Obubali 1
1
Abaana baIsraeli nibabalilwa eSinai
1OMWAMI yaboolela Musa mushitsiimi shieSinai, mwiheema liokhwakaana, khunyanga yambeli eyomumwesi kwakhabili, mumuyika kwakhabili okwalonda khukhurula khwabwe mushialo shiaMisiri; ari 2Obale obunji bwabomukhung'aano kwabaana baIsiraeli, munzu tsiabwe khandi mubilibwa biabwe, obunji bwameera shinga olwa buli, buli musaatsa yesi, nibabalwa mulala mulala; 3okhurula khubemiyika amakhumi kabili nende abashilaho, mbu bosi muIsiraeli abatuushile okhutsia mwihe; iwe nende Haruni mubabalile mumikanda chiabwe chiamahe. 4Ne mulabayo nende omusaatsa owomubuli luyia; ne buli mulala abe omwimilisi weshilibwa shiabwe. 5Kano niko ameera kabandu aba mulaba ninabo; mbu khubaReubeni, Elizuri waShedeuri; 6khubaSimeoni, Shelumieli waZurishadai; 7khubaYuda, Nashoni waAminadabu; 8khubaIsakhari, Netsaneli waZuari; 9khubaZabuloni, Eliabu waHeloni; 10khubaana baYusufu: khubaEfuraimu, Elishama waAmihudi; khubaManase, Gamalieli waPedazuri; 11khubaBenyamini, Abidani waGideoni 12khubaDani, Ahiezeri waAmishadai; 13khubaAsheri, Pagieli waOkhirani; 14khubaGadi, Eliasafu waDeueli; 15khubaNafutali, Ahira waEnani. 16Abo nibo abalobolwa khubomukhung'aano, nibo abakhulundu betsimbia tsiabakuuka babwe; nibo abali abeemilisi bebilibwa biaIsiraeli.
17Musa nende Haruni babukula abandu abo aba ameera kabwe kakhatalwakhwo, 18nibakhung'aasia omukhung'aano kwosi halala, khunyanga yambeli eyomumwesi kwakhabili; nabo nibarumbula aketsinzibulo tsiabwe, munzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, nibabalwa mulala mulala. 19Shinga OMWAMI olwa yalaka Musa, nilwo olwa yababalila mushitsiimi shieSinai.
20Abaana baReubeni, omwikulanda waIsiraeli tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, mulala mulala, buli musaatsa okhurula khubemiyika amakhumi kabili nende abashilaho, bosi abatuushile okhutsia mwihe, 21ababalwa khubo, aboluyia lwaReubeni, bali ebikhumiia amakhumi kane nabisasaba nebikhumi biraano.
22Abokhubaana baSimeoni, tsinzibulo tsiabwe mutsinzu tsiabwe kbandi mubilibwa biabwe, ababalwa khubo, obunji bwameera shinga olwa bwali, mulala mulala, buli musaatsa okhurula khubemiyika amakhumi kabili nende abashilaho, bosi abatuushile okhutsia mwihe, 23ababalwa khubo, aboluyia lwaSimeoni, bali ebikhumila amakhumi karaano nashienda nebikhumi bitaru.
24Abokhubaana baGadi, tsinzibulo tsiabwe mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 25ababalwa khubo, aboluyia lwaGadi, bali ebikhumila amakhumi kane nabiraano nebikhumi bisasaba namakhumi karaano.
26Abokhubaana baYuda, tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 27ababalwa khubo, aboluyia lwaYuda, bali ebikhumila amakhumi musaafu nabine nebikhumi bisasaba.
28Abokhubaana baIsakhari, tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 29ababalwa khubo, aboluyia lwaIsakhari, bali ebikhumila amakhumi karaano nabine nebikhumi bine.
30Abokhubaana baZabuloni. Tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 31ababalwa khubo, aboluyia lwaZabuloni, bali ebikhumila amakhumi karaano namusaafu nebikhumi bine.
