Abalawi 8
8
Obwahulwi bwaHaruni nabaanabe
1Mana OMWAMI naboolela Musa ari 2Bukula Haruni nabaanabe bosi, nebiifwalo, namafura akokhutsushiilila, neisumsi yomusango kwobwonooni, namamiiku kabili tsana, neshimwelo shiemikaate echibulamwo amamela; 3mana okhung'aasie omukhung'aano kwosi hamuliango weliheema liokhwakaana. 4Musa nakhola shinga OMWAMI olwa yamulaka; nakwo omukhung'aano nikukhung'aasibwa hamuliango weliheema liokhwakaana. 5Musa nasunjila omukhung'aano ari Kano niko aka OMWAMI yalaka mbu kakholwe.
6Kho Musa niyeetsa nende Haruni nabaanabe nabasinga amatsi. 7Mana namufwala likoti tsana, namuboha omushiipi, namufwala ikanzu yene, nara ifoti tsana khuye, namuboha omushiipi kwobulushi bwamang'oole kweifoti, nachiboha ario. 8Mana namurakhwo iloloti eyokhushilifu tsana, ne muloloti yaramwo Urimu nende Tsumimu. 9Nara eshilemba khumurwekwe; ne khushilemba tsana, khulubeka weimbeli, yara eshimuli eshipaapale shieitsahaabu, olusimbi olutakatifu; shinga OMWAMI olwa yalaka Musa.
10Mana Musa nabukula amafura ako akokhutsushiilila, natsushiilila eshimenyo nende biosi ebialimwo, nabiahula. 11Namiitsa khushimalilo okhuula musaafu, natsushiilila eshimalilo nebimanulwa biashio biosi, nende olutaabo neshichibi shialwo, okhubiahula. 12Natsukhakhwo amafura kokhutsushiilila khumurwe kwaHaruni, namutsushiilila, okhumwahula. 13Mana Musa naleera abaana baHaruni, nabafwala amakoti, nababoha emishiipi, nababohakhwo tsingofia; shinga OMWAMI olwa yamulaka Musa.
14Mana niyeetsa nende isurusi tsana yomusango kwobwonooni; nabo Haruni nabaanabe nibara amakhono khumurwe kweisurusi yomusango kwobwonooni. 15Musa nachiira, nabukula khumalasile, nakara khunzika tsieshimalilo tsimbeka tsiosi nende olwala, nasiiya eshimalilo; natsukha amalasile hasi weshimalilo, nashiahula, okhushitisa. 16Nabukula amasinya kosi akali khumala, nolufuurilo Iweshini, netsifiko tsibili tsiombi, namasinya katsio; kho Musa nakasambila khushimalilo. 17Ne isurusi yene, neliseelo liayo, neinyama, nobuse, yabisamba nomulilo elwanyi weikambi; shinga OMWAMI olwa yalaka Musa.
18Mana yaleera limiiku liomusango kwokhusambwa; Haruni nabaanabe nibara amakhono khumurwe kwelimiiku. 19Musa naliira, niyooha amalasile khushimalilo tsimbeka tsiosi, 20nafwona limiiku ebitonye; mana Musa nasamba omurwe, nebitonye tsana, namasinya; 21niyoosia amala nebilenje namatsi; mana Musa nasambila limiiku liosi khushimalilo; nikuba omusango omusambe kweshiuya eshilayi; neshihaanwa shiOMWAMI eshikholelwa omulilo; shinga OMWAMI olwa yalaka Musa.
22Mana naleera elindi, mbu limiiku liobwahulwi; Haruni nabaanabe nibara amakhono khumurwe kwelimiiku. 23Musa naliira, nabukula khumalasile kalio, nakabakha khubutsunzu bweshirwi eshisaatsa shiaHaruni, khandi khulwala olukali Iwomukhonokwe musaatsa, khandi khushino eshikali shieshilenjeshie shisaatsa. 24Abaana baHaruni nibaleerwa, Musa nabakhakhwo amalaoile khubutsunzu bwamarwi kabwe amasaatsa, khandi khunzala tsingali tsiemikhono chiabwe emisaatsa khandi khubino ebikali biebilenje biabwe ebisaatsa; Musa niyooha amalasile khushimalilo tsimbeka tsiosi. 25Mana nabukula amasinya, neisembe, namasinya kosi akali khumala, nolufuurilo Iweshini, netsifiko tsibili tsiombi, namasinya katsio, neshiatakho eshisaatsa; 26nokhurula mushimwelo shiemikaate echibulamwo amamela eshiali nishili imbeli wOMWAMI yabukula eliandasi elala, nomukaate mulala kwamafura, neshisikuti shilala, nabira khumasinya nokhushiatakho eshisaatsa, 27nabira biosi khubikalo biaHaruni khandi khubikalo biabaanabe, nabichela imbeli wOMWAMI bibe omusango kwokhuchelwa. 28Mana Musa nabibukula mumakhono kabwe, nabisambila khushimalilo, khumusango omusambe; biali eshihaanwa shiobwahulwi shieshiuya eshilayi, eshihaanwa eshikholelwa omulilo khuMWAMI. 29Musa nabukula itakata nachichela yibe omusango kwokhuchelwa imbeli wOMWAMI; nikwo omukabo kwaMusa okwokhwimiiku liobwahulwi; shinga OMWAMI olwa yalaka Musa.
30Mana Musa nabukula khumafura kokhutsushiilila, nende khumalasile akali khushimalilo, nakamiitsa khuHaruni nokhubiifwalobie, nokhubaanabe nokhubiifwalo biabaanabe bosi; niyaahula Haruni, nebiifwalobie, nabaanabe nebiifwalo biabaanabe bosi.
31Musa naboolela Haruni nabaanabe ari Teeshele inyama hamuliango weliheema liokhwakaana, nimuliiraho halala nemikaate echili mushimwelo shiobwahulwi, shinga olwa endachile, ndi Haruni nabaanabe bachilie. 32Ne ebitong'a ebiokhunyama nemikaate, mubisambe nomulilo. 33Kata murarulakhwo hamuliango weliheema liokhwakaana tsindaalo musaafu ta, okhuula olwa tsindaalo tsiobwahulwi bweenywe tsiba nitsihelile; tsindaalo musuafu tsilahwa nimushiahulungwa. 34Shinga olwa kakholilwe inyanga yino, nolwa OMWAMI yalaka mbu kakholungwe, mbu mutisungwe murio. 35Hamuliango weliheema liokhwakaana niho aha mulamenya, eshilo neshiteere, tsindaalo musaafu, nimulinda aka muleshelwa nOMWAMI, muleshe okhufwa; okhuba nilwo olwa ndalakwa. 36Nabo Haruni nabaanabe nibakhola kosi aka OMWAMI yalaka, mumunwa kwaMusa.
Currently Selected:
Abalawi 8: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
