Abalawi 25
25
Emiyika chieisabato, nende echieiyubile
1OMWAMI naboolela Musa mushikuhl shiaSinai, ari 2Boolela abaana baIsiraeli mbu Olwa mwinjila mushialo eshia emuheelesia, kho liloba libe neisabato yOMWAMI. 3Emiyika chisasaba oraachenje omukundakwo, nemiyika chisasaba okhalilenje omukundakwo kwemitsabibu, nokhung'aasia ebiamo biachio; 4ne omuyika kwomusaafu kulaba isabato yomuhongo khulwa liloba, isabato yOMWAMI; oraraakakhwo omukundakwo kata okhukhalila omukundakwo kwemitsabibu ta. 5Ebikholo bielichesalio, ebiakhaba nibimela ebiene, orabifuna ta; kata tsinzabibu etsiomutsabibukwo okurakhaliilwe tawe, orabikhung'aasia ta; kube omuyika kwomuhongo khulwa liloba. 6Isabato yeliloba yilaba khulwa ebiliibwa khulweenywe; mbu khululwo omwene, khulwa omukholiwo omusaatsa nomukholiwo weshikhasi; khulwa omukholiwo ouhandiichilwe omushaara, khandi khulwa omucheniwo owa omenyakhwo ninaye; 7khulwa emirukochio, khandi khulwa tsisolo etsili mushialoshio; ebiamo biashio biosi bilaba ebieenywe khulwa ebiliibwa.
8Mana obale tsisabato tsiemiyika musaafu, mbu emiyika musaafu akhandi musaafu; natsio tsindaalo tsietsisabato musaafu tsiemiyika tsimubeele emiyika amakhumi kane nashienda. 9Mana okhupe olwika olukhongo ebulafu khunyanga yel humi eyomumwesi kwomusaafu; khunyanga yeshitiso okhupe olwika ebulafu mushialoshio shiosi. 10Ne mwahule omuyikn okwo kwamakhumi karaano, nimutswania akobulekhuule mushialo, khubamenyamwo bosi; kumubeele yubile; kho mulakalusilie buli mundu omwandukwe, khandi mukalