Abalawi 6
6
1Mana OMWAMI naboolela Musa ari 2Omuu ndu yesi naba niyoonoona nakholela OMWAMI akobukhobani, nakaatia owashie mwikhuwa liesbiechekho, kata omusingo, kata eliobwibi, kata eliokhusandia owashie; 3kata niyanyoola eshindu eshiali nishikorile, nakhola akobukaatii, niyeetsuba akobubeeyi; mwikhuwa liosi khukano aka abandu bakholanga niboonoona; 4kho naba niyoonoona nali neshiuku toto, akalusie shieneshio eshia yabukula munjila yobwibi, kata eshia yanyoola munjila yobusandii, kata eshia yeechekhwa, kata eshiakora naye nashinyoola, 5kata eshindu shiosi eshia yeetsubilakhwo akobubeeyi; ashikalusie shiosi, nashimeetakhwo eshitonye shiakharaano; amuheelesie omweneshio khunyanga olwa aleera omusangokwe kweshiuku. 6Yeetse ewOMWAMI nomusangokwe kweshiuku, mbu limiiku elibula obulema eliomubiayo, elia olachela obukusi, libe omusango kweshiuku, nilileerelwa omukuhani. 7Mana omukuhani amutise imbeli w; naye alaleshelwa khwikhuwa liosi elia omundu akhola naba neshiuku.
Amalako kandi khukemisango
8Mana OMWAMI naboolela Musa ari 9Laka Haruni nabaanabe ori Amalako khukomusango omusambe ngakano; mbu omusango omusambe kube khushisambilo eshiokhushimalilo eshilo tulu okhuula olwa bushia; nakwo omulilo okwokhushimalilo kulindwe kwashenje. 10Naye omukuhani yeefwale inguboye yeikitani, kata nende iserwaliye yeikitani achiifwale khumubili; mana ayoye likoshe elia omulilo kukwisiye omusango omusambe khushimalilo, nalira mushibero shieshimalilo. 11Mana yeefwalule tsingubotsie tsana, niyeefwala tsingubo tsindi, nachinga likoshe nalirusia elwanyi weikambi habundu halafu. 12Ne omulilo okuli khushimalilo kulindwe kwashilenjekhwo, kuleshe okhusima ta; omukuhani asundenjekhwo tsikhwi buli mutsuli; narakhwo omusango kwokhusambwa niyaanza bulayi, nasambilakhwo amasinya kemisango chiokhwishia. 13Omulilo kwashenje khushimalilo obushia nobushia; kuleshe okhusima.
14Khandi amalako khukomusango kweimele ngakano; mbu abaana baHaruni bachimale imbeli w, hambeli weshimalilo. 15Mulala khubo afumbare khubusie obunyushe bwomusango kweimele, nabukula khumafura kakwo, nobubaane bwosi obuli khumusango kweimele, nabisambila khushimalilo, bibe eshiitsulilo shiakwo, eshiuya eshilayi khuMWAMI. 16Ne eshitong'akhwo, Haruni nabaanabe balie; shiliibwe harali amameln ta, habundu undi ahatakatifu; bashiliile mulwanyi Iweliheema liokhwakaana. 17Shileshe okhufumbuukhwa namamela. Eshihaanilwe shibe omukabo kwabwe okwokhubihaanwa bianje ebikholelwa omulilo; neshitakatifu muno, shinga omusango kwobwonooni, kata shinga omusango kweshiuku. 18Buli mundu weshisaatsa owomubaana baHaruni aliekhwo, shibe eshibakhoyeele tsindaalo tsiosi munzibulo tsieenywe, eshirula mubihaanwa biOMWAMI ebikholelwa omulilo; omundu yesi oubitiilakhwo alaba omutakatifu.
19Mana OMWAMI naboolela Musa ari 20Eshihaanwa shiaHaruni nende eshiabaanabe, eshia baleerele OMWAMI khunyanga olwa atsushiililwa amafura, shieshino; mbu eshitonye shielikhumi shia efa ndala yobusie obunyushe khulwa omusango kweimele khatsotselo, eshitonye mutsuli neshitonye mungoloobe. 21Shikholelwe amafura, khuluchio olwokhusambilakhwo j olwa shiba nishitsokasiibwe bulayi, kho winjile ninashio; oleere ebitonye biashio ebifumbuukhu, shinga omusango kweimele, eshiuya eshilayi khuMWAMI. 22Omukuhani owokhubaanabe owatsushiililwa amafura, oulakalusibwa mushilenjeshie, nbe oushileera; nelikhuwa elilachilisibwa lietsindaalo tsiosi; lisambilwe OMWAMI liosi pe. 23Kata buli musango kweimele kwomukuhani kusambwe liosi pe; shikulaliibwa ta.
24Mana OMWAMI naboolela Musa ari 25Boolela Haruni nabaanabe ori Amalako komusango kwobwonooni ngakano; mbu hnbundu aha omusango kwokhusambwa kwirilungwa, niho aha omusango kwobwonooni kwirilwa imbeli w; nomutakatifu muno. 26Omukuhani oukumala khulwa obwonooni akulie; kuliilwe habundu undi ahatakatifu, mulwanyi Iweliheema liokhwakanna. 27Shiosi shiosi eshitiilakhwo khunyama yakwo shilakwn eshitakatifu; kata olwa amalasile kakwo kaba nikamiitsiishekhwo khungubo, oloosie ingubo tsana eya kamiitsiishekhwo, hnbundu undi ahatakatifu. 28Nayo inyungu eya kuteeshilwemwo yarwe; kata nikubn nikuteeshilwe khushifulia shiomukasa, nashio shiruutwe, nishiosibwa namatsi. 29Buli mundu weshisaatsa owomubakuhani aliekhwo; nomutakatifu muno. 30Nebutswa omusango kwobwonooni kwosi, okwn amalasile kakwo kaleerwa mwiheema liokhwakaana okhukhola eshitiso habundu ahatakatifu, shikulaliibwakhwo ta; kusambwe nomulilo.
Currently Selected:
Abalawi 6: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
