Obubali 3
3
Obunji bwabaLawi, nobukhalabani bwabwe
1Tsino nitsio tsinzibulo tsiaHaruni naMusa khunyanga eyo olwa OMWAMI yasungana nende Musa, mushikulu shieSinai. 2Kano niko ameera kabaana baHaruni; mbu owambeli Nadabu, nende Abihu naEleazari naItsamari. 3Kano niko ameera kabaana baHaruni, abakuhani abatsushiililwa amafura, aba yaahula okhukhalabanilanga mubukuhani. 4Ne Nadabu nende Abihu bafwa imbeli w, olwa baleera omulilo okwalukano imbeli w, mushitsiimi shieSinai; ne shibalikhwo nabaana ta; nabo Eleazari naItsamari bakhalabanila mubukuhani imbeli waHaruni saabwe.
5OMWAMI naboolela Musa ari 6Sitia oluyia lwaLawi ahambi, obare imbeli waHaruni omukuhani, mbu bamukhalabanile. 7Balalindanga aka abaleshela, nende aka balaleshelungwa okhukholela omukhung'aano kwosi, imbeli weliheema liokhwakaana, okhukhola obukhalabani bweshimenyo. 8Khandi balalindanga ebimanulwa biosi bieliheema liokhwakaana, nende aka baleshelwa okhukholela abaana baIsiraeli, okhukhola obukhalabani bweshimenyo. 9Olaheelesia Haruni nabaanabe abaLawi tsana; okhuhaanwa bahaanwa mumukhonokwe, okhurula mubaana baIsiraeli. 10Khandi olaraho Haruni nabaanabe, nabo balalinda obukuhani bwabwe; nebutswa oundi yesi ousita ahambi, yeerwe bwirwa.
11OMWAMI naboolela Musa ari 12Nasi, lola, embukuule abaLawi mubaana baIsiraeli mushilenje shiabaana bambeli bosi, abeekulanda, mubaana baIsiraeli. AbaLawi balaba abanje, 13okhuba abeekulanda bosi nabanje; khunyanga eyo olwa ndeera abeekulanda bosi mushibala shiaMisiri, ndeeyahulila abeekulanda bosi muIsiraeli, kata babandu kata bemiruko; balabeetsanga abanje; nisie OMWAMI.
14OMWAMI naboolela Musa mushitsiimi shieSinai, ari 15Bala abaana baLawi, mubilibwa biabwe khandi mutsinzu tsiabwe; buli mundu oweshisaatsa, okhurula khubomwesi mulala nende abashilaho, obabale. 16Kho Musa yababala, likhuwa liOMWAMI shinga olwa liali, shinga olwa yalakwa. 17Bano nibo abaana baLawi, ameera kabwe; mbu Gerishoni, naKohatsi, naMerari. 18Ne kano niko ameera kabaana baGereshoni mutsinzu tsiabwembu Libini naShimei. 19Nabaana baKohatsi munzu tsiabwe; mbu Amuramu, naItsahari, naHeberoni, naUzieli. 20Nabaana baMerari munzu tsiabwe; mbu Mahali naMushi. Tsinzu tsiabaLawi nzietsio, ebilibwa biabwe shinga olwa biali.
21MubaGereshoni, baliho abeinzu yabaLibini, nabeinzu yabaShemei; tsinzu tsiabaGereshoni nzietsio. 22Abo ababalwa khubo, obunji bwabeshisaatsa shinga olwa bwali, okhurula khubomwesi mulala nende abashilaho, ababalwa khubo bali ebikhumila musaafu nebikhumi biraano. 23Abetsinzu tsiabaGereshoni balakwa okhukhoma ikambi yabwe indangu weshimenyo, mumbo. 24Omukhulundu weshilibwa shiabaGereshoni yali Eliasafu waLaeli. 25Ne ebialeshelwa abaana baGereshoni mwiheema liokhwakaana biali eshimenyo, nende Liheema neshifuunikho shialio, nolwichi Iwomuliango kweliheema liokhwakaana, 26netsingubo tsinzeleesia tsiolwanyi, nolwichi Iwomuliango kwolwanyi, olubotokhana eshimenyo nende eshimalilo shiemisango; nemikoye chiabio khulwa obukhalabani bwabio bwosi.
