Obubali 7
7
Ebihaanwa biobwahulwi bweshimalilo
1Ne khunyanga olwa Musa yali namalile okhusinjisia liheema, nalitsushiiliilekhwo amafura nende okhuliahula, halala nebimanulwa bialio, nende eshimalilo nebimanulwa biashio, nabitsushiiliilekhwo amafura nende okhubiahula, 2khunyanga eyo abakhulundu baIsiraeli, nibo abeemilisi bebilibwa biabwe, baleerakhwo ebihaanwa. Nibo abali abakhulundu betsimbia; nibo abarukanga abo ababalwa. 3Nibeetsa nebihaanwa biabwe imbeli w, mbu amakaari kasasaba akali nebifuunikho, netsing'ombe ekhumi natsibili; likaari khulwa buli bakhulundu babili, khandi isurusi khulwa buli mulala; nibabileera imbeli weshimenyo. 4OMWAMI naboolela Musa ari 5Obibukule khubo mbu biikhoonyelwe mubukhalabani bweliheema liokhwakaana; nobaheelesia abaLawi ebindu tsana, obukhalabani bwabuli mundu shinga olwa buli. 6Kho Musa nabukula amakaari tsana netsing'ombe, nabibaheelesia abaLawi. 7Yaheelesia abaana baGereshoni amakaari kabili netsing'ombe tsine, obukhalabani bwabwe shinga olwa bwali; 8khandi yaheelesia abaana baMerari amakaari kane netsing'ombe munaane, obukhalabani bwabwe shinga olwa bwali, mumukhono kwaItsamari waHaruni omukuhani. 9Ne abaana baKohatsi, shiyabaha eshindu ta; shichila obukhalabani bwebindu ebitakatifu bwali obwabwe; babichinganga khumabeka. 10Khandi abakhuIundu abo baleera ebihaanwa khulwa obwahuli bweshimalilo, khunyanga eya shiatsushiililwa amafura; abakhulundu nibaleera ebihaanwa biabwe imbeli weshimalilo. 11OMWAMI namusunjila Musa ari Baleere ebihaanwa biabwe, buli nyanga omukhulundu mulala, khulwa obwahuli bweshimalilo.
12Owaleera eshihaanwashie khunyanga yambeli yali Nashoni waAminadabu, owoluyia lwaYuda. 13Eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 14omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 15ihuunwa ndala, nelimiiku elala, nelikondi lieshimwamwane elala, khulwa omusango omusambe; 16ikhole ndala khulwa omusango kwobwonooni; 17ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaNashoni waAminadabu.
18Khunyanga yakhabili Netsaneli waZuari, omukhulundu wabaIsakhari, yaleera. 19Yaleera eshihaanwa shishie, mbu olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumu musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 20omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 21ihuunwa ndala, nelimiiku elala, nelikondi lieshimwamwane elala, khulwa omusango omusambe; 22ikhole ndala khulwa omusango kwobwonooni; 23ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Elbio biali eshihaanwa shiaNatsaneli waZuari.
24Khunyanga yakhataru Eliabu waHeloni, omukhulundu wabaana baZabuloni; 25eshihaanwa shishie shiali olukaye lulala Iweifeetsa olwachelwa tsishekeli eshikhumi namakhumu kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 26omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 27ihuunwa ndala, nelimiiku elala, nelikondi lieshimwamwane elala, khulwa omusango omusambe; 28ikhole ndala khulwa omusango kwobwonooni; 29ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaEliabu waHeloni.
30Khunyanga yakhane Elizuri waShedeuri, omukhulundu wabaana baRaubeni; 31eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 32omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 33ihuunwa ndala, nelimiiku elala, nelikondi lieshimwamwane elala, khulwa omusango omusambe; 34ikhole ndala khulwa omusango kwobwonooni; 35ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaElizuri waShedeuri.
36Khunyanga yakharaano Shelumieli waZurishadai, omukhulundu wabaana baSimeoni; 37eshihaanwa shishie shiali olukaye lulala Iweifeetsa, oluchelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 38omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 39ihuunwa ndala, nelimiiku elala, nelikondi lieshimwamwane elala, khulwa omusango omusambe; 40ikhole ndala khulwa omusango kwobwonooni; 41ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaShelumieli waZurishadai.
42Khunyanga yakhasasaba Eliasafu waDeueli, omukhulundu wabaana baGadi; 43eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 44omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 45ihuunwa ndala, nelimiiku elala, nelikondi lieshimwamwane elala, khulwa omusango omusambe; 46ikhole ndala khulwa omusango kwobwonooni; 47ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaEliasafu waDeueli.
48Khunyanga yomusaafu Elishama waAmihudi, omukhulundu wabaana baEfuraimu; 49eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 50omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 51ihuunwa ndala, nelimiiku elala, nelikondi lieshimwamwane elala, khulwa omusango omusambe; 52ikhole ndala khulwa omusango kwobwonooni; 53ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaElishama waAmihudi.
