Obubali 8
8
Haruni yarenjekha tsitaha
1OMWAMI naboolela Musa ari 2Sungana O nende Haruni, nomuboolela mbu Olwa oba norenjekha tsitaha, tsitaha etsio musaafu, tsilalangalilanga imbeli weshichibi shiatsio. 3Haruni nakhola ario; yarenjekha tsitaha tsiashio okhulangalilanga imbeli weshichibi, shinga OMWAMI olwa yamulaka Musa. 4Ne okhukholwa khweshichibi shietsitaha khwali khuri nanwa, mbu emilimo chiomwiraanyi, echieitsahaabukata eshishienje shiashio kata ebimuli biashio, chiali emilimo chiomwiraanyi; shinga omufwano okwa OMWAMI yamumanyia Musa, nolwa yakhola eshichibi shietsitaha ario.
Obwahulwi bwabaLawi
5OMWAMI naboolela Musa ari 6Yinia abaLawi mubaana baIsiraeli, nobasiiya. 7Obakholele ori nanwa, khulwa okhubasiiyambu obanyululusiekhwo amatsi akobusiiyi, mana babisie olumwo khumibili chiabwe bosi, niboosia tsingubo tsiabwe, nibeesiiya. 8Mana babukule ihuunwa halala nomusango kwayo kweimele, mbu obusie obunyushe obutsokasiibwe amafura; nawe obukule ihuunwa yindi khulwa omusango kwobwonooni. 9Obaleere abaLawi imbeli weliheema liokhwakaana; nokhung'aasia omukhung'aano kwosi kwabaana baIsiraeli. 10Oleere abaLawi imbeli w; nabo abaana baIsiraeli barekhwo amakhono khubaLawi; 11mana Haruni achele abaLawi imbeli w, babe omusango kwokhuchelwa khulwa abaana baIsiraeli, babeetsenjeho okhukhola obukhalabani bwOMWAMI. 12Nabo abaLawi bare amakhono khumirwe chietsihuunwa etsio; nawe omale ndala yibe omusango kwobwonooni, neyindi yibe omusango omusambe, khuMWAMI, okhutisa abaLawi. 13Mana ore abaLawi imbeli waHaruni, khandi imbeli wabaanabe, nobachela babe omusango kwokhuchelwa khuMWAMI.
14Nilwo olwa olaahula abaLawi mubaana baIsiraeli; nabo abaLawi babe abanje. 15Mana olunyumakhwo abaLawi beenjile okhukhola obukhalabani bweliheema liokhwakaana. Olabasiiya, nobachela babe omusango kwokhuchelwa, 16okhuba banzahulilwa elala mubaana baIsiraeli; embabukuule babe abanje mushilenje shiabeekulanda bosi, abaana abambeli mubaana baIsiraeli bosi. 17Okhuba abeekulanda bosi abomubaana baIsiraeli nabanje, kata babandu kata bemiruko; khunyanga eyo olwa ndakhupa abeekulanda bosi mushibala shiaMisiri, ndabaahula babe abanje; 18ne ndabukuule abaLawi mushilenje shiabeekulanda bosi mubaana baIsiraeli. 19Ndaheelesiye Haruni nabaanabe abaLawi, babe eshihaanwa shiabwe mubaana baIsiraeli, okhukhola obukhalabani bwabaana baIsiraeli mwiheema liokhwakaana, khandi nende okhutisa abaana baIsiraeli, mbu linyasio liosi lileshe okhuba mubaana baIsiraeli, olwa abaana baIsiraeli bakhaba nibasita ahambi habundu ahatakatifu.
20Nilwo olwa Musa naHaruni nomukhung'aano kwosi kwabaana baIsiraeli bakholela abaLawi; shinga amakhuwa kosi aka OMWAMI yalaka Musa khulubeka lwabaLawi olwa kali, nolwa abaana baIsiraeli babakholela bario. 21Nabo abaLawi nibeesiiya khubwonooni, niboosia tsingubo tsiabwe; Haruni nabachela imbeli w babe omusango kwokhuchelwa; Haruni nabatisa, okhubasiiya. 22Mana olunyumakhwo abaLawi nibeenjila okhukhola obukhalabani bwabwe mwiheema liokhwakaana imbeli waHaruni, khandi imbeli wabaanabe; shinga OMWAMI olwa yali nalachile Musa khukabaLawi, nolwa babakholela bario.
Emiyika chiabaLawi chiobukhalabani
23OMWAMI naboolela Musa ari 24Akali khubaLawi ngakano; mbu buli mundu olwa yoola khumiyika amakhumi kabili nachiraano, yeenjilenje okhukhalabana mubukhalabani bwemilimo chieliheema liokhwakaana; 25ne olwa yoola khumiyika amakhumi karaano, aleshenje okhukhalabana mumilimo echio, narakhalabana khandi ta; 26habula akholenje halala nabaana babwe mwiheema liokhwakaana, okhulinda ebia baleshelwa; ne arakholanga obukhalabani ta. Obakholelenje abaLawi orio khuka baleshelwa.
Currently Selected:
Obubali 8: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
