Obubali 29
29
1Mumwesi kwomusaafu, khunyanga yambeli, mube nomukhung'aano omutakatifu; murakholakhwo omulimo kwosi okwobukhalabani ta; neinyanga yeenywe yokhupa tsitarumbeta. 2Mumale omusango omusambe kube eshiuya eshilayi khuMWAMI; mbu ihuunwa ndala, nelimiiku elala, namakondi keshimwamwane musaafu, akabula obulema; 3halala nomusango kwabio kweimele, mbu obusie obunyushe obutsokasiibwemwo amafura, ebitonye bitaru bielikhumi khulwa ihuunwa, nebitonye bibili bielikhumi khulwa limiiku, 4neshitonye shilala shielikhumi khulwa buli likondi khumakondi keshimwamwane ako musaafu, 5nende ikhole ndala khulwa omusango kwobwonooni, eyeshitiso; 6halala nomusango omusambe kwokhulaba khwomwesi, nomusango kwakwo kweimele, nomusango omusambe kwakhatsotso nomusango kwakwo kweimele, nemisango chiachio chiokhutsushilwa, akalachilisibwa khuchio shinga olwa kali, khulwa eshiuya eshilayi, bibe eshihaanwa eshikholelwa omulilo khuMWAMI.
7Ne khunyanga yekhumi eyomumwesi okwo kwomusaafu, mube nomukhung'aano omutakatifu, nimwisandia abeene; murakholakhwo omulimo kwosi ta. 8Ne mumalile OMWAMI omusango omusambe kube eshiuya eshilayi; mbu ihuunwa ndala, nelimiiku elala, namakondi keshimwamwane musaafu; mukoonye bileshe okhuba nobulema bwosi; 9halala nomusango kwabio kweimele, mbu obusie obunyushe obutsokasiibwemwo amafura, ebitonye bitaru bielikhumi khulwa ihuunwa, nebitonye bibili bielikhumi khulwa limiiku elo elala, 10neshitonye shindi shielikhumi khulwa buli likondi khumakondi keshimwamwane ako musaafu; 11neikhole ndala khulwa omusango kwobwonooni, halala nende omusango kwobwonooni kweshitiso, nomusango omusambe kwakhatsotso, nomusango kwachio kweimele, nomusango kwachio kwokhutsushilwa.
12Ne khunyanga yekhumi nakharaano eyomumwesi kwomusaafu, mube nomukhung'aano omutakatifu; murakholakhwo omulimo kwosi kwobukhalabani ta, nebutswa mukholele OMWAMI lisabo tsindaalo musaafu. 13Mumale omusango omusambe, eshihaanwa eshikholelwa omulilo, eshieshiuya eshilayi khuMWAMI; mbu tsihuunwa ekhumi natsitaru, namamiiku kabili, namakondi keshimwamwane ekhumi nakane; bileshe okhuba nobulema bwosi; 14halala nomusango kwabio kweimele, mbu obusie obunyushe obutsokasiibwemwo amafura, ebitonye bitaru bielikhumi bia efa khulwa buli huunwa khutsihuunwa etsio ekhumi natsitaru, nebitonye bibili bielikhumi khulwa buli limiiku khumamiiku ako kabili, 15neshitonye shindi shielikhumi khulwa buli likondi khumakondi ako ekhumi nakane; 16neikhole ndala khulwa omusango kwobwonooni, halala nomusango omusambe kwakhatsotso, nomusango kwakwo kweimele, nomusango kwakwo kwokhutsushilwa.
17Ne khunyanga yakhabili mumale tsihuunwa ekhumi natsibili, namamiiku kabili, namakondi keshimwamwane ekhumi nakane akabula obulema; 18halala nomusango kwabio kweimele, nemisango chiabio chiokhutsushilwa, khulwa tsihuunwa, khulwa amamiiku, khandi khulwa amakondi, obunji bwabio shinga olwa buli, shinga olwa eshiima shili; 19neikhole ndala khulwa omusango kwobwonooni; halala nomusango omusambe kwakhatsotso, nomusango kwakwo kweimele, nomusango kwakwo kwokhutsushilwa.