32Abokhubaana baYusufu: abokhubaana baEfuraimu, tsinzibulo tsiabwe, mutsinzu tsiabwe khauldi mubilibwa biabwe, obunji bwameera shinga olwa bwali, okhurula Ichubemiyika amakhumi kabili nende abashilaho, bosi abatuushile okhutsia mwihe, 33ababahla khubo, aboluyia lwaEfuraimu, bali ebikhumila amakhumi kane nebikhumi biraano.
34Abokhubaana baManase, tsinzibulo tsiabwe, mutsinzu tsiabwe khandi mubilibwa biabwe obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 35ababalwa khubo, aboluyia lwaManase, bali ebikhumila amakhumi kataru nabibili nebikhumi bibili.
36Abokhubaana baBenyamini, tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 37ababalwa khubo, aboluyia lwaBenyamini, bali ebikhumila amakhumi kataru nabiraano nebikhumi bine.
38Abokhubaana baDani, tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 39ababalwa khubo, aboluyia lwaDani, bali ebikhumila amakhumi kasasaba nabibili nebikhumi musaafu.
40Abokhubaana baAsheri, tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 41ababalwa khubo, aboluyia lwaAsheri, bali ebikhumila amakhumi kane nashilala nebikhumi biraano.
42Abokhubaana baNafutali, tsinzibulo tsiabwe, mutsinzu tsiabwe khandi mubilibwa biabwe, obunji bwameera shinga olwa bwali, okhurula khubemiyika amakhumi kabili nende abashilaho, bosi abatuushile okhutsia mwihe, 43ababalwa khubo, aboluyia lwaNafutali, bali ebikhumila amakhumi karaano nabitaru nebikhumi bine.
44Abo nibo ababalwa, aba Musa naHaruni babala, nende abakhulundu baIsiraeli, abali abasaatsa ekhumi nababili; bali bario buli mulala khubeshilibwa shiabwe. 45Kho abo bosi ababalwa, abokhubaana baIsiraeli, mubilibwa biabwe, okhurula khubemiyika amakhumi kabili nende abashilaho, bosi muIsiraeli abatuushile okhutsia mwihe, 46abo bosi ababalwa bali ebikhumila ebikhumi bisasaba nabitaru ebikhumi biraano namakhumi karaano.
AbaLawi bareebwa khubusinjilili bweshimenyo
47Nebutswa abaLawi, khuluyia lwabakuuka babwe, shibabalilwa mubo ta. 48Okhuba OMWAMI yabeolela Musa ari 49Oluyia lwaLawi lwonyene oleshe okhulubala, kata okhukhaaba obunji bwabwe, mubaana baIsiraeli ta. 50Nebutswa oreho abaLawi basinjilile amakhuwa keshimenyo shioburumbusi, nende ebimanulwa biashio, nende ebindu biashio biosi. Bachinjenje eshimenyo tsana, nebimanulwa biashio biosi; bashikhalabanilenje, nibakhola ikambi yabwe okhufumbila eshimenyo. 51Mana buli olwa eshimenyo shili okhurula, abaLawi bashisambule ne buli olwa shili okhukhomwa, abaLawi bashisinjisie; ne oundi yesi ousita ahambi, yeerwe bwirwa. 52Nabo abaana baIsiraeli bakhomenje amaheema kabwe mumikanda chiabwe, buli mundu hakambi yabwe, khandi buli mundu hashilolelo shiabwe. 53Nebutswa abaLawi bakhomenje akabwe okhufumbila eshimenyo shioburumbusi, mbu oburima buleshe okhuba khumukhung'aano kwabaana baIsiraeli; khandi abaLawi balindenje eshimenyo shioburumbusi eshia baleshelwa okhulinda. 54Abaana baIsiraeli nibakhola bario; shinga kosi aka OMWAMI yalaka Musa olwa kali, nilwo olwa bakhola.
Currently Selected:
Obubali 1: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
