Obubali 32
32
AbaReubeni nabaGadi neinusu yabaManase bamenya lnjelekha weYorodani ebukwe
(Okhuka. 3.12-22)
1Abaana baReubeni nabaana baGadi bali nemiruko amatuli amakhongo muno; ne olwa balola eshibala shiaYazeri, neshibala shiaGileadi, mbu lole, habundu yaho nahalayi khulwa omwayo, 2kho abaana baGadi nabaana baReubeni nibeetsa, nibasungana nende Musa naEleazari omukuhani, nabakhulundu bomukhung'aano, bari 3Atarotsi, naDiboni, naYazeri, naNimira, naHeshiboni, naEleale, naSebamu, naNebo, naBeoni, 4eshibala eshia OMWAMI yakhupa imbeli womukhung'aano kwaIsiraeli, nishio eshibala shiomwayo; neefu abasumbabo khuli nemiruko. 5Nibasunga bari Nikhuba nikhukoosibwa imbeli weenywe, mufuchiilile ifwe abasumba beenywe khuheebwe eshibala shino shibe shieefwe; murakhwambusia injelekha weYorodani ta.
6Naye Musa nasunjila abaana baGadi nabaana baReubeni ari Ne abaana beenywe balatsiitsanga mwihe, inywe nimwikhaale hano, noho? 7Kho mbushiina nimwenya okhwira omwoyo kwabaana baIsiraeli khwikhuwa liokhwinjila mushialo eshia OMWAMI yabaheelesia? 8Nilwo olwa abaseenywe bakhola, olwa ndabaruma okhurula eKadeshi-barinea okhulola eshialo eshio. 9Okhuba olwa batikulukha nibatsia mwibanda liaEshikoli, nibalola eshialo, beera emioyo chiabaana baIsiraeli, mbu baleshe okhwinjila mushialo eshia OMWAMI yali niyabaheelesia. 10Ne oburima bwOMWAMI bwaakha khunyanga eyo; niyeetsuba ari 11Toto mwene, khubandu bano abatikulukha okhurula eMisiri, okhurula khubemiyika amakhumi kabili nende abashilaho, abulaho oulalola eshialo eshia ndeetsubila Aburahamu naIsaka naYakobo; okhuba shibanonda nomwoyo kwosi ta 12habula Kalebu waYefune omuKenizi naYoswa waNuni; shichila bo balonda OMWAMI nomwoyo kwosi. 13Ne oburima bwOMWAMI bwaakha khuIsiraeli, nabatiimatiimia eyi nende evi mushitsiimi emiyika amakhumi kane, okhuula olwa olwibulo olwo lwosi olwakhola obubii imbeli w lwali nilutibiibwe. 14Ne lole, inywe mubuushile mubilenje biabaseenywe, amaana kabandu aboonooni, okhukaliyia butswa oburima obululu bwOMWAMI khuIsiraeli. 15Okhuba nimuba nimushiukhana okhumurulakhwo, alabalekha mushitsiimi khandi ario; kho mulatibia oluyia luno lwosi.
