Tsinjelo 27
27
1Oreeyitsoomia khukamukamba tawe;
okhuba shiomanyile eshia inyanga yileebula ta.
2Lekha oundi akhwitsoomie, nomunwakwo omwene ta;
fwana omucheni, ne omunwakwo tawe.
3Lichina nelisiro, ne omuyeshe nomusitohu;
ne obusinyishi bwomusilu nobusiro okhushila biombi.
4Oburima buhuma tsimbabasi, ne oburaasi nomukhula;
ne niwina ounyala okhusinjila imbeli weimbalikha?
5Obulosheli bwahabulafu nobulayi okhushila obuheeli obwibisile.
6Amakhupache komwitsa namasuubilwa;
ne okhutsunzuuna khwomusuku nokhunji muno.
7Omundu owikuure asinyishilanga obuushi,
ne khumundu ouli inzala, shia eshindu eshilulu neshimilamili.
8Shinga linyonyi eliboyaboyanga okhurula khushitsu shialio,
nolwa omundu ali ouboyaboyanga okhurula hawuwe.
9Amafura kokhwibakha nende omusaala kweshing'aari bisangaasinjia omwoyo;
nindio obulayi bwomwitsa womundu bumulemia omwoyo.
10Oralekha omwitsa wuwo, kata omwitsa waso;
kata oratsia munzu yomwana weenywe khuyanga yamasilako ta;
okhuba owashio ouli ahambi nomulayi okhushila owomweenywe ouli ehale.
11Mwana wanje, obe omuchesi, nosangaasia omwoyo kwanje,
kho emukalusie oyo ouseyanga.
12Omundu omurechelefu alolanga obubii, mana yeebisa;
ne ababula amachesi babira bubira, mana banyoola amatinyu.
13Bukula eshiifwalo shia oyo ousinjilanga omucheni omusingo;
nomutiila abe eshihambililo oyo ousinjilanga omurende omusingo.
14Oulaamilanga omwitsawe ikhabi nalokhooma, nabuukha mukamba tsuli,
kalabalwa khuye mbu alaamanga eshilaamo shiobubii.
15Okhuroonyelelanga obushia khunyanga yeifula inyinji,
nende omukhasi owomunwa, bifwanana;
16owakheenya okhumwikalila yeekalilanga omuyeka,
kata okhutiila amafura mumukhono omulunji.
17Eshibia shiyiakalanga eshibia;
nindio omundu ayiakalanga omwitsawe.
18Outendanga omukhuyu alalia khubiamo biakwo;
naye oumulinda omwamiwe alaheebwa oluyali.
19Shinga mumoni olwa mulolananga nomumoni mundi mumatsi,
nolwa omwoyo kwomundu kumuloleshelanga muwashie.
20Makombe nende Obutibi shibiikuranga tawe;
kata tsimoni tsiabandu shitsiikuranga nahatuutu ta.
21Indibo yili khulwa ifeetsa, nomuhlo omululumu khulwa itsahaabu,
ne omundu achelungwa muka yeetsoominjia.
22Kata niwakhaswaka o nusilu mushinu nomuswachilo, halala neimele eyiswakwa,
ne obusilubwe shibularula khuye ta.
23Obe oweshinani okhumanya shinga olwa ebiayobio bili,
nohenga bulayi emirukochio.
24Okhuba obuyinda shibuyindila ta;
kata olusimbi luyindilanga khunzibulo tsiosi noho?
25Obunyasi olwa buchingwa, omuboka nikulolekha,
tsifwa etsiomungulu nitsibunjelesibwa,
26nilwo olwa ebimeeme bibaho khulwa ebiifwalobio,
khandi tsimbusi khulwa obukusi bwomukunda;
27amabeele ketsimbusi nako kalabaho akahela eshiokhuliashio, nende eshiokhulia shiabelitaalalio;
khandi okhuliisia abakhaana abakholibo.
Currently Selected:
Tsinjelo 27: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
