Obubali 23
23
1Balaamu namusunjila Balaki ari Unyumbashile hano ebimalilo biemisango musaafu, niungasiliaho tsisurusi musaafu nende amamiiku musaafu. 2Naye Balaki nakhola shinga Balaamu olwa yaboola; Balaki nende Balaamu nibamala omusango kweisurusi nelimiiku khubuli shimalilo. 3Balaamu namuboolela Balaki ari Sinjila hamisangochio emisambe; nasi enzia; haundi OMWAMI aleetsa okhunzakaanila; ne liosi liosi elia alamanyia, ndalakhuboolela. Mana natsia habutenje bundi bweshikulu, ahakhaya.
Balaamu yasabila Isii-aeli ikhabi
4Ne Nyasaye namwakaanila Balaamu; naye namusunjila mbu Engasiye ebimalilo musaafu tsana, nimala omusango kweisurusi nelimiiku khubuli shimalilo. 5Mana OMWAMI nara lisungo mumunwa kwaBalaamu, nasunga mbu Okalushile Balaki, noboola ori nanwa. 6Naye namukalushila, ne lola, yali nasinjiile hamisangochie emisambe, ye halala nabakhulundu bosi baMoabu. 7Kho Balaamu yarumbula oburumbusibwe, nasunga mbu
Okhurula eAramu Balaki yarusiyeyo;
omuruchi waMoabu okhurula mungulu tsiebukwe;
ari Witse unaamile Yakobo eshilaamo shiobubii;
khandi witse ofukule Isiraeli!
8Nasi ndakhanyala endie okhumulaka eshilaka munwa owa Nyzsaye aralachile eshiaka munwa ta?
Kata ndakhanyala endie okhumufukula owa OMWAMI arafukuule ta?
9Okhuba okhurula khubutenje bwetsinguu emuluutsi,
nokhurula khubikulu emuhenjile.
Lola, noluyia lwabandu olumenyanga lwonyene, olurabalilwa mumahanga ta.
10Niwina ounyala okhubala olufu lwaYakobo,
kata okhuboola obunji bweshitonye shiakhane shiaIsiraeli?
Lekha efwe okhufwa khwomulunjishi;
obumaliilishi bwanje bube shinga obubwe.
11Mana Balaki namusunjila Balaamu ari Kho ukholeele orie? Ekhuyilile mbu olache abasuku banje eshilaka munwa, ne lola, obasabiile butswa ikhabi. 12Naye nakalusia nareeba ari Ne shikhoyile okhwirechekha, emboolenje akeenako aka OMWAMI ara mumunwa kwanje? 13Mana Balaki namusunjila mbu Chama witse ninasi, khutsie habundu undi, ewa wakhanyala okhubalola; olalola abali ahambi bonyene; shiolabalola bosi ta; ne okhurula yaho obandachile eshilaka munwa. 14Namuyila mumukunda kwaZofimu, khubutenje bwaPisiga, niyoombakha ebimalilo musaafu, namala omusango kweisurusi nelimiiku khubuli shimalilo. 15Balaamu namusunjila Balaki ari Sinjila hano hamisangochio emisambe, nishitsia okhubul aana nOMWAMI halia. 16Ne OMWAMI namwakaanila Balaamu, nara likhuwa mumunwakwe, nasunga mbu Okalushile Balaki, noboola ori nanwa. 17Naye niyoola ewa yali, ne lola, yali nasinjiile hamisangochie emisambe, nabakhulundu baMoabu halala ninaye. Balaki namureeba ari OMWAMI aboolile arie?
18Khoyarumbulaoburumbusibwe, nasungambu Buukha, Balaki, ohulile;
urechele amarwi, iwe omwana waZipori.
19Nyasaye shiali omundu owakhanyala okhubeeha,
kata emwana womundu, owakhanyala okhukalukhana ta.
Olwa asunjile, shialakhola?
Kata olwa aboolile, shialoosia?
20Lole, endachilwe okhusaba ikhabi;
naye ahaanile ikhabi, nasi shinyala okhuyishiukhasia ta.
21Shiahenjile amasila muYakobo,
kata amanyakhano muIsiraeli ta.
OMWAMI Nyasayewe ali ninaye halala;
olukhu Iwomuruchi luli hakari wabwe.
22Nyasaye wabarusiye muMisiri;
ali netsingufu etsiingana etsieimboko.
23Toto mwene, bubulaho obulakusi obufukula Yakobo,
kata obufumu obufukula Isiraeli ta.
Bulaano kalasunjilungwa khuYakobo naIsiraeli
mbu Eshia Nyasaye akholile shili shirie?
24Lole, oluyia lubuukha shinga italanyi ikhasi;
lwichinga shinga italanyi.
Shilulakona tawe okhuula olwa lulaba niluliile khuluyiitsi,
nilunyweele khumatsayi kabeerwa.
25Mana Balaki nasunjila Balaamu ari Kho orabalakakhwo eshilaka munwa, kata orabasabilakhwo ikhabi ta. 26Ne Balaamu nakalusia namusunjila Balaki ari Shindakhuboolela mbu Kosi aka OMWAMI aboola, khatimba ekhole? 27Mana Balaki namusunjila Balaamu ari Witse bulaano, ekhuyile habundu undi; haundi Nyasaye alachama mbu okhurula yaho obandachile eshilaka munwa. 28Kho Balaki nayila Balaamu khubutenje bwaPeori, obuhenjile hasi mushitsiimi. 29Balaamu namusunjila Balaki ari Unyumbashile hano ebimalilo biemisango musaafu, niungasiliaho tsisurusi musaafu nende amamiiku musaafu. 30Naye Balaki nakhola shinga Eialaamu olwa yaboola, namala omusango kweisurusi nelimiiku khubuli shimalilo.
Currently Selected:
Obubali 23: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
