Abalawi 9
9
Haruniyamala emisango
1Mana khunyanga yomunaane Musa yalanga Haruni nabaanabe, nabakofu baIsiraeli, 2naboolela Haruni ari Bukula eshimoosi eshisaatsa khulwa omusango kwobwonooni, nelimiiku khulwa omusango omusambe, ebibula obulema, nobileera imbeli wOMWAMI. 3Khandi oboolele abaana baIsiraeli mbu Bukule ikhole yomusango kwobwonooni, neshimoosi nelikondi lieshimwamwane, biosi nibili ebiomuyika mulala, ebibula obulema, khulwa omusango omusambe; 4neing'ombe nelimiiku khulwa emisango chiokhwishia, okhubimala imbeli w; nomusango kweimele okutsokasiibwe amafura; okhuba leelo luno OMWAMI yeetsa okhumuloleshela. 5Nabo nibeetsa nende ebienebio ebia Musa yalaka, imbeli weliheema liokhwakaana; omukhung'aano kwosi nikusita ahambi nikusinjila imbeli wOMWAMI. 6Mana Musa nasunga mbu Lino nilio elia OMWAMI yalaka mbu mukhole; ne oluyali lwOMWAMI lulamuloleshela. 7Khandi Musa naboolela Haruni ari Sita ahambi khushimalilo, okhole omusangokwo kwobwonooni, nomusangokwo omusambe, niwitisa omwene halala nabandu; mana ohaane eshihaanwa shiabandu, nobatisa; shinga OMWAMI olwa yalaka.
8Kho Haruni yasita ahambi khushimalilo, niyeera eshimoosi shiomusango kwobwonooni, okwali khululwe omwene. 9Abaana baHaruni nibamuleerela amalasile kashio; naye niyeena olwala mumalasile, nakara khunzika tsieshimalilo, natsukha amalasile hasi weshimalilo. 10Nebutswa amasinya, netsifiko, nolufuurilo olwokhushini biomusango kwobwonooni, yaoisambila khushimalilo; shinga OMWAMI olwa yalaka Musa. 11Ne inyama neliseelo yabisamba nomulilo elwanyi weikambi.
12Mana niyeera omusango okwolchusambwa; abaana baHaruni nibamukaamia amalasile kakwo, naye nakooha khushimalilo tsimbeka tsiosi. 13Nibamukaamila omusango kwokhusambwa, eshitonye eshitonye, nende omurwe; naye nabisambila khushimalilo. 14Mana niyoosia amala nebilenje, nabisambila khumusango omusambe khushimalilo.
15Mana naleera eshihaanwa shiabandu, nabukula imbusi yomusango kwobwonooni okwali nikuli khulwa abandu, nachiira, nachimala khukva obwonooni, shinga omusango okwambeli kulia. 16Naleera omusango kwokhusambwa, nakukhola eshiima eshialakwa shinga olwa shiali. 17Naleera nende omusango kweimele, nabufumbarakhwo, nabusambila khushimalilo; khandi nende omusango omusambe okwomusenya.
18Khandi yeera nende ing'ombe nelimiiku, nibio omusango kwokhwishia okwali khulwa abandu; abaana baHaruni nibamukaamila amalasile kakwo, naye nakooha khushimalilo tsimbeka tsiosi; 19nende amasinya keing'ombe tsana; ne khwimiiku, isembe yalio, neshifuunikho shiamala, netsifiko, nolufuurilo olwokhushini; 20nibara amasinya tsana khutsitakata, naye nasambila amasinya khushimalilo. 21Natsio tsitakata neshiatakho eshisaatsa, Haruni yabichela imbeli w bibe omusango kwokhuchelwa, shinga Musa olwa yalaka.
22Mana Haruni yachinguulila abandu amakhono, nabasabila ikhabi; niyeekha okhurula khukhumala omusango kwobwonooni, nomusango omusambe, nemisango chiokhwishia. 23Musa nende Haruni nibeenjila mwiheema liokhwakaana, mana nibarulamwo, nibabasabila abandu ikhabi; oluyali lw niluloleshela abandu bosi. 24Mana omulilo kwarula ewOMWAMI, nikulia omusango omusambe namasinya khushimalilo; nabandu bosi olwa balola bario, bakhupa tsingalakala, nibasikama nibamwinamila Nyasaye.
Currently Selected:
Abalawi 9: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