20Ne khunyanga yakhataru tsihuunwa ekhumi nandala, namamiiku kabili, namakondi keshimwamwane ekhumi nakane akabula obulema; 21halala nomusango kwabio kweimele, nemisango chiabio chiokhutsushilwa, khulwa tsihuunwa, khulwa amamiiku, khandi khulwa amakondi, obunji bwabio shinga olwa buli, shinga olwa eshiima shili; 22neikhole ndala khulwa omusango kwobwonooni, halala nomusango omusambe kwakhatsotso, nomusango kwakwo kweimele, nomusango kwakwo kwokhutsushilwa.
23Ne khunyanga yakhane tsihuunwa ekhumi, namamiiku kabili, namakondi keshimwamwane ekhumi nakane akabula obulema; 24halala nomusango kwabio kweimele, nemisango chiabio chiokhutsushilwa, khulwa tsihuunwa, khulwa amamiiku, khandi khulwa amakondi, obunji bwabio shinga olwa buli, shinga olwa eshiima shili; 25neikhole ndala khulwa omusango kwobwonooni, halala nomusango omusambe kwakhatsotso, nomusango kwakwo kweimele, nomusango kwakwo kwokhutsushilwa.
26Ne khunyanga yakharaano tsihuunwa shienda, namamiiku kabili, namakondi keshimwamwane ekhumi nakane akabula obulema; 27halala nomusango kwabio kweimele, nemisango chiabio chiokhutsushilwa, khulwa tsihuunwa, khulwa amamiiku, khandi khulwa amakondi, obunji bwabio shinga olwa buli, shinga olwa eshiima shili; 28neikhole ndala khulwa omusango kwobwonooni; halala nomusango omu-sambe kwakhatsotso, nomusango kwakwo kweimele, nomusango kwakwo kwokhutsushilwa.
29Ne khunyanga yakhasasaba tsihuunwa munaane, namamiiku kabili, namakondi keshimwamwane ekhumi nakane akabula obulema, 30halala nomusango kwabio kweimele, nemisango chiabio chiokhutsushilwa, khulwa tsihuunwa, khulwa amamiiku, khandi khulwa amakondi, obunji bwabio shinga olwa buli, shinga olwa eshiima shili; 31neikhole ndala khulwa omusango kwobwonooni; halala nomusango omusambe kwakhatsotso, nomusango kwakwo kweimele. Nomusango kwakwo kwokhutsushilwa.
32Ne khunyanga yomusaafu tsihuunwa musaafu, namamiiku kabili, namakondi keshimwamwane ekhumi nakane akabula obulema, 33halala nomusango kwabio kweimele, nemisango chiabio chiokhutsushilwa, khulwa tsihuunwa, khulwa amamiiku, khandi khulwa amakondi, obunji bwabio shinga olwa buli, shinga olwa eshiima shili, 34neikhole ndala khulwa omusango kwobwonooni; halala nomusango omusambe kwakhatsotso, nomusango kwakwo kweimele, nomusango kwakwo kwokhutsushilwa.
35Khunyanga yomunaane mube nomukhung'aano kwoluyali; murakholakhwo omulimo kwosi kwobukhalabani ta; 36ne mumale omusango omusambe, eshihaanwa eshikholelwa omulilo, eshieshiuya eshilayi khuMWAMI; mbu ihuunwa ndala, nelimiiku elala, namakondi keshimwamwane musaafu akabula obulema; 37ne omusango kwabio kweimele, nemisango chiabio chiokhutsushilwa, khulwa ihuunwa, khulwa limiiku, khandi khulwa amakondi, chilaba khubunji bwabio shinga olwa buli, shinga olwa eshiima shili, 38neikhole ndala khulwa omusango kwobwonooni; halala nomusango omusambe kwakhatsotso, nomusango kwakwo kweimele, nomusango kwakwo kwokhutsushilwa.
39Muhaanilenje OMWAMI ebio biosi mumasabo keenywe, halala nende ebiitsubo bieenywe, nebihaanwa bieenywe biokhuchama, khulwa emisango chieenywe emisambe, khulwa emisango chieenywe chieimele, khulwa emisango chieenywe chiokhutsushilwa khandi khulwa emisango chieenywe chiokhwishia.
40Musa naboGlela abaana baIsiraeli amakhuwa kosi shinga olwa kali aka OMWAMI yalachilisia Musa.
Currently Selected:
Obubali 29: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
