Obubali 25
25
Abalsiraeli beenamila Baali wePeori
1Ne Isiraeli namenya muShitimu, abandu nibachaaka okhuheyanga nabakhaana baMoabu. 2Nabo nibalanga abandu mumasabo kabanyasaye babwe; nabo abandu nibalia, nibeenamila abanyasaye babwe. 3Kho Isiraeli niyeeboha mwikokolo elala nende Baali wePeori; mana oburima bwOMWAMI nibwashila Isiraeli. 4OMWAMI namuboolela Musa ari Bukula abeemilisi bosi babandu, obahanishile OMWAMI, hano khumubasu, mbu oburima obululu bwOMWAMI bushiukhasibwe burule khuIsiraeli. 5Naye Musa naboolela abayaasii baIsiraeli ari Mwire buli mundu abandube abeeboyile mwikokolo elala nende Raali wePeori.
6Ne lola, mulala owokhubaana balsiraeli ni-yeetsa mubeinzu yabwe nali nomukhasi omuMidiani, Musa nalola khandi abomukhung'aano kwosi kwabaana baIsiraeli nibalola, olwa bali nibalililanga hamuliango weliheema liokhwakaana. 7Ne olwa Finehasi waEleazari waHaruni omukuhani yalola, yarula hakari wabomukhung'aano, nabukula lifumo mumukhono, 8nalonda inyuma womusaatsa waIsiraeli tsana, niyeenjila mushisika, nabafumira bombi putu, omusaatsa oyo waIsiraeli nomukhasi, nilibira munda yomukhasi tsana. Nilwo olwa oluumbe lwayinjilwa mubaana baIsiraeli. 9Nebutswa abali nibafwile khulwa oluumbe olwo bali ebikhumila amakhumi kabili nabine.
10Mana OMWAMI naboolela Musa ari 11Finehasi waEleazari waHaruni omukuhani ashiukhasiye oburima bwanje okhurula khuIsiraeli, olwa yali oweimbalikha mubo, khulwa imbalikha yanje, nachila nindabeera abaana baIsiraeli mumbalikha yanje ta. 12Khulwako, oboole mbu Lola, emuheelesia indakano yanje yomulembe; 13yilabeetsanga khuye, khandi khubeetsukhulube inyumawe, mbu indakano yobukuhani oburahwaho ta; shichila yali oweimbalikha khulwa Nyasayewe, natisa abaana baIsiraeli.
14Ne eliira liomusaatsa waIsiraeli oweerwa, niyeerwa halala nomukhasi omuMidiani, liali Zimiri, omwana waSalu, omukhulundu weshilibwa shindi mubaSimeoni. 15Nalio eliira liomukhasi omuMidiani oweerwa liali Kozibi omukhaana waZuri; ye yali omwimilisi wabandu beshilibwa shindi mubaMidiani.
16Mana OMWAMI naboolela Musa ari 17Onyasie abaMidiani, nobarootsa; 18okhuba bamunyasinjia nobuchesichesi bwabwe, obwa bamukaatiye ninabwo mwikhuwa liePeori, kata mwikhuwa liaKozibi omukhaana womukhulundu weMidiani, omukhaana wabwe, oweerwa khunyanga yoluumbe, mwikhuwa liePeori.
Currently Selected:
Obubali 25: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
