanje,
shichila okhusaaya khwanje khushifukula obubii bwabwe.
6Abayaasii babwe bakwisibwa khundulo wolwanda;
abandu balahulila amakhuwa kanje, okhuba namabuulu.
7Amakumba kabwe kakona nikasalaanile hamunwa kweMakombe,
shinga lichina eliarasibwa nilisalaasibwa hasi.
8Nebutswa tsimoni tsianje tsichooma khwiwe, e NYASAYE Omwami;
ekhwilushilanga iwe; orandekha nimbula eshindeetsa ta.
9Uninde endeshe okhutiilwa neshikoye eshia barechela,
kata eshirechelo shiabakholi bobumayaanu.
10Ababii batiilwe mutsirimba tsiabwe abeene, nasi ndihonokoshe.
Currently Selected:
Tsitsabuli 141: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
