Abalawi 4
4
Emisango chiobwonooni
1Mana OMWAMI naboolela Musa ari 2Boolela abaana baIsiraeli mbu Omundu yesi khwinywe naba niyoonoona khulwa okhukorwa, mwikhuwa liosi elia OMWAMI yabakaania oburakhola ta, nakhola elindi khuko; 3naba nali omukuhani owatsushiililwa amafura ouba niyoonoonile naleerela abandu eshiuku; kho khulwa eshionoonoshie eshia yoonoonile aleerele OMWAMI ihuunwa, eyibula obulema, khulwa omusango kwobwonooni. 4Yeetse nende isurusi tsana hamuliango weliheema liokhwakaana imbeli w; mana are omukhono khumurwe kweisurusi, nachiirila imbeli wOMWAMI. 5Mana omukuhani owatsushiililwa amafura abukule khumalasile keisurusi, niyeetsa ninako mwiheema liokhwakaana; 6omukuhani niyeena olwala mumalasile, namiitsa amalasile tsana okhuula musaafu imbeli w, imbeli weingubo ishinga yahabundu ahatakatifu. 7Mana omukuhani arekhwo amalasile khunzika tsieshimalilo shiamaleesi kelibuuliesi akeisuuswa imbeli wOMWAMI, eshili mwiheema liokhwakaana; ne amalasile akeisurusi kosi, akatsushe hasi weshimalilo shiemisango emisambe, eshili hamuliango wehheema liokhwakaana. 8Ne amasinya kosi keisurusi yomusango kwobwonooni, akayiniekhwo; mbu amasinya akafuunikha amala, namasinya kosi akali khumala, 9netsifiko tsibili tsiombi, namasinya akali khutsio, akali khushikhuulu, nolufuurilo olwokhushini, olwa ayinia halala netsifiko, 10shinga olwa kayinibwa khung'ombe yomusango kwokhwishia; mana omukuhani abisambile khushimalilo shiemisango emisambe. 11Ne liseelo lieisurusi, neinyama yayo yosi, halala nomurwe, nebilenje, namala, nobuse, 12mbu ing'ombe yosi, achinje narusia elwanyi weikambi habundu halafu, aha likoshe litsukhungwa, achisambile khukhwi nomulilo; aha likoshe litsukhungwa niho aha yilasambilwa. 13Omukhung'aano kwosi kwaIsiraeli nikuba nikukhola likosa, likhuwa elo nilibiswa mumoni tsielibukaana, nibakholile elala khu ako aka OMWAMI yakaana mbu karakholwa ta, nibali neshiuku toto, 14olwa eshionoono eshia boonoonile shiba nishimanyiishe, habwenaho abelibukaana baleere ihuunwa khulwa omusango kwobwonooni, nibeetsa ninayo imbeli weliheema liokhwakaana. 15Mana abakofu abomumukhung'aano bare amakhono kabwe khumurwe kweihuunwa imbeli wOMWAMI; nayo ihuunwa yirilwe imbeli wOMWAMI. 16Naye omukuhani owatsushiililwa amafura aleerekhwo khumalasile keihuunwa mwiheema liokhwakaana; 17omukuhani niyeena olwala mumalasile, nakamiitsa okhuula musaafu imbeli wOMWAMI, imbeli weingubo ishinga. 18Mana arekhwo amalasile khunzika sieshimalilo eshili imbeli w, mwiheema liokhwakaana; ne amalasile kandi kosi, akatsushe hasi weshimalilo shiemisango emisambe eshili hamuliango weliheema liokhwakaana. 19Ayiniekhwo amasinya kayo kosi, akasambile khushimalilo. 20Nolwa alakholela ihuunwa eyo; shinga olwa yakholela ihuunwa yomusango kwobwonooni, nilwo olwa alakholela yino nayo; omukuhani abatise, nabo balaleshelwa. 21Mana achinje ihuunwa achirusie elwanyi weikambi, nachisamba shinga olwa yasamba ihuunwa eyambeli; niyo omusango kwobwonooni khulwa libukaana.
22Olwa omundu omuruchi aba niyoonoona, nakhola elala khu ako aka OMWAMI Nyasayewe yakaana mbu karakholwa ta, khulwa okhukorwa, ne nali neshiuku toto, 23naba namanyibwa eshionoonoshie eshia yoonoona, yeetse neshihaanwashie, mbu imbusi ikhole eyibula obulema; 24nara omukhono khumurwe kweimbusi, nachiirila habundu aha beerelanga omusango kwokhusambwa imbeli w; nomusango kwobwonooni. 25Mana omukuhani abukule khumalasile komusango kwobwonooni nende olwala, nakara khunzika tsieshimalilo shiemisango emisambe, natsukha amalasile kandi kosi hasi weshimalilo shiemisango emisambe. 26Ne amasinya kakwo kosi akasambile khushimalilo, shinga amasinya komusango kwokhwishia; ne omukuhani amutise khukeshionoonoshie, naye alaieshelwa.
27Ne omundu yesi owokhubandu beshialo naba niyoonoona khulwa okhukorwa, nakhola elala khu ako aka OMWAMI yakaana mbu karakholwa ta, ne nali neshiuku toto, 28naba namanyibwa eshionoonoshie eshia yoonoona, yeetse neshihaanwashie, mbu imbusi isibiini eyibula obulema, khulwa eshionoonoshie eshia yoonoonile, 29nara omukhono khumurwe kwomusango kwobwonooni, niyeerela omusango kwobwonooni habundu womusango omusambe. 30Naye omukuhani abukule khumalasile kakwo nende olwala, nakara khunzika tsieshimalilo shiemisango emisambe, mana amalasile kakwo kosi akatsushe hasi weshimalilo. 31Ne amasinya kakwo kosi akayinie, shinga amasinya olwa kayinibungwa khumusango kwokhwishia; mana omukuhani akasambile khushimalilo khulwa eshiuya eshilayi khuMWAMI; ne omukuhani amutise, naye alaleshelwa.
32Ne naba niyeetsa nelikondi libe eshihaanwashie shiomusango kwobwonooni, yeetse nende likhasi elibula obulema, 33nara omukhono khumurwe kwomusango kwobwonooni nakwira kube omusango kwobwonooni, habundu aha beerelanga omusango omusambe. 34Naye omukuhani abukule khumalasile komusango kwobwonooni nende olwala, nakara khunzika tsieshimalilo shiemisango emisambe, mana amalasile kakwo kosi akatsushe hasi weshimalilo. 35Ne amasinya kakwo kosi akayinie, shinga amasinya kelikondi olwa kayinibungwa khumusango kwokhwishia; mana omukuhani akasambile khushimalilo, khubihaanwa biOMWAMI ebikholelwa omulilo; ne omukuhani amutise khukeshionoonoshie eshia yoonoonile, naye alaleshelwa.
Currently Selected:
Abalawi 4: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
