Tsinjelo 28
28
Ababii nende abalunjishi
1Abatamaanu beelukhanga olwa omundu O arabalondachililanga ta;
ne abalunjishi nabeikholo nyumu shinga italanyi.
2Obwonooni bweshialo buchilanga abakhulundu bashio nibaba abanji;
ne shilayindila khulwa abandu abokhumanyilisia nende obumanyi.
3Omundu omutakha ousandinjia abamanani afwana shinga ifula yomukhula eyiyilanga ebiokhulia biosi.
4Abalekhanga ameebaalo beetsoominjia abatamaanu;
ne abalindanga ameebaalo bayingananga ninabo.
5Abandu ababii shibamanyilisinjia obukhalachi bwatoto tawe;
ne abarunanga OMWAMI babumanyilisilinjia elala.
6Omumanani ouchendanga mushiilongooleshie ashila ouli omurambatsanu munjilatsie, kata nali omuyinda.
7Oulindanga ameebaalo nomwana omuchesi;
nebutswa ouchenda nabalangu afwimbinjia samwana omurwe.
8Oumeetelanga emianduchie neinganga nende injelesio,
achibunjelesilinjia omwenoyo oubakholelanga abamanani akeshisa.
9Owikalanga amarwike kaleshe okhuhulila ameebaalo,
kata lisaayolie nelieshisinyo.
10Ouchilanga abakololofu nibashiama okhutsia khunjila imbii,
ye omwene alakwa mubukobwe;
ne abahabwene balalia obulaame bwobulayi.
11Omundu omuyinda nomuchesi mumonitsie omwene;
ne omumanani ouli omurechelefu amukhwenyanga.
12Olwa abalunjishi basangaala, oluyali lubeetsangaho olunji;
ne olwa abatamaanu babuukha, abandu beebisanga.
13Oufuunikhanga obwonoonibwe shialakaasa ta;
ne oubwiyamanga nabulekha alabeelwa tsimbabasi.
14Noweikhabi omwenoyo ouriitsanga tsindaalo tsiosi;
ne outinyinjia omwoyokwe alakwa mumabii.
15Shinga italanyi eyibululanga, nende itubu eyichendananga,
nolwa omuruchi omutamaanu ali ourukanga abandu abamanani.
16Omwimilisi oubulanga okhumanyilisia niye omumiinu muno;
ne oukiyanga inganga yobunuuli, tsindaalotsie tsilameetekha.
17Omundu oumiinikhangal mumwoyo khulwa amabanga komundu yesi aleelushila obuko; omundu aramutiila ta.
18Ouba nachendanga bukolofu alahonibwa;
ne ouli omurambatsanu munjilatsie, nonoho alakwa.
19Oulimanga omukundakwe alanyoola ebiokhulia ebimuhela;
ne oulondanga amakhuwa kabutswa alanyoola obumanani obumuhela.
20Omundu omwisiikwa alakutsa netsikhabi tsinyinji;
ne oyo ouyuyukhananga okhuyindihala shialacheweya okhukuumwa ta.
21Okhukhola ebiela mubandu shibuli bulayi ta;
ne abandu baloonoona khulwa okhunyoola eshironje shiobusuma.
22Oumookoolanga ayuyukhanilanga obuyinda,
ne shiamanyile mbu obutakha bulamwitsila ta.
23Ouloshela omundu alanyoola obukoosia obunji olunyuma,
okhushila oyo oulombelesinjia nolulimi.
24Ounuulanga samwana nohomba nyina, mana aboola ari Shibuli obubii ta;
nomwitsa wa oyo owonooninjia.
25Oweindia ingali abuusinjia obusoolo;
ne oumwisiikanga OMWAMI alasitohibwa.
26Owisiikanga omwoyokwe omwene nomuyingwa;
ne owichendelesia mubuchesi alahonibwa.
27Ouheelesinjia abamanani ebindu shialatakha ta;
ne oukoyakoyinjia alalaamwa ebilaamo biobubii ebinji.
28Abatamaanu olwa babuushilamwo nobunyali, abandu beebisanga;
ne olwa batiba, abalunji bameetekhanga.
Currently Selected:
Tsinjelo 28: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
