Obubali 33
33
Ebikwo bioluchendo lwabaIsiraeli
1Ebikwo bioluchendo lwabaana baIsiraeli mbiebino, olwa barula mushialo shiaMisiri amahe kabwe, mumakhono kaMusa naHaruni. 2Ne Musa yahandiika akokhurula khwabwe khwosi, ebikwo shinga olwa biali, khulwa lilako liOMWAMI; ne bino nibio ebikwo bioluchendo lwabwe, okhurula khwabwe khwosi shinga olwa khwali. 3Barula eRamasesi mumwesi kwambeli, khunyanga yekhumi nakharaano eyomumwesi kwambeli; khunyanga eyalonda khupasaka abaana baIsiraeli barula neinjinia, abaMisiri bosi nibabalola, 4olwa abaMisiri bali nibayabilanga abeekulanda babwe bosi, aba OMWAMI yali nakhupile hakari mubo; khandi OMWAMI yakhalachila abanyasaye babwe eshiina nara obukuumi khubo.
5Abaana baIsiraeli bachenda okhurula eRamasesi, nibakhupa ikambi eSukotsi; 6nibarula eSukotsi nibakhupa ikambi eEtsamu, elili khundulo weshitsiimi. 7Nibarula eEtsamu, nibakalukha inyuma okhuula ePi-hahirotsi, ahahengaane naBaali-sefoni; nibakhupa ikambi imbeli weMigidoli. 8Nibarula eHahirotsi, nibabira munyanza hakari, nibeenjila mushitsiimi; nibatsia oluchendo lwetsindaalo tsitaru mushitsiimi shieEtsamu, nibakhupa ikambi eMara. 9Nibarula eMara niboola eElimu; ne eElimu tsisebele tsiamatsi tsialiyo ekhumi natsibili, nemisaala chiamashindu amakhumi musaafu; nibakhupa ikambi ebweneyo. 10Nibarula eElimu, nibakhupa ikambi ahambi neInyanza Inzakhanyu. 11Nibarula enaNyanza Inzakhanyu, nibakhupa ikambi mushitsiimi shieSini. 12Nibarula mushitsiimi shieSini, nibakhupa ikambi eDofuka. 13Nibarula eDofuka, nibakhupa ikambi eAlushi. 14Nibarula eAlushi, nibakhupa ikambi eRefedimu, aha amatsi kali nikabulaho aka abandu banywa. 15Nibarula eRefedimu, nibakhupa ikambi mushitsiimi shieSinai. 16Nibarula mushitsiimi shieSinai, nibakhupa ikambi eKibirotsi-hataawa. 17Nibarula eKibirotsi-hataawa, nibakhupa ikambi eHazerotsi. 18Nibarula eHazerotsi, nibakhupa ikambi eRitsima. 19Nibarula eRitsima, nibakhupa ikambi eRimoni-perezi 20Nibarula eRimoni-perezi, nibakhupa ikambi eLibina. 21Nibarula eLibina, nibakhupa ikambi eRisa. 22Nibarula eRisa, nibakhupa ikambi eKehelatsa. 23Nibarula eKehelatsa, nibakhupa ikambi mushikulu shiaSheferi. 24Nibarula muSheferi, nibakhupa ikambi eHarada. 25Nibarula eHarada, nibakhupa ikambi eMakhelotsi. 26Nibarula eMakhelotsi, nibakhupa ikambi eTahitsi. 27Nibarula eTahitsi, nibakhupa ikambi eTera. 28Nibarula eTera, nibakhupa ikambi eMitsika. 29Nibarula eMitsika, nibakhupa ikambi eHashimona. 30Nibarula eHashimona, nibakhupa ikambi eMoserotsi. 31Nibarula eMoserotsi, nibakhupa ikambi eBeneyakani. 32Nibarula eBeneyakani, nibakhupa ikambi eHori-hagidigadi. 33Nibarula eHori-hagidigadi, nibakhupa ikambi eYotibatsa. 34Nibarula eYotibatsa, nibakhupa ikambi eAbirona. 35Nibarula eAbirona, nibakhupa ikambi eEzioni-geberi. 36Nibarula eEzioni-geberi, nibakhupa ikambi mushitsiimi shieZini, nishio Kadeshi. 37Nibarula eKadeshi, nibakhupa ikambi mushikulu shiaHori, khundulo weshialo shiaEdomu.
38Ne Haruni omukuhani yaniina natsia khushikulu shiaHori olwa OMWAMI yamulaka, nafwilayo, mumuyika kwamakhumi kane olunyuma olwa abaana baIsiraeli bali nibarulile mushialo shiaMisiri, mumwesi kwakharaano, khunyanga yambeli yomwesi. 39Naye Haruni yali owemiyika eshikhumi amakhumi kabili nachitaru olwa yafwila khushikulu shiaHori.
40Ne omuKanaani ulia, omuruchi waAradi, owamenya muNegebu mushialo shiaKanaani, yahulila akokhwitsa kwabaana baIsiraeli.
41Nabo nibarula hashikulu shiaHori, nibakhupa ikambi eZalamona. 42Nibarula eZalamona, nibakhupa ikambi ePunoni. 43Nibarula ePunoni, nibakhupa ikambi eObotsi. 44Nibarula eObotsi, nibakhupa ikambi eIye-abarimu, mushialo shiaMoabu. 45Nibarula eIyimu, nibakhupa ikambi eDiboni-gadi. 46Nibarula eDiboni-gadi, nibakhupa ikambi eAlumonidibulatsaimu. 47Nibarula eAlumoni-dibulatsaimu, nibakhupa ikambi mubikulu biaAbarimu, ahahengana nende Nebo. 48Nibarula mubikulu biaAbarimu, nibakhupa ikambi mumuhololookhwe kwaMoabu, ahambi naYorodani, eYeriko. 49Nibakhupa ikambi yabwe ahambi naYorodani, okhurula eBetsiyeshimotsi okhuula eAbelishitimu mumuhololookhwe kwaMoabu.
Obukabulwi bwaKanaani, netsinzakho tsiene
50Mana OMWAMI nasunganila nende Musa mumuhololookhwe kwaMoabu ahambi naYorodani, eYeriko, namuboolela mbu 51Oboolele abaana baIsiraeli mbu Olwa mulaambukha Yorodani nimwinjila mushialo shiaKanaani, 52mubarusiemwo abamenyanga mushialo eshio bosi, barule imbeli weenywe, nimusasia ebifwanani biabwe biamachina, nimusasia ebifwanani biabwe ebisalule, nimulikulula habundu wabwe hachinguukhu hosi. 53Ne mulalia eshialo nimumenyamwo; okhuba ninywe aba ndaheelesiye eshialo eshio, shibe eshieenywe. 54Mulalaamilwa eshialo, tsinzu tsieenywe shinga olwa tsili, munjila yokhuupa ikha. Khubali abanji, mubaheelesie obulaame obuli obunji; ne khubali abatuutu, mubaheelesie obulaame obuli obutuutu; aha ikha yimukwila omundu, yaho habe habunduwe; tsimbia tsiabakuuka beenywe shinga olwa tsili, nolwa mulalaamilwa. 55Ne nimuba nimulekha okhurusia abamenyanga mushialo eshio barule imbeli weenywe, kho abo khubo aba mulalekha batong'e balaba shinga lihwa mushilenje shieenywe, kata shinga eshimemu mumbafu; ne balamunyasinjia mushialo eshia mulamenyamwo. 56Khandi shinga olwa ndapaaranga okhubakholela bo, nolwa ndalamukholela inywe.
Currently Selected:
Obubali 33: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
