Obubali 19
19
Akokhusiiya owobukaali
1Mana OMWAMI naboolela Musa naHaruni ari 2Kano niko akalachilisibwa mumalako aka OMWAMI yalaka, naboola mbu Boolela abaana baIsiraeli mbu bakhuleerele imoosi inandol eyili habwene, eyibula obulema bwosi, eyishili okhureebwakhwo likokolo ta. 3Mumuheelesie Eleazari omukuhani; naye achirusie elwanyi weikambi, omundu achisinze naye nalola. 4Mana Eleazari omukuhani abukule khumalasile kayo khulwala, amiitse amalasile kayo nachoomile hambeli weliheema liokhwakaana, okhuula musaafu. 5Mana omundu asambe imoosi eyo naye nalola; liseelo liayo, neinyama, namalasile, nobuse, abisambe biosi. 6Naye omukuhani abukule olusaala Iwomusiita, namabinu, neingubo iranzayi, abisukune mushisambilo shieimoosi tsana. 7Mana omukuhani yoosie tsingubotsie, niyeesinga omubili mumatsi, ne olunyumakhwo yeenjile mukambi; ne omukuhani oyo abe mwibilu okhuula olwa bwila. 8Ouchisamba naye yesi yoosie tsingubotsie, niyeesinga omubili mumatsi; naba mwibulu okhuula olwa bwila. 9Ne omundu ouli omusiiyikhu ayoye likoshe lieimoosi tsana, nalibiikha elwanyi weikambi habundu ahasiiyikhu, libiishilwe omukhung'aano kwabaana baIsiraeli khulwa amanyaasi kobwonooneshi; nomusango kwobwonooni. 10Ouyoya likoshe lieimoosi naye yoosie tsingubotsie, naba mwibilu okhuula olwa bwila; ne khubaana baIsiraeli kata khumurende ouba namenya mubo, kalababeela akalachilisibwa tsindaalo tsiosi.
11Outiila khumulambo kwomufu yesi aba mwibilu tsinoaalo musaafu. 12Omwenoyo yeesiiye ninako khunyanga yakhataru, nokhunyanga yomusaafu, mana alaba omusiiye. Ne naba nareesiiya khunyanga yakhataru nokhunyanga yomusaafu, shialaba nali omusiiye ta. 13Omundu yesi outiilakhwo khumulambo kwomundu yesi oufwile, ne nareesiiya ta, yoonoonia ario eshimenyo shiOMWAMI; omundu oyo yaakamibwe muIsiraeli; abe mwibilu, okhuba amanyaasi kobwonooneshi shikamwohwakhwo ta; obukaalibwe bushili ninaye.
14Kano niko amalako olwa omundu afwila mwiheema; mbu buli mundu owinjila mwiheema tsana, nabuli mundu ouba nali mwiheema, abe mwibilu tsindaalo musaafu. 15Kata buli shimanulwa shiosi eshiba nishiikuushe, nishirabohelwakhwo eshifuunikho ta, shikwa eshiomusilo. 16Kata omundu yesi ouba nali ebulafu natiilakhwo khuwirilwe nolukanga, kata khumulambo kwosi, kata khwikumba liomundu, kata khushilindwa, aba mwibilu tsindaalo musaafu. 17Mana khulwa owobukaali oyo babukule khwikoshe lieshisambilo shiomusango kwobwonooni, nibatsokasilia amatsi akomuchela okubiranga, mulutaabo. 18Mana omundu omusiiyikhu abukule amabinu, yeene mumanyaasi tsana, namiitsa khwiheema, nokhubimanulwa biosi, nokhubandu ababa nibaliho, nokhumundu mwene outiililekhwo khwikumba, kata khuwirilwe, kata khumufu, kata khushilindwa. 19Khandi omusiiyikhu oyo amumiitsekhwo owobukaali tsana khunyanga yakhataru nokhuyomusaafu; ne khunyanga yomusaafu amusiiye; mana yoosie tsingubotsie, niyeesinga mumatsi, ne khubwile alaba nali omusilye.
20Nebutswa omundu yesi ouba nali mwibilu, ne nareesiiya omwene ta, omundu oyo yaakamibwe hakari welibukana, okhuba yoonooniye habundu ahatakatifu hOMWAMI; amanyaasi kobwonooneshi shikamwohwakhwo ta; ashili mwibilu. 21Ne khubo kalabeelanga akalachilisibwa aketsindaalo tsiosi. Ne oumiitsanga amanyaasi kobwonooneshi ako, yoosie tsingubotsie; outiila-khwo khunanyaasi kobwonooneshi aba mwibilu okhuula olwa bwila. 22Ne shiosi shiosi eshia omundu ouli mwibilu atiilakhwo, nashio shilakwa eshiomusilo; ne omundu oushitiilakhwo alaba mwibilu okhuula olwa bwila.
Currently Selected:
Obubali 19: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