27Ne mubaKohatsi, baliho abeinzu yabaAmuramu, nabeinzu yabaItsihari, nabeinzu yabaHeberoni, nabeinzu yabaUzieli; tsinzu tsiabaKohatsi nzietsio. 28Obunji bwabeshisaatsa shinga olwa bwali, okhurula khubomwesi mulala nende abashilaho, baliho ebikhumila munaane nebikhumi bisasaba, abalindanga ebia baleshelwa khubiahabundu ahatakatifu. 29Abetsinzu tsiabaana baKohatsi balakwa okhukhoma ikambi yabwe khulubeka Iweshimenyo esautsi. 30Omukhulundu weshilibwa shiabetsinzu tsiabaKohatsi yali Elizafani waUzieli. 31Ne ebia baleshelwa biali lisanduku, neimeesa, nebichibi bietsitaha, nebimalilo biemisango, nebimanulwa biahabundu ahatakatifu ebia beekhoonyelanga mubukhalabani, nende olwichi, nooukhalabani bwabio bwosi. 32Naye Eleazari waHaruni omukuhani yali omukhulundu wabakhulundu babaLawi, nomusinjilili wa abo abaleshelwa obulindi bwahabundu ahatakatifu.
33MubaMerari, baliho abeinzu yabaMahali, nabeinzu yabaMushi; tsinzu tsiaMerari nzietsio. 34Nabo ababalwa khubo, obunji bwabeshisaatsa shinga olwa bwali, okhurula khubomwesi mulala nende abashilaho, bali ebikhumila bisasaba nebikhumi bibili. 35Omukhulundu weshilibwa shiabetsinzu tsiaMerari yali Zurieli waAbihaili; bo balakwa okhukhoma ikambi yabwe khulubeka Iweshimenyo enotsi. 36Ne ebialakwa okhuleshelwa abaana baMerari biali ebitiisi bieshimenyo netsisheti tsiabio, netsisiiro tsiabio, nebichibi biabio, nebimanulwa biabio biosi; nobukhalabani bwabio bwosi; 37netsisiiro tsiolwanyi olubotokhanaho, nebichibi biatsio, nebibambo biatsio, nemikoye chiatsio.
38Ne abalakwa okhukhoma ikambi yabwe imbeli weshimenyo ebukwe, imbeli weliheema liokhwakaana aha eliuba lifwindilanga, bali Musa nende Haruni nabaanabe, abalindanga akabaleshelwa habundu ahatakatifu, akabaleshelwa khulwa abaana baIsiraeli; ne oundi yesi ousita ahambi, yeerwe bwirwa. 39Bosi ababalwa khubaLawi, aba Musa naHaruni babala khulwa lilako liOMWAMI, munzu tsiabwe, abeshisaatsa bosi okhurula khubomwesi mulala nende abashilaho, bali ebikhumila amakhumi kabili nabibili.
AbaLawi nende obununulwi bwabeekulanda
40OMWAMI naboolela Musa mbu Bala abaana abeekulanda beshisaatsa abomubaana baIsiraeli, okhurula khubomwesi mulala nende abashilaho okhaabe obunji bwameera kabwe. 41Mana olambukulila abaLawi mushilenje shiabeekulanda bosi mubaana baIsiraeli; nisie OMWAMI; khandi emiruko chiabalawi mushilenje shiebiambeli mumiruko chiabaana baIsiraeli. 42Kho Musa nabala abeekulanda bosi mubaana baIsiraeli, shinga OMWAMI olwa yamulaka. 43Nabo abeekulanda abeshisaatsa, obunji bwameera shinga olwa bwali, okhurula khubomwesi mulala nende abashilaho, ababalwa bali ebikhumila amakhumi kabili nabibili, ebikhumi bibili amakhumi musaafu nabataru.
44OMWAMI naboolela Musa ari 45Bukula abaLawi mushilenje shiabeekulanda bosi abomubaana baIsiraeli, khandi emiruko chiabaLawi mushilenje shiemiruko chiabwe; nabo abaLawi balaba abanje; nisie OMWAMI. 46Ne khulwa obununuli bwa abo ebikhumi bibili amakhumi musaafu nabataru abokhubeekulanda babaana baIsiraeli, abasikala okhushila obunji bwabaLawi, 47oroosie tsishekeli tsiraano khubuli mundu mulala mulala; nochela khushekeli yahabundu ahatakatifu olwa otsibukula; ishekeli netsigera amakhumi kabili. 48Mana oheelesie Haruni nabaanabe amapeesa aka abasikala abo banunulwa ninako. 49Kho Musa yabaroosia amapeesa kobununuli abo abasikala okhushila abo abanunulwa nabaLawi. 50Yaroosia abeekulanda abomubaana baIsiraeli amapeesa ako, mbu tsishekeli eshikhumila ebikhumi bitaru amakhumi kasasaba natsiraano, nochela khushekeli yahabundu ahatakatifu. 51Musa naheelesia Haruni nabaanabe amapeesa ako kobununuli, likhuwa liOMWAMI shinga olwa liali, shinga OMWAMI olwa yalaka Musa.
Currently Selected:
Obubali 3: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
