Abalawi 7
7
1Namalako khukomusango kweshiuku ngakano; nomutakatifu muno. 2Habundu tsana aha beerelanga omusango kwokhusambwa, niho ahn beerela omusango kweshiuku; namalasile kakwo omukuhaani akoohe khushimalilo tsimbeka tsiosi. 3Ne khukwo aleere amasinyn kakwo kosi; mbu isembe, namasinya akafuunikha amala, 4netsifiko tsibili tsiombi, namasinya akali khutsio, akali khushikhuulu, nolufuurilo olwokhushini, olwa ayinia halala netsifiko; 5mana omukuhani abisambile khushimalilo, bibe eshihaanwa eshikholelwa omulilo khuMWAMI, nomusango kweshiuku. 6Buli mundu weshisnatsn owomubakuhani aliekhwo; kuliilwe habundu undi ahatakatifu; nomutakatifu muno. 7Shinga omusango kwobwonooni olwa kuli, nolwa omusango kweshiuku kuli kurio; amalako namalala; omukuhani oukhola eshitiso nakwikhoonyela, kube okukwe. 8Ne omukuhani oumalila omundu omusangokwe omusambe, omukuhani oyo abukule liseelo liomusango omusambe okwa amalile. 9Kata buli musango kweimele okufumbuukhwa mumayika, nende biosi ebikasilibwa khushifulia kata khuluchio eliokhusambilakhwo, bibe ebiomukuhani oubimalile. 10Kata buli musango kweimele, okutsokasilibwa amafura kata okuli omuheehe, abaana baHaruni bakubukule, nibahelann bosi.
11Ne nmalako khukomusango kwokhwishia okwa omundu aleerela OMWAMI ngakano; 12mbu naba nakuleera khulwa okhuupa orio, hnlala nomusango kwokhuupa orio aleere amaandasi aknbulamwo amamela akatsokasiibwe amafura, nebisikuti ebibulamwo amamela ebibashilwekhwo nmafura, nnmaandasi nkatsokasiibwe amafura, akobusie obunyushe, akatsokasiibwe bulayi; 13aleere eshihaanwashie nemikaate echilimwo amamela halala nomusango kwokhwishia khulwa okhuupa orio. 14Khukwo, aleere shilala eshiomubuli shihaanwa, shibe isadaka YOMWAMI; yibe eyomukuhani owoha amalasile komusango kwokhwishia. 15Nayo inyama yomusango kwokhwishiakhwe khulwa okhuupa orio yiliibwe khunyanga yene eyokhuhaanakhwe; aralekhakhwo yikone okhuula mukambn ta. 16Nebutswa omusango kweshihaanwashie nikuba nikuli okweshiitsubo kata okweshihaanwa eshia nhaana khulwa okhuchama, kuliibwe khunyanga eya amalilakhwo omusangokwe; mana mukamba eshitong'ile nashio shiliibwe; 17habula eyiba niyitong'ile eyokhunyama yomusango okhuula khunynnga yakhataru yisambwe nomulilo. 18Kata inyama yosi yosi yomusango kwokhwishiakhwe niyiba niyakhaliibwa khunyanga yakhataru, omusangokwe shikulafuchiililwn kata okhubasilibwa oyo oukumala ta; kube eshisinyo, ne ouliakhwo nleetuukha obumayaanubwe.
19Inyama yosi eyitiilakhwo khushindu shiomusilo yiraliibwa ta; yisambwe nomulilo. Buli mundu ouli omusiiyikhu aliitsenje khunyama; 20nebutswa omundu yesi ouliakhwo khunyama yomusango kwokhwishia kwOMWAMI, ne nali mwibilu, omundu oyo yaakamibwe mubandube. 21Ne olwa omundu yesi atiilakhwo khushiomusilo kwosi, mbu omusilo kweshinamundu, kata isolo eyili omusilo, kata eshisinyo shiosi eshili omusilo, mana waliakhwo khunyama yomusango kwokhwishia kwOMWAMI, omundu oyo ynakamibwe mubandube.
22Mana OMWAMI naboolela Musa ari 23Boolela abaana baIsiraeli mbu Muraliakhwo amasinya kosi, akeing'ombe, kata akelikondi, kata akeimbusi ta. 24Amasinya komuruko okufwile okwene, namasinya kokwenokwo okutonyatonyilwe netsisolo, mukeekhoonyele khumilimo chindi chiosi; ne okhulia murakaliakhwo ta. 25Okhuba omundu yesi oulia khumasinya komuruko okwa abandu baleera kube eshihaanwa eshikholelwa omulilo khuMWAMI, omwenoyo oukalia yaakamibwe mubandube. 26Kata muraliakhwo amalasile kosi kosi, kata akelinyonyi kata akomuruko ta, mubimenyo bieenywe biosi. 27Kata naba wina ouliakhwo khumalasile, omundu oyo yaakamibwe mubandube.
28Mana OMWAMI naboolela Musa ari 29Boolela abaana baIsiraeli mbu Ouleerela OMWAMI omusango kwokhwishiakhwe, yeetse ewOMWAMI neshihaanwashie eshirula mumusango kwokhwishiakhwe. 30Amakhono keke omwene kachinje ebihaanwa biOMWAMI ebikholelwa omulilo; yeetse namasinya halala neitakata, mbu itakata yichelwe imbeli w, yibe omusango kwokhuchelwa. 31Mana omukuhani asambile amasinya khushimalilo; ne itakata yilaba yaHaruni nabaanabe. 32Nashio eshiatakho eshisaatsa, mushimuheelesie omukuhani kube isadaka okhurula mumisango chiokhwishia khweenywe. 33Omundu oyo owomubaana baHaruni ouleera amalasile kemisango chiokhwishia nende amasinya, niye oubukula eshiatakho eshisaatsa shibe omukabokwe. 34Okhuba embukuule khubaana baIsiraeli itakata eyichelwa neshiatakho shieisadaka okhurula mumisango chiokhwishia khwabwe, nibimuheelesia Haruni omukuhani nabaanabe, bibe ebibakhoyeele tsindaalo tsiosi okhurula khubaana baIsiraeli. 35Kuno nikwo omukabo kwaHaruni nomukabo kwabaanabe, okhurula mubihaanwa biOMWAMI ebikholelwa omulilo, khunyanga olwa yabaleera okhukhalabanila OMWAMI mubukuhani; 36nikwo okwa OMWAMI yalaka mbu baheebwe nabaana baIsiraeli, khunyanga olwa batsushiililwa amafura. Nakwo kubakhoyeele tsindaalo tsiosi munzibulo tsiabwe tsiosi.
37Kano niko amalako khukomusango omusambe, nokhumusango kweimele, nokhumusango kwobwonooni, nokhumusango kweshiuku, nokhubwahuli, nende khumusango kwokhwishia, 38aka OMWAMI yalachilisia Musa mushikulu shiaSinai, khunyanga olwa yalaka abaana baIsiraeli okhuleerela OMWAMI ebihaanwa biabwe, mushitsiimi shiaSinai.
Currently Selected:
Abalawi 7: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
