Obubali 36
36
Amalako khukobuteeshani bwabakhaana abalaame
1Ne abeemilisi bebilibwa bieinzu yabaana baGleadi waMakhiri waManase, abokhu-tsinzu tsiabaana baYusufu, nibasita ahambi nibaboola imbeli waMusa nende imbeli wabakhu-lundu abo, nibo abeemilisi bebilibwa biabaana baIsiraeli; 2nibaboola bari OMWAMI yakhulachilisia, omwami wanje, okhuheelesia abaana baIsiraeli eshialo khulwa obulaame munjila yokhuupa ikha; khandi omwami wanje yalakwa nOMWAMI mbu aheelesie abakhaana bomusiani weefwe Zelofehadi obulaamebwe. 3Ne nibaba nibakhateeshibwa noundi yesi owokhubasiani betsimbia tsindi tsiabaana baIsiraeli, kho obulaame bwabwe bwakhayinibwa mubulaame bwabakuuka beefwe, nibutasilwa obulaame bwoluyia lulia ewa balateeshibwa; ne nindio bulayinibwa mumukabo kwobulaame bweefwe. 4Mana olwa Iyubile yabaana baIsiraeli yilabaho, kho obulaame bwabwe bulatasilwa obulaame bwoluyia lulia ewa bateeshibwa; ne nolwa obulaame bwabwe bulayinibwa mubulaame bwoluyia lwabakuuka beefwe.
5Naye Musa nalaka abaana baIsiraeli likhuwa liOMWAMI shinga olwa liali, ari Aboluyia lwabaana baYusufu bateechile. 6Elia OMWAMI alaka khumakhuwa kabakhaana baZelofehadi ngakano, mbu Bateeshele aba bachama; habula abeinzu yoluyia lwasaabwe bonyene nibo aba bakhoyile okhuteeshania ninabo. 7Nikali kario, kho obulaame bwosi bwabaana baIsiraeli shibularusibungwa khuluyia luno butsie khuluyia lundi ta; okhuba abaana baIsiraeli balahanda buli mundu khubulaame bwoluyia lwabakuukabe. 8Kata buli mukhaana ouba nali nobulaame muluyia lwosi lwabaana baIsiraeli abe omukhasi woundi weinzu yoluyia lwasamwana, mbu buli mundu owokhubaana baIsiraeli abe nobulaame bwabakuukabe. 9Nikali kario, kho obulaame bwosi shibularusibungwa khuluyia lundi butsie khuluyia lundi ta; okhuba tsimbia tsiabaana baIsiraeli tsilahanda buli lulala khubulaame bwalwo.
10Ne shinga OMWAMI olwa yalaka Musa, nolwa abakhaana baZelofehadi bakhola; 11okhuba Mala, naTirisa, naHogila, naMilika, naNoa, abakhaana baZelofehadi, bateeshibwa nabaana babasiani babwe saabwe. 12Batsia okhuteekha munzu tsiabaana baManase waYusufu, nabwo obulaame bwabwe bwatong'a muluyia Iweinzu yasaabwe.
13Kano niko amalako nende obukhalachi ebia OMWAMI yalaka abaana baIsiraeli mumukhono kwaMusa mumuhololookhwe kwaMoabu, ahambi naYorodani eYeriko.
Currently Selected:
Obubali 36: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
