Obubali 20
20
Amatsi akarula mulwanda
(Okhuru. 17.1-7)
1Kho abaana baIsiraeli, omukhung'aano kwosi, beenjila mushitsiimi shieZini mumwesikwambeli; abandu nibeekhalayo, eKadeshi; naye Miriamu nafwilayo, nayabilwa ebweneyo.
2Ne habwenaho amatsi shikalikhwoho khulwa abomukhung'aano ta; nabo nibakhung'aana halala okhuyingania Musa naHaruni. 3Abandu nibayingana nende Musa, nibasunga bari Bwakhabeele bulayi nikhwakhafwile olwa abaana beefwe bafwila imbeli wOMWAMI! 4Mbushiina nimuleerile libukaana liOMWAMI mushitsiimi muno, mbu khufwilemwo, ifwe nende emiruko chieefwe? 5Khandi mbushiina nimukhutikulusiye nimukhurusia muMisiri nimukhwinjisia habundu hano ahabii? Shihali habundu ahokhuraaka; kata emikhuyu kata emitsabibu kata emikomamanga shibiliho tawe; kata amatsi akokhunywa kabulaho. 6Mana Musa naHaruni nibarula ewa libukaana liali nibatsiahamuliangokweliheema liokhwakaana, nibasikama nibabunamia obweni bwabwe hasi; oluyali lwOMWAMI nilubaloleshela. 7OMWAMI naboolela Musa ari 8Bukula indabushi yilia, nokhung'aasia abomukhung'aano, iwe naHaruni omwana weenywe; mana muboolele olwanda, bo nibalola, mbu luhaane amatsi kalwo; kho olabarusilia amatsi mulwanda; ne nolwa olaheelesia abomukhung'aano amatsi mbu banywe, nemiruko chiabwe. 9Kho Musa nabukula indabushi tsana eyali niyili imbeli w, shinga olwa yamulaka.
10Mana Musa naHaruni nibakhung'aasia libukaana halala imbeli wolwanda, naye nabasunjila ari Hulile, inywe abeinduli; ifwe khulamurusilia amatsi mulwanda luno noho? 11Musa nachinguula omukhono, nakhupa olwanda neindabushiye khabili; amatsi nikarulamwo amanji, abomukhung'aano nibanywa, khandi nende emiruko chiabwe. 12OMWAMI nasunjila Musa naHaruni ari Eshichila shimwayasuubiliile isie, okhunzahula imbeli wabaana baIsiraeli, niko akachila shimuliinjisia libukaana lino mushialo eshia ndabaheelesia ta. 13Kano niko amatsi kaMeriba, ewa abaana baIsiraeli bayingana nOMWAMI, naye nalolosia obutakatifubwe mubo.
AbaEdomu beekalila abalsiraeli, baleshe okhubtra mushialo shiabwe
14Mana Musa naruma abarume ewomuruchi waEdomu okhurula eKadeshi, ari Omwana weenywe Isiraeli aboola mbu Omanyile amatinyu kosi akakhukwila, 15shinga olwa abakuuka beefwe bakholomokha nibatsia eMisiri, ifwe nikhumenya muMisiri eshise eshirambi; abaMisiri nabo nibakhukhupia khushibii, ifwe nende abakuuka bosi. 16Ne olwa khwahaabila OMWAMI, yahulila omwoyo kweefwe, naruma malaika, nakhurusia muMisiri, ne lola, khuli hano eIiadeshi, litaala elili khulwakho Iweshialoshio. 17Ekhusaaya mbu ofuchiilile khubirile mushialoshio. Shikhulabirila mumukunda kwosi, kata mumukunda kwemitsabibu, kata okhunywa khumatsi akomumayabo ta. Khulabirila khumuhanda kwomuruchi; shikhuleebera khumukhono omusaatsa kata omukhasi ta, okhuula olwa khulaba nikhubirile olwakholwo. 18Edomu naye namukalusia mbu Shiolabirila hakari wanje ta; ndakharula netsinganga okhukhwikalila. 19Nabo abaana baIsiraeli nibamusunjila bari Khulatikulushila khumuhanda kwonyene; kata nikhuba nikhunywakhwo khumatsiko, isie nemiruko chianje, nekhurunje obukusi bwako. Ne ofuchiilile mbu embirilemwo butswa nebilenje, akandi ta. 20Naye nakalusia mbu Shiolabirilamwo tawe. Edomu narula okhumwikalila nali nende abandu abanii, namaani amanji. 21Nolwa Edomu yamwikalila Isiraeli okhubirila mushialoshie; ne khulwako Isiraeli nashiukhana namulekha.
Okhufwa khwaHaruni khushikulu shiaHori
22Nibachenda nibarula eKadeshi; abaana baIsiraeli, omukhung'aano kwosi, niboola halukulu lwaHori. 23OMWAMI nasunjila Musa naHaruni halukulu lwaHori, ahambi nolwakho Iweshialo shiaEdomu, ari 24Haruni yeetsa okhulonda abandube; okhuba shialeenjila mushialo eshia ndabaheelesia abaana baIsiraeli ta, shichila mwakhaya likhuwa lianje yaho hamatsi kaMeriba. 25Bukula Haruni naEleazari omwanawe, witse ninabo mulukulu lwaHori; 26mana omufwalule Haruni tsingubotsie, nomufwala Eleazari omwanawe; mana Haruni alafwilayo nalonda abandube. 27Kho Musa nakhola shinga OMWAMI olwa yalaka; nibaniina mulukulu lwaHori abomukhung'aano kwosi nibalola. 28Mana Musa namufwalula Haruni tsingubotsie, namufwala Eleazari omwanawe, naye Haruni nafwilayo khubutenje bwolukulu; ne Musa naEleazari nibeekha nibarula mulukulu. 29Nolwa abomukhung'aano bosi balola mbu Haruni ufwile, bamwikhuula Haruni tsindaalo amakhumi kataru, abeinzu yosi yaIsiraeli.
Currently Selected:
Obubali 20: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
