Obubali 2
2
Tsikambi nende abakhulundu belsimbia
1OMWAMI naboolela Musa naHaruni ari 2Abaana baIsiraeli bakhome ikambi yabwe buli mundu hashilolelo shiabwe halala netsipendela tsiebilibwa biabwe; bakhome ahahengana neliheema liokhwakaana, tsimbeka tsiosi. 3Abalakhoma khulubeka Iwebukwe, aha eliuba lifwindilanga, balaba abokhushilolelo shieikambi yaYuda, mumikanda chiabwe; omukhulundu wabaana baYuda abe Nashoni waAminadabu. 4Nomukandakwe, abo ababalwa khubo, bali ebikhumila amakhumi musaafu nabine nebikhumi bisasaba. 5Nabo abalakhoma okhurondokhana ninaye balaba aboluyia lwaIsakhari; nomukhulundu wabaana baIsakhari abe Netsaneli waZuari. 6Nomukandakwe, abo ababalwa khubo, bali ebikhumila amakhumi karaano nabine nebikhumi bine. 7Mana oluyia lwaZabuloni; nomukhulundu wabaana baZabuloni abe Eliabu waHeloni. 8Nomukandakwe, abo ababalwa khubo, bali ebikhumila amakhumi karaano namusaafu nebikhumi bine. 9Abo bosi ababalwa abokhukambi yaYuda bali ebikhumila eshikhumi amakhumi munaane nabisasaba nebikhumi bine, mumikanda chiabwe. Nibo abalaranjiilanga okhurula.
10Khulubeka Iwesautsi, eshilolelo shieikambi yaReubeni shilabaho, mumikanda chiabwe; omukhulundu wabaana baReubeni abe Elizuri waShedeuri. 11Nomukandakwe, abo ababalwa khubo, bali ebikhumila amakhumi kane nabisasaba nebikhumi biraano. 12Nabo abalakhoma okhurondokhana ninaye balaba aboluyia lwaSimeoni; nomukhulundu wabaana baSimeoni abe Shelumieli waZurishadai. 13Nomukandakwe, abo ababalwa khubo, bali ebikhumila amakhumi karaano nashienda nebikhumi bitaru. 14Mana oluyia lwabaana baGadi; nomukhulundu wabaana baGadi abe Eliasafu waReuli. 15Nomukandakwe, abo ababalwa khubo, bali ebikhumila amakhumi kane nabiraano nebikhumi bisasaba namakhumi karaano. 16Abo bosi ababalwa abokhukambi yaReubeni bali ebikhumila eshikhumi amakhumi karaano nashilala nebikhumi bine namakhumi karaano, mumikanda chiabwe. Nibo abalabeetsanga abakhabili okhurula.
17Mana liheema liokhwakana lilondekhwo, halala neikambi yabaLawi, hakari wetsikambi; shinga olwa bakhoma tsikambi tsiabwe, nolwa balarula bario, buli mundu habunduwe, khubilolelo biabwe.
18Khulubeka lwamumbo, eshilolelo shieikambi yaEfuraimu shilabaho, mumikanda chiabwe; omukhulundu wabaana baEfuraimu abe Elishama waAmihudi. 19Nomukandakwe, abo ababalwa khubo, bali ebikhumila amakhumi kane nebikhumi biraano. 20Abarondokhana ninaye balaba aboluyia lwaManase; nomukhulundu wabaana baManase abe Gamalieli waPedazuri. 21Nomukandakwe, abo ababalwa khubo, bali ebikhumila amakhumi kataru nabibili nebikhumi bibili. 22Mana oluyia lwaBenyamini; nomukhulundu wabaana baBenyamini abe Abidani waGideoni. 23Nomukandakwe abo ababalwa khubo, bali ebikhumila amakhumikataru nabiraano nebikhumi bine. 24Abo bosi ababalwa abokhukambi yaEfuraimu bali ebikhumila eshikhumi namunaane nende eshikhumi shilala, mumikanda chiabwe. Nibo abalabeetsanga abakhataru okhurula.
25Khulubeka Iwenotsi, eshilolelo shieikambi yaDan: shilabaho, mumikanda chiabwe; omukhulundu wabaana baDani abe Ahiezeri waAmishadai. 26Nomukandakwe, abo ababalwa khubo, bali ebikhumila amakhumi kasasaba nabibili nebikhumi musaafu. 27Abakhoma ikambi okhurondokhana ninaye balaba aboluyia lwaAsheri; nomukhulundu wabaana baAsheri abe Pagieli waOkhirani. 28Nomukandakwe, abo ababalwa khubo, bali ebikhumila amakhumi kane nashilala nebikhumi biraano. 29Mana oluyia lwaNafutali; nomukhulundu wabaana baNafutali abe Ahira waEnani. 30Nomukandakwe, abo ababalwa khubo, bali ebikhumila amakhumi karaano nabitaru nebikhumi bine. 31Abo bosi ababalwa abokhukambi yaDani bali ebikhumila eshikhumi amakhumi karaano namusaafu nebikhumi bisasaba. Nibo abalahelelesia okhurula, khubilolelo biabwe.
32Abo nibo ababalwa abokhubaana baIsiraeli mubilibwa biabwe; bosi ababalwa mutsikambi tsiabwe, mumikanda chiabwe, bali ebikhumila ebikhumi bisasaba nabitaru nebikhumi biraano namakhumi karaano. 33Nebutswa abaLawi shibabalilwa mubaana baIsiraeli ta; shinga OMWAMI olwa yalaka Musa.
34Kho abaana baIsiraeli bakhola bario; amakhuwa kosi aka OMWAMI yalaka Musa shinga olwa kali, nolwa bakhoma tsikambi khubilolelo biabwe, khandi nolwa barula, buli mundu mubeinzu yabwe, mubilibwa biabwe.
Currently Selected:
Obubali 2: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975