54Khunyanga yomunaane Gamalieli waPedazuri, omukhulundu wabaana baManase; 55eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 56omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 57ihuunwa ndala, nelimiiku elala, nelikondi lieshimwamwane elala, khulwa omusango omusambe; 58ikhole ndala khulwa omusango kwobwonooni; 59ne khulwa omusango kwebihaanwa biokwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaGamalieli waPedazuri.
60Khunyanga yashienda Abidani waGideoni, omukhulundu wabaana baBenyamini; 61eshihaanwe shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 62omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 63ihuunwa ndala, nelimiiku elala, nelikondi lieshimwamwane elala, khulwa omusango omusambe; 64ikhole ndala khulwa omusango kwobwonooni; 65ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaAbidani waGideoni.
66Khunyanga yekhumi Ahiezeri waAmishadai, omukhulundu wabaana baDani; 67eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele, 68omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi, 69ihuunwa ndala, nelimiiku elala, nehkondi lieshimwamwane elala, khulwa omusango omusambe, 70ikhole ndala khulwa omusango kwobwonooni; 71ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaAhiezeri waAmishadai.
72Khunyanga yekhumi nalulala Pagieli waOkhirani, omukhulundu wabaana baAsheri; 73eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu; biombi nibiitsusiibwe obusie obunyushe obutsokasiibwe amafura khulwa omusango kweimele; 74omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 75ihuunwa ndala, nelimiiku elala, nelikondi lieshimwamwane elala, khulwa omusango omusambe; 76ikhole ndala khulwa omusango kwobwonooni; 77ne khulwa omusango kwebihaanwa biokhwishia, mbu tsing'ombe tsibili namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaPagieli waOkhirani.
78Khunyanga yekhumi nakhabili Ahira waEnani, omukhulundu wabaana baNafutali; 79eshihaanwa shishie shiali olukaye lulala Iweifeetsa, olwachelwa tsishekeli eshikhumi namakhumi kataru; nolutaabo lulala Iweifeetsa olwetsishekeli amakhumi musaafu, nochela khushekeli yahabundu ahatakatifu, biombi nibiitsusiibwe obusie obunyushe obutsokasiibwe amafura khulwa omusango kweimele; 80omwikho kweshikwato mulala kweitsahaabu okwetsishekeli ekhumi, nikwitsusiibwe amalesi kelibuuliesi; 81ihuunwa ndala, nelimiiku elala, nelikondi lieshimwamwane elala, khulwa omusango omusambe; 82ikhole ndala khulwa omusango kwobwonooni; 83ne khulwa omusango kwebihaanwa biokhwishia, mbu tsing'ombe tsibili, namamiiku karaano, netsikhole tsiraano, namakondi keshimwamwane karaano. Ebio biali eshihaanwa shiaAhira waEnani.
84Bino biali ebihaanwa biobwahuli bweshimalilo, khunyanga olwa shiatsushiililwakhwo amafura, ebia abakhulundu baIsiraeli baleera; mbu tsingaye ekhumi natsibili tsieifeetsa, netsindaabo ekhumi natsibili tsieifeetsa, nemiikho chiebikwato ekhumi nachibili chieitsahaabu. 85Buli lukaye lweifeetsa lwachelwa tsishekeli eshikhumi namakhumi kataru, khandi buli lutaabo amakhumi musaafu; ifeetsa yosi yebimanulwa ebio yachelwa tsishekeli ebikhumila bibili nebikhumi bine, nochela khushekeli yahabundu ahatakatifu. 86Emiikhochiebikwatochieitsahaabunachio, echiali nichiitsusiibwe amalesi kelibuuliesi, chiachelwa tsishekeli ekhumi buli mulala, nochela khushekeli yahabundu ahatakatifu; itsahaabu yosi yemiikho echio yachelwa tsishekeli eshikhumi namakhumi kabili. 87Emiruko chiosi chiomusango kwokhusambwa chiali tsisurusi ekhumi natsibili, namamiiku ekhumi nakabili, namakondi keshimwamwane ekhumi nakabili, halala nende emisango chieimele chiabio; netsikhole etsiomusango kwebionoono, ekhumi natsibili. 88Emiruko chiosi chiomusango kwebihaanwa biokhwishia chiali tsisurusi amakhumi kabili natsine, namamiiku amakhumi kasasaba, netsikhole amakhumi kasasaba namakondi keshimwamwane amakhumi kasasaba. Bino biali ebihaanwa biobwahuli bweshimalilo, olwa shiali nishimalile okhutsushiililwakhwo amafura.
89Ne olwa Musa yeenjila mwiheema liokhwakaana okhusungana nOMWAMI, yahulila Omwoyo tsana nikumusunjilanga, okhurula habundu ikulu welitisilo elo eliali khwisanduku lioburumbusi, okhurula hakari wabakerubi babili; nakwo nikumusunjila.
Currently Selected:
Obubali 7: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
