Abafilipi 2
2
Yesu shinga olwa yatiitiyibwa nende okhuchinguulwa
1Nibuba nibulimwo obuhabini bwosi muKristo, nikhuba nikhulimwo okhulemia omwoyo khwosi khwobuheeli muye, nibuba nibulimwo obusanjilani bwaRoho muye, nibuba nibulimwo obuheeli bwosi nende tsimbabasi muye, 2kho muusie obusangaali bwanje, mbu muwinjanenje, nimuba abobuheeli bulala, nimufuchilisania mukhuwinjana, 3Murakhola likhuwa liosi khulwa obuyingani kata khulwa obwichinjimisiita; habula mwongolelanenje; buli mundu apaarenje mbu owashie noumushila. 4Murahenganga buli mundu khubindu bibie omwene ta, habula buli mundu khubiabashie. 5Mubeetsenje nomwoyo mwinywe omulala nende okwenokwo okuli muKristo Yesu. 6Ye yalinji khumela yaNyasaye; ne shiyapaarakhwo mbu okhuhelana nende Nyasaye nelikhuwa lilayi elia akhoyile okhuhandakhwo ta; 7ne yalekhuula kosi, niyeebukulila imela yomusumba, naba mukhufwana khwomundu. 8Ne olwa yalolekha mukhufwana khwomundu, yeetiitiyia omwene, niyeekhola omuhulili okhuula khukhufwa; toto, kata khukhufwa khwokhumusalaba. 9Ne niko akachila Nyasaye namwemekha hekulu, namuheelesia eliira elo elili ikulu khumeera kosi; 10mbu muliira liaYesu buli lisikamo lisikame, kata eliebili mwikulu, kata eliebili mushibala, kata eliebili musi weshibala, 11khandi mbu buli lulimi Iwiyame luri YESU KRISTO NIYE OMWAMI, khuluyali lwaNyasaye Samwana.
Ebiashilo mushialo
12Khulwako, abaheelwa banje, mubeetsenje abahulili, shinga olwa mubeetsanga; ne olwa emba nindiho lwonyene ta, habula okhushila muno bulaano, nihumaho. Inywe abeene, kholenje akakhoyeele obuhonia bweenywe, noburii nende okhutechela. 13Shichila Nyasaye niye oukholelanga mwinywe, akokhwenya nende akokhukhola khwosi, mutsiyemitsie tsindayi.
14Kholenje kosi, oburabuutsuluula kata okhuyingana ta, 15mbu mubule eshiuku shiosi nimuba abeshiilongoole, abaana baNyasaye ababula imbala yosi mukari wabolwibulo olushiamu olurambaatsanu, omwa muloleshelangamwo shinga ebiashilo mushialo, 16nimutiilile likhuwa liobulamu; mbu embe nende elia ndiyitsialila khunduukho yaKristo, mbu shindayeelukha butswa kata okhunyakhana butswa ta. 17Nebutswa, kata nimba ninzukhwa shinga omusango kwokhutsushilwa khumusango nobukhalabani bwobusuubili bweenywe, ndikhoya nisangaala halala nineenywe mwesi; 18khandi neenyu mwesi murio, mwikhoye nimusangaala halala ninasi.
Timotseo naEpafurodito
19Ne esuubilanga muMwami Yesu okhumurumila Timotseo mundaalo etsiahambikhwo, mbu siesi enemibwe omwovo olwa emba nimanyile akeenywe. 20Okhuba shindi nende oundi yesi owomwoyo shinga okukwe, owakhahendela akeenywe, ta. 21Shichila bosi bakhaabanga akabwe abeene, ne shibakhaabanga akali kaYesu Kristo ta 22Nebutswa inywe mumanyile ifumaye, shinga olwa yakhalabaane ninasi halala mumilimo chieinjiili, shinga omwana olwa akhalabanila samwana. 23Kho ye niye owa esuubila okhuruma bulaano, olwa emba nimanyile akeetsa okhungwila shinga olwa kalaba. 24Ne emwisiikanga Omwami mbu omwene siesi endi okhumwitsilayo.
25Ne ndalola mbu nobulayi okhumurumila Epafurodito, omwana weefwe, khandi omukholi owashianje nomusikari owashianje, ne khwinywe nomurume khandi omukhalabani wobutambi bwanje. 26Shichila amahoofu kali nikamuliitsanga muno nineenywe mwesi, nahendanga po, shichila mwali nimuhuliile shinga olwa yali omulwale. 27Okhuba toto mwene yalwala, ahambi okhuiwa; ne Nyasaye yamubeela tsimbabasi; ye yenyene ta, habula isie siesi, mbu endeshe okhumeetelwa eshibeela khushindi. 28Niko akachilile nirakhwo omwoyo muno okhumuruma, mbu mumulole khandi nimwikhoya, nasi endiitiyilibwekhwo eshibeela. 29Kho mumwinjisie muMwami nobusangaafu obunji; nimubaheelesia oluyali abafwana bario. 30Shichila yahabasia khukhufwa khulwa emilimo chiaKristo, narateebakhwo fwa emilimo chiaKristo, narateebakhwo likhuwa khukobulamubwe ta, mbu yoosie ako akaleemile mubukhalabani bweenywe khwisie.
Currently Selected:
Abafilipi 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
