Obubali 5
5
Abobukaeli okhurusibwa mukambi
1OMWAMI naboolela Musa, ari 2Laka abaana baIsiraeli mbu barusie mukambi buli mundu wobuchele, nabuli mundu oulwala eshisununu, nende omundu yesi owakhaba nali mwibilu khulwa okhutiila khumufu. 3Kata abasaatsa kata abakhasi, mubarusinjie bosi, nimubayila elwanyi weikambi, baleshe okhwonoonia ikambi yabwe eya emenyile hakari wayo. 4Abaana baIsiraeli nibakhola bario, nibabarusia elwanyi weikambi; shinga OMWAMI olwa yaboolela Musa, nindio abaana baIsiraeli bakhola.
Amalako khukokhukalusia ebindu
5OMWAMI naboolela Musa ari 6Boolela abaana baIsiraeli mbu Olwa omundu, kata omusaatsa kata omukhasi, yoonoona eshionoono shiosi eshia abandu boonoonanga, okhukholela OMWAMI akobukhobani, omundu tsana naba neshiuku toto, 7kho yeeyame eshionoonoshie eshia akholile; mana akalusie biosi bieshiukushie natasakhwo eshitonye shiakharaano, namuheelesia omundu tsana owa yoonoonela. 8Ne naba nabulaho omundu yesi owoluyia lwabwe omundu tsana, owakhanyala okhukalusilibwa ebieshiuku ta, ebieshiuku tsana bikalusilibwe OMWAMI, bibe biomukuhani; khandi nende limiiku lieshitiso, elia atiswe ninalio. 9Khandi buli sadaka yosi ebindu ebitakatifu biosi biabaana baIsiraeli, ebia baleerela omukuhani, bibe ebibie. 10Ebindu ebitaleatifu biabuli mundu bibe ebibie, buli shindu shiosi eshia omundu yesi aheelesia omukuhani, shibe eshishie.
Amalako khukeimbalikha
11OMWAMI naboolela Musa ari 12Sungana nabama baIsiraeli, nobaboolela mbu Omukhasi womusaatsa yesi naba nashiama, namukholela akobukhobani, 13omusaatsa undi nakona ninaye khulwa obuheyi, nako nikabiswa mumoni tsiomusaatsawe, ne naramanyikha ta, kata olwa yoonoonekha toto, ne abaloli nibabulaho, kata naranyoolelesibwa mukhukhola khwene ta, 14ne kata omwoyo kweimbalikha nikumutiila omusaatsawe, naye natiililwa omukhasiwe imbalikha, ne naye nali niyoonoonekha; kata mbu omwoyo kweimbalikha nikumutiila, naye natiililwa omukhasiwe imbalikha, ne naye narayoonoonekha ta; 15kho omusaatsa oyo yeetse nomukhasiwe ewomukuhani. Yeetse nende eshihaanwa eshienywa khulwa omukhasiwe, mbu eshitonye shielikhumi shia efa ndala yobusie bweishayiri; aleshe okhutsukhakhwo amafura, kata okhurakhwo obubaane ta; okhuba nomusango kweimele okweimbalikha, omusango kweimele kweshiitsulilo, okwitsusinjia akobumayaanu.
16Naye omukuhani amusitie omukhasi oyo ahambi, namura imbeli w; 17mana omukuhani abukule amatsi amatakatifu mushikaye, nabukulakhwo khulufu olwokhubwelu bweshimenyo, nalura mumatsi tsana. 18Omukuhani are amukhasi imbeli w, naboholola liswi eliokhumurwe kwomukhasi, nara omusango kweimele okweshiitsulilo mumakhonoke, nikwo omusango kweimele okweimbalikha; ne omukuhani abe neshilulu eshileera eshilaamo shiobubii mumukhonokwe. 19Mana omukuhani amutsubie, namusunjila omukhasi ari Omusaatsa yesi naba narakonile ninawe ta, kata noba norashiamile okhukhola akakhura mwibilu ta, noli muburuchi bwomusaatsawo, obe omulekhuule mushilulu shino eshileera eshilaamo shiobubii. 20Nebutswa noba niwashiamile, noli muburuchi bwomusaatsawo, ne noba noli mwibilu khulwa omusaatsa undi oukonile ninawe narali omusaatsawo ta; 21mana omukuhani amutsubie omukhasi eshiitsubo shieshilaka munwa, omukuhani nasunjila omukhasi ari OMWAMI akhukhole obe eshilaka munwa khandi eshiitsubo mubandu beenywe, olwa OMWAMI alakhutosia lirango nakhufwimbia inda. 22Khandi eshilulu shino eshileera eshilaamo shiobubii shiinjile mumalako, nishikhufwimbia inda, nishikhutosia lirango. Omukhasi naye asunje mbu Amina, amina. 23Mana omukuhani ahandiiche ebilaka munwa bino mushitabu, nabiosia mushilulu eshio; 24namunyweesia omukhasi eshilulu eshileera eshilaamo shiobubii; eshilulu eshileera eshilaamo shiobubii nashio shileenjila muye nishimutsuunia obululu.
25Mana omukuhani abukule omusango kweimele okwo okweimbalikha okuli mumukhono kwomukhasi tsana, nachela omusango kweimele okwo imbeli wOMWAMI, nakuyila khushimalilo. 26Mana omukuhani afumbare khubusie bwomusango kweimele obuba eshiitsulilo shiakwo, nabusambila khushimalilo; mana olunyumakhwo amunyweesie omukhasi eshilulu eshio. 27Ne olwa alaba namunyweesiye eshilulu eshio, mana kaleekhola kari nanwa; mbu naba niyoonooneeshe toto, nakholeele omusaatsawe akobukhobani, eshilulu eshio eshileera eshilaamo shiobubii shileenjila muye nishimutsuunia obululu; alafwimba inda, natoreelela lirango; mana omukhasi oyo alakwa eshilaka munwa mubandu babwe. 28Nebutswa omukhasi oyo naba narayoonooneeshe ta, ne nali omusiiye, kho alaba omulekhuule; ne alahela inda.
29Kano niko amalako khukeimbalikha, olwa omukhasi ouli muburuchi bwomusaatsawe ashiama niyoonoonekhai 30kata olwa omwoyo kweimbalikha kumutiila omusaatsa, naye natiililwa omukhasiwe imbalikha; mana alara omukhasi tsana imbeli w, naye omukuhani amukholele kosi akamalako kano. 31Omusaatsa nomulekhuule khubumayaanu bwosi; ne omukhasi aleetuukha obumayaanubwe.
Currently Selected:
Obubali 5: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
