Abalawi 5
5
1Omundu yesi naba niyoonoona olwa ahulila omulango kwokhwitsuba akobuloli, naye nali omuloli, kata owalola netsimoni kata owamanyibwa, ne nararumbula ta, kho yeetuushe obumayaanubwe. 2Kata omundu naba natiilakhwo khushiomusilo kwosi, kata nishili eshirundu shieisolo eyomusilo, kata eshirundu shiomuruko kwomusilo, kata eshirundu shiebindu ebimoola hasi biomusilo, ne nikamwibisila, naba mwibilu, kho aba neshiuku. 3Kata naba natiilakhwo khumusilo kweshinamundu, kata obukaali bwosi bwosi obuchila naba mwibilu, nikamwibisila; olwa amanya kho aba neshiuku. 4Kata omundu naba niyeetsuba nomunwa matetekhana okhukhola obubii kata okhukhola obulayi, likhuwa liosi liosi elia omundu aboola matetekhana khushiitsubo, ne nilimwibisila; olwa amanya, kho aba neshiuku mwikhuwa elala khukano. 5Ne olwa aba nali neshiuku mwikhuwa liosi eliokhu ako, yeeyame eliene elia yoonooneele; 6mana yeetse ewOMWAMI nomusangokwe kweshiuku khulwa eshionoono eshia yoonoonile, mbu eshikhasi eshiomubiayo, kata likondi kata imbusi, khulwa omusango kwobwonooni; ne omukuhani amutise khukeshionoonoshie.
7Ne naba nali omumanani ouranyala likondi ta, yeetse ewOMWAMI nomusangokwe kweshiuku khulwako aka yoonoonile, mbu amahuusi kabili kata emisosole chibili chiamakuuku; elala libe omusango kwobwonooni, ne elindi libe omusango omusambe. 8Yeetse ninako ewomukuhani, naye aranjilile aleere lienelo elili liomusango kwobwonooni, aborole likosi nafwonola omurwe, oburaliarasilia elala ta; 9mana yoohe akandi khumalasile komusango kwobwonooni khulubeka Iweshimalilo; nako amalasile akatong'a karaatsile hasi weshimalilo; nomusango kwobwonooni. 10Mana aleere eliakhabili libe omusango omusambe, eshiima eshialakwa shinga olwa shili; kho omukuhani amutise khukeshionoonoshie eshia yoonoonile, naye alaleshelwa.
11Ne naba nali omumanani ouranyala amahuusi kabili kata emisosole chibili chiamakuuku ta, yeetse neshihaanwashie khulwako aka yoonoonile, mbu eshitonye shielikhumi shia efa ndala yobusie obunyushe khulwa omusango kwobwonooni; aleshe okhurakhwo amafura, kata okhurakhwo obubaane ta; okhuba nomusango kwobwonooni. 12Yeetse ninabwo ewomukuhani, naye omukuhani afumbarekhwo obulaba eshiitsulilo shiabwo, nabusambila khushimalilo, khubihaanwa biOMWAMI ebikholelwa omulilo; nomusango kwobwonooni. 13Kho omukuhani amutise khushionoonoshie eshia yoonoonile mwikhuwa liosi khukano, naye alaleshelwa; nabwo obutong'a bube bwomukuhani, shinga omusango kweimele olwa kubeele.
Emisango chieshiuku
14Mana OMWAMI naboolela Musa ari 15Omundu yesi naba nakhola akobukhobani, niyoonoona khulwa okhukorwa mwikhuwa liebitakatifu biOMWAMI, kho yeetse ewOMWAMI nomusangokwe kweshiuku, mbu limiiku elibula obulema eliomubiayo, elia olachela obukusi bwalio tsishekeli tsieifeetsa, nochela khushekeli yahabundu ahatakatifu, libe omusango kweshiuku; 16khandi arunje shieneshio eshia yoonoonela khubitakatifu, nameetakhwo eshitonye shiakharaano, namuheelesia omukuhani; naye omukuhani amutise limiiku liomusango kweshiuku, naye alaleshelwa.
17Omundu yesi naba niyoonoona nakhola likhuwa liosi elia OMWAMI yakaana oburakholwa ta; ne kata olwa aramanya ta, khane ali nende eshiuku; aleetuukha obumayaanubwe. 18Yeetse ewomukuhani nelimiiku elibula obulema eliomubiayo, elia olachela obukusi, libe omusango kweshiukuj naye omukuhani amutise khulienelo elia yashiamilemwo khulwa okhukorwa, naramanyile ta; naye alaleshelwa. 19Nomusango kweshiuku; okhuba ali neshiuku toto imbeli wOMWAMI.
Currently Selected:
Abalawi 5: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
