Obubali 34
34
1Mana OMWAMI namuboolela Musa ari 2Laka abaana baIsiraeii nobaboolela mbu Olwa muleenjila mushialo shiaKanaani (eshio nishio eshialo eshilamukwila shibe obulaame, nishio eshialo shiaKanaani, tsinzakho tsiashio shinga olwa tsili), 3olubeka Iweenywe Iwesau-tsi lulaba okhurula khushitsiimi shiaZini nilulondola khulubeka lwaEdomu, khandi olwakho Iweenywe Iwesautsi lulaba okhurula khushihesi shieInyanza Yomuunyu ebukwe. 4Mana olwakho Iweenywe lulakotola lutsia elubeka Iwesautsi weshisia shiaAkarabimu, nilutsiililila okhuula eZini; neshihesi shialwo shilaba elubeka Iwesautsi waKadeshi-barinea; khandi lularula lutsia eHazari-adari, nilutslililila okhuula eAzimoni. 5Mana olwakho lulakotola okhurula eAzimoni okhuula khumuchela kwaMisiri, neshihesi shialwo shilaba hanyanza.
6Ne khulwa olwakho lwamumbo, mulaba neinyanza tsana ikhongo nolukuku lwayo; Iwo lulaba olwakho Iweenywe lwamumbo.
7Nolwakho Iweenywe Iwenotsi ndwoluno; mbu okhurula khunyanza ikhongo, mware olwa-kho okhuula khushikulu shiaHori; 8okhurula khushikulu shiaHori, mware okhuula khubwinjililo bwaHamatsi; neshihesi shiolwakho shilaba eZedadi; 9mana olwakho lurule lutsie eZifironi, eshihesi shialwo shibe eHazarenani; olwakho Iweenywe Iwenotsi ndwolwo.
10Mana mware olwakho Iweenywe Iwebukwe, lurule eHazarenani niluula eShefamu; 11olwakho nalwo lukholomoshe okhurula eShefamu okhuula eRibila khulubeka Iwebukwe IweAini; olwakho lukholomoshe niluula khwibeka lieinyanza yaKhineretsi elubeka Iwebukwe. 12Mana olwakho lukholomoshe okhuula khuYorodani, neshihesi shialwo shibe haNyanza Yomuunyu. Eshio shilaba eshialo shieenywe, tsinzakho etsishibotokhana shinga olwa tsili.
13Kho Musa nalachilisia abaana baIsiraeli ari Eshio nishio esh alo eshia mulalaamilwa munjila yokhuupa ikha; nishio eshia OMWAMI yalaka mbu alaheelesia tsimbia tsino shienda nende inusu yoluyia; 14okhuba oluyia lwabaana baReubeni, ebilibwa biabwe shinga olwa bili, nende oluyia lwabaana baGadi, ebilibwa biabwe shinga olwa bili, bamalile okhunyoola obulaame bwabwe, khandi inusu yoluyia lwaManase bamalile okhunyoola. 15Tsimbia etsio tsibili nende inusu yoluyia bamalile okhunyoola ebulaame bwabwe injelekha weYoroeani eYeriko, elubeka lwebukwe, ekhuhenga ewa eliuba lifwindilanga.
16Mana OMWAMI namuboolela Musa ari 17Ameera kabandu abalamukabulila eshialo shibe obulaame bweenywe ngakano, mbu Eleazari omukuhani, nende Yoswa waNuni. 18Khandi mubukule omukhulundu mulala khubuli luyia, bakabule eshialo shibe obulaame. 19Nameera kabandu abo ngakano; mbu khuluyia lwaYuda, Kalebu waYefune. 20Ne khuluyia lwabaan baSimeoni, Shemueli waAmihudi. 21Khuluyia lwaBenyamini, Elidadi waKhisiloni. 22Ne khuluyia lwabaana baDani, omukhulundu, mbu Buki waYogili. 23Khubaana baYusufu; khuluyia lwabaana baManase, omukhulundu, mbu Hanieli waEfodi. 24Ne khuluyia lwabaana baEferaimu, omukhulundu, mbu Kemueli waShifitani. 25Ne khuluyia lwabaana baZabuioni, omukhulundu, mbu Elizafani waParanakhi. 26Ne khuluyia lwabaana baIsakhari, omukhulundu, mbu Palatieli waAzani. 27Ne khuluyia lwabaana baAsheri, omukhulundu, mbu Ahihudi waShelomi. 28Ne khuluyia lwabaana baNafutali, omukhulundu, mbu Pedaheli waAmihudi. 29Abo nibo abandu aba OMWAMI yalachilisia okhukabulila abaana baIsiraeli obulaame mushialo shiaKanaani.
Currently Selected:
Obubali 34: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
