Obubali 24
24
1Ne olwa Balaamu yalola mbu OMWAMI achamile okhuheelesia Isiraeli ikhabi, shiyatsia shinga olwa yali nakholile tsindaalo tsindi okhukhaaba obulakusi ta; ne yachooma okhutsia mushitsiimi. 2Mana Balaamu yachinguula tsimoni, nalola Isiraeli nibamenyanga mumbia tsiabwe shinga olwa tsiali; roho waNyasaye niyeenjila muye. 3Kho yarumbula oburumbusibwe, nasunga mbu
Balaamu waBeori aboola,
omundu owa imoniye yilabiibwe aboola;
4aboola, omwenoyo ouhulilanga amakhuwa kaNyasaye;
oulolanga libisulo lia Oyo Ounyala Biosi,
nakwitsanga hasi, ne tsimonitsie nitsifuunuulwa;
5ari Iwe Yakobo, amaheemako namalayi muno;
nende ebimenyobio, iwe Isiraeli!
6Bibambuushe shinga amabanda,
shinga emikunda echili khumwalo,
shinga ebikakha ebia OMWAMI yaraaka,
shinga emisiita echili hamatsi.
7Amatsi kalarulanga mundohotsie;
imwoye yilabeetsanga mumatsi kandi nakandi;
omuruchiwe alabeetsanga ikulu okhuyomba Agagi,
khandi oburuchibwe bulachinguukha.
8Nyasaye wamurusiye muMisiri;
ali netsingufu etsiingana etsieimboko.
Alalia amahanga akamuyinga,
nafunaka amakumba kabwe ebitonye ebitonye,
nabafumira putu nebiselebie.
9Yabunama hasi, yakona shinga italanyi,
shinga italanyi ikhasi; niwina oulamubuusia?
Omundu yesi oukhusabila ikhabi, abe neikhabi;
ne oukhulaama eshilaamo shiobubii, abe mushilaamo shiobubii ario.
Balaamu yarumbula amakhuwa muliira liaNyasaye
10Ne oburima bwaBalaki nibwashila khuBalaamu, niyeekhong'onda amakhono; Balaki namusunjila Balaamu ari Ekhulanjile mbu olache abasuku banje eshilaka munwa; ne lola, obasabiile butswa ikhabi, okhuula khataru. 11Khulwako bulaano wilushe otsie ewuwo; embeele nimbaaranga mbu ndakhakhwemekha muluyali olukhongo; ne lola, OMWAMI akhwikaliile oburanyoola oluyali ta. 12Naye Balaamu namusunjila Balaki ari Shindababoolela abarumebo aba warumila, ndi 13Kata Balaki niyakhamba inzuye niyiitsuule tsifeetsa nende tsitsahaabu, shindakhanyala okhubira likhuwa liOMWAMI, okhukhola kata amalayi kata amabii khubwanje omwene ta; mbu elia OMWAMI yamboolela, nilio elia ndalaboola? 14Ne bulaano lola, nzinyokha enzie ewa abandu banje bali. Yitsa, ekhutoonyele khuka abandu abo balakholela abandubo mundaalo tsiolunyuma. 15Kho yarumbula oburumbusibwe, nasunga mbu
Balaamu waBeori aboola,
omundu owa imoniye yilabiibwe aboola;
16aboola, omwenoyo ouhulilanga amakhuwa kaNyasaye,
namanyile obumanyi bwa Oyo Ouli Ikulu Muno,
oulolanga libisulo lia Oyo Ounyala Biosi,
nakwitsanga hasi, ne tsimonitsie nitsifuunuulwe;
17ari Emulola, habula bulaano ta;
emuhenga, habula ahambi ta.
Inyininyini yilarula muYakobo,
khandi indabushi yobwami yilabuukha niyirula muIsiraeli,
niyitubula obweni bwosi bwaMoabu,
niyifunaka abaana baSetsi bosi.
18Edomu alakwa omwandu kwabeene,
khandi Seiri yesi alaba omwandu; abalinji abasukube;
olwa Isiraeli yilaba niyikholanga neitswoni.
19Omwene oburuchi alarula muYakobo,
namalilana omusikalo okurula mwitookho.
20Mana yahenga Amaleki, narumbula oburumbusibwe, nasunga mbu
Amaleki liali eliambeli eliomumahanga;
ne khuhumaliilishi aliula khubumululwi.
21Mana nahenga Keni, narumbula oburumbusibwe, nasunga mbu
Eshimenyoshio neshiralilu,
eshitsushio shiareebwa mulwanda.
22Nebutswa Kaini alaakamibwa.
Ashuru alakhuyilanga mububohe okhuula liina?
23Mana narumbula oburumbusibwe, nasunga mbu
Woowe! Olwa Nyasaye akhola kano, niwina olulaba mwoyo?
24Ne amaaro kalarula mulukuku lwaKitimu nikasandia Ashuru, khandi nikasandia Eberi,
naye yesi aliula khubumululwi.
25Mana Balaamu narula, natsia nakalukha ewuwe; naye Balaki yesi natsia butsia.
Currently Selected:
Obubali 24: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
