Tsinjelo 11
11
1Eshichelo shiobukaatii neshisinyo khuMWAMI;
ne iratili yahabwene niyo eya achamanga.
2Olwa obwichinjimisii bwitsanga, nilwo olwa tsisoni tsiitsanga;
ne abaholo bali nobuchesi.
3Eshiilongoole shiabakololofu shilabeemilila;
ne obushiamu bwabakhobani bulabamulula.
4Obuyinda bubula inganga munyanga yoburima;
ne obulunjishi buhoninjia omundu mukhufwa.
5Obulunjishi bwowahabwene bulalunjisia injilaye;
ne omumayaanu alakwa khulwa obumayaanubwe omwene.
6Obulunjishi bwabakololofu bulabahonia;
ne abakholanga obukhobani balahambwa mubwikombi bwabwe abeene.
7Omumayaanu olwa afwa, eshia alindiililanga shikoranga;
khandi eshia ababii banaaya shitibanga.
8Omulunjishi ahonibungwa mumanyakhano,
9Omundu ourariitsanga Nyasaye ta yoonooninjia owashie nomunwakwe;
ne omulunjishi alahonibwa khulwa obumanyi.
10Olwa abalunjishi batsitsachililanga bulayi, litaala lisangaalanga;
ne abatamaanu olwa batiba, tsingalakala tsibeetsangaho.
11Khulwa ikhabi yomukololofu litaala likhulumamibwa,
ne likwisibungwa khulwa omunwa kwomumayaanu.
12Oulekanga owashie abula obuchesi;
ne omundu wokhumanyilisia aholeelanga.
13Ouyeyema nachenda abisulanga amabiso;
ne ouli naroho indisiikwa abisanga likhuwa.
14Aha ameebaalo kabula, abandu bakwitsanga;
ne mubachesiyii abanji obuhonia bulimwo.
15Ousinjilanga omurende omusingo alalola;
ne ousilanga omusingo ali bulayi.
16Omukhaye omukoosii anyoolanga oluyali,
ne abamahababa banyoolanga obuyinda.
17Omundu wetsimbabasi yeekholelanga obulayi;
ne oubula tsimbabasi yeenyasinjia omwene.
18Omushaara okwa omutamaanu akholelanga kumukaatinjia;
ne ouraakanga obulunjishi anyoola amatani katoto.
19Omundu omulunjishi anyoola obulamu,
ne oulondananga nobubii anyoola okhufwa.
20Abemioyo emirambatsanu nabeshisinyo khuMWAMI;
ne abali habwene munjila yabwe, nibo abamuchamisinjia.
21Iiata amakhono nikatiilana karie,
4omubii shialachweya okhukuumwa ta;
ne olwibulo lwabalunjishi lulahonibwa.
22Shmga olwa ingaka yeitsahaabu yili, mumoolu keimbiitsi,
nindio ali omukhasi oweshiiso oubula obwitembelesii.
23Aka omulunjishi yeenya namalayi konyene;
ne eshia omutamaanu alindiilila noburima.
24Aliho ousalaasinjia, nebutswa ameetekhanga okhuyindihala;
ne aliho owimananga khubia akwanile okhuhaana, nebutswa kamuleerelanga obutakha.
25Omundu omuhaani alakhomesibwa;
ne ounyweesinjia amatsi naye alanyweesibwa.
26Owimananga imele, abandu balamulaama eshilaamo shiobubii;
ne ikhabi yilaba khumurwe kwa oyo ouchikusinjia.
27Ourunanga obulayi neshinani arunanga obukoosia;
nebutswa ourunilisinjia obubii, nabwo bulamwitsila.
28Ousuubililanga mubuyindabwe alakwa;
ne omulunjishi alatendeema shinga lisaafu elinelanga.
29Ounyasinjia abelitaalalie, obulaamebwe bulaba omuyeka;
ne omusilu alaba omusumba wa oyo owomwoyo omuchesi.
30Ebiamo biomulunjishi nomusaala kwobulamu;
ne amahababa kabukula obulamu bwabandu.
31Omulunjishi naba narungwa mushialo,
kho omutamaanu nende omwonooni nabo shibalashila muno okhurungwa!
Currently Selected:
Tsinjelo 11: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