16Nibamusitakhwo ahambi, nibasunga bari Khuloombakha hano tsikhonje tsiemiruko chieefwe, namataala kabaana beefwe abatiiti; 17nebutswa ifwe abeene khulaba nikhwimanuule okhuranjilila abaana baIsiraeli, okhuula olwa khulaba nikhuboosiye habundu wabwe; nabo abaana beefwe abatiiti balamenya mumataala ketsingoba, khulwa abamenya mushibala shino. 18Shikhulakalukha munzu tsieefwe ta okhuula olwa abaana baIsiraeli balaba nibaliile buli mundu obulaamebwe 19Okhuba ifwe shikhulalia obulaame ninabo halala khuYorodani injelekha yilia, nende hambeli, ta; shichila obulaame bweefwe bukhukwiliile khuYorodani injelekha yino, ebukwe. 20Mana Musa nababoolela ari Nimuba nimukhola likhuwa elo; mbu nimuba nimwimanula okhutsiitsanga imbeli wOMWAMI mwihe, a 21khandi buli mundu owimanuule mwinywe naba niyaambukha Yorodani imbeli w, okhuula olwa alaba narusiye abasukube imbeliwe, 22eshibala nishihulwa imbeli w; kho olunyumakhwo mulakalukha nimubula eshikha imbeli w, kata imbeli waIsiraeli; ne eshibala shino shilaba eshieenywe imbeli wOMWAMI. 23Nebutswa nimuba nimuloba okhukhola murio, lole, mwakhaba nimwonooneele OMWAMI; ne mumanye bulayi, mbu eshionoono shieenywe shilamunyoolelesia. 24Muumbashe amataala kabaana beenywe abatiiti, netsikhonje tsiamakondi keenywe; mukhole kosi aka muboolile neminwa chieenywe. 25Mana abaana baGadi nabaana baReubeni nibamusunjila Musa bari Ifwe abasumbabo khulakhola shinga omwami wanje olwa alaka. 26Abaana beefwe abatiiti, nabakhasi beefwe, balatong'a mumataala kaGileadi, halala nebiayo bieefwe, nemiruko chieefwe chiosi; 27ne ifwe abasumbabo khulaambukha, buli mundu owimanuliile lihe, nikhutsia imbeli w khukhulasana, shinga omwami wanje olwa aboolile.
28Kho Musa yalachilisia Eleazari omukuhani khukabwe, nende Yoswa waNuni, nabeemilisi bebilibwa bietsimbia tsiabaana baIsiraeli. 29Musa nababoolela mbu Abaana baGadi nabaana baReubeni nibaba nibalaambukha Yorodani nineenyu halala, buli mundu owimanuule okhulasana, imbeli w, mana eshialo nishihulwa imbeli weenywe; kho mubaheelesie eshibala shiaGileadi shibe eshiabwe. 30Ne nibaba nibaloba okhwambukha nineenyu nibeemanuule, kho balaba nebiabwe mwinywe, mushialo shiaKanaani. 31Nabo abaana baGadi nabaana baReubeni nibakalusia, nibasunga mbu Shinga OMWAMI olwa yakhubooleele ifwe abasumbabo, nolwa khulakhola khurio. 32Khulaambukha nikhwimanuule imbeli w okhwinjila mushialo shiaKanaani, ne obulaame obulaba obweefwe khulatong'a ninabwo khuYorodani injelekha yino.
33Mana Musa nabaheelesia abo abaana baGadi nabaana baReubeni neinusu yoluyia lwaManase waYusufu, eshialo shiaSihoni omuruchi wabaAmori, neshialo shiaOgu omuruchi waBashani, mbu eshialo shiene, namataala nobwayilo obwarondokhanaho, amataala akomushialo shieneshio shiosi. 34Ne abaana baGadi niboombakha Diboni, naAtarotsi, naAroeri, 35naAtarotsi-shofani, naYazeri, naYogubeha, 36naBetsi-nimira, naBetsi-harani; mbu amataala ketsingoba, netsikhonje etsiamakondi. 37Nabo abaana baReubeni niboombakha Heshiboni naEleale, naKiriatsaimu, 38naNebo, naBaali-meoni (ameera kako nikakalukhasiibwe), nende Sibima; nibakulikha amataala aka boombakha ameera kandi. 39Nabo abaana baMakhiri waManase nibatsia eGileadi, nibalihula, nibanuula biosi ebiali biabaAmori abali nibalimwo. 40Musa naheelesia Makhiri waManase Gileadi; naye namenyayo. 41Mana Yairi waManase natsia nahula amataala kayo, nakalanga mbu Hawotsi-yairi. 42Naye Noba natsia nahula Kenatsi namataala kayo, nalilanga mbu Noba, khulwa eliira lilie omwene.
Currently Selected:
Obubali 32: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
