Obubali 10
10
Tsitarumbeta tsieifeetsa
1OMWAMI naboolela Musa ari 2Okhole tsitarumbeta tsibili tsieifeetsa; tsibe emilimo chiomwiraanyi; ne otsiikhoonyelenje okhulanga abomukhung'aano, khandi okhubuusinjia tsinjendo tsieikambi. 3Olwa tsikhupwa tsiombi, abomukhung'aano bakhung'aane ewa oli hamuliango weliheema liokhwakaana. 4Ne nibaba nibakhupa ndala yonyene, kho abakhulundu, nibo abeemilisi bebilibwa biaIsiraeli, bakhung'aane ewa oli. 5Olwa mutsikhupa oluhungu, tsikambi etsili eneebukwe tsibuusie oluchendo lwatsio. 6Ne olwa mutsikhupa oluhungu olwakhabili, tsikambi etsili eneesautsi tsibuusie oluchendo lwatsio; bakhupenje oluhungu lurio khulwa okhubuusia tsinjendo. 7Nebutswa olwa omukanda kwosi kwenya okhukhung'aasibwa, mukhupe, ne nimurakhupa oluhungu lurio ta. 8Nabo abaana baHaruni, abakuhani, bakhupenje tsitarumbeta; tsilabeetsanga khwinywe lilako elirahwaho ta, munzibulo tsieenywe tsiosi. 9Kata olwa murula okhutsia mwihe mushialo shieenywe, okhuseera abasuku abamusandia, mukhupenje oluhungu lurio netsitarumbeta; mana muleetsulilwa imbeli w Nyasaye weenywe, nimuhonibwa mubasuku beenywe. 10Khandi khunyanga yemiikhoyo chieenywe, kata mumilukha chieenywe, kata khukhuchaaka khwemiesi, mukhupenje tsitarumbeta khumisango chieenywe emisambe, khandi khumisango chieenywe chiebihaanwa biokhwishia; tsilabeetsanga khwinywe eshiitsulilo imbeli waNyasaye weenywe; nisie OMWAMI Nyasaye weenywe.
AbaIsireeli nibarula eSinai
11Mumuyika kwakhabili, mumwesi kwakhabili, khunyanga yamakhumi kabili eyomumwesi, habwenaho lileesi liarusibwaho hekulu weshimenyo shioburumbusi. 12Kho abaana baIsiraeli babuusia oluchendo olwokhunjendo tsiabwe okhurula mushitsiimi shieSinai; lileesi niliikhala hashitsiimi shieParani. 13Nibaranjilila okhubuusia oluchendo, lilako liOMWAMI mumunwa kwaMusa shinga olwa liali. 14Eshilolelo shieikambi yabaana baYuda shiaranjilila okhurula, mumikanda chiabwe; ne Nashoni waAminadabu yali omwimilisi welihe liabwe. 15Ne omwimilisi welihe lioluyia lwabaana baIsakhari yali Natsaneli waZuari. 16Ne omwimilisi welihe lioluyia lwabaana baZabuloni yali Eliabu waHeloni.
17Eshimenyo shiasambulwa; nabo abaana baGerishoni nabaana baMerari, abachinganga eshimenyo, barula. 18Mana eshilolelo shieikambi yaReubeni shialondakhwo mumikanda chiabwe; ne Elizuri waShedeuri yali omwimilisi welihe liabwe. 19Ne omwimilisi welihe lioluyia lwabaana baSimeoni yali Shelumieli waZurishadai. 20Ne omwimilisi welihe lioluyia lwabaana baGadi yali Eliasafu waDeuli.
21Mana abaKohatsi barula, nibachmjile ebindu ebitakatifu; ne eshimenyo shiaranjilila okhusinjisibwa, nibarashioolayo ta. 22Mana eshilolelo shieikambi yabaana baEfuraimu shialondakhwo, mumikanda chiabwe; ne Elishama waAmihudi yali omwimilisi welihe liabwe. 23Ne omwimilisi welihe lioluyia lwabaana baManase yali Gamalieli waPedazuri. 24Ne omwimilisi welihe lioluyia lwabaana baBenyamini yali Abidani waGideoni.
25Mana eshilolelo shieikambi yabaana baDani, eyamaliilikha khutsikambi tsiosi okhutsishinga emukongo, nishirula, mumikanda chiabwe; ne Ahiezeri waAmishadai yali omwimilisi welihe liabwe. 26Ne omwimilisi welihe lioluyia lwabaana baAsheri yali Pagieli waOkhirani. 27Ne omwimilisi welihe lioluyia lwabaana baNafutali yali Ahila waEnanani. 28Tsinjendo tsiabaana baIsiraeli tsiali tsiri nanwa, mumahe kabwe, olwa barulanga.
29Ne Musa yamusunjila Hobabu, omwana waReueli omuMidiani, omulchwe waMusa, ari Khuli khuluchendo okhutsia habundu yaho aha OMWAMI yakhusunjilakhwo, mbu Ndalamuheelesia. Wesi witse nineefwe; khulakhukholelanga amalayi; okhuba OMWAMI wasuubisiye Isiraeli amalayi. 30Naye namakalusia mbu Shinzia ta; ndaleenyokha, enzie eweefwe, ewabaluyia banje. 31Namusunjila mbu Ekhusaaya mbu orakhulekha ta; shichila niwe oumanyile shinga olwa khukhoyile okhukhupanga tsikambi mushitsiimi, ne olaba tsimoni tsieefwe. 32Ne noba notsia nineefwe, kalaba mbu lilayi liosi elia OMWAMI alakhukholela ifwe, nawe wesi khulakhukholela khurio.
33Kho nibarula khushikulu shiOMWAMI oluchendo lwetsindaalo tsitam; ne Hsanduku iieindakano yOMWAMI liabaranjilila imbeli khuluchendo lwetsindaalo tsitaru, okhubakhaabila obuhuluushilo. 34Lileesi liOMWAMI niliba ikulu wabwe mushiteere, olwa babuusinjia oluchendo okhurula mukambi.
35Ne buli olwa lisanduku liarulanga, Musa yasunganga mbu E OMWAMI, obuushe, abasukubo basalaasibwe, abakhukiyanga nabo bakhwilushe. 36Ne olwa lieemanga, yasunganga mbu E OMWAMI, okalushile abaIsiraeli bano, ebikhumila likhumi akhandi eshikhumila.
Currently Selected:
Obubali 10: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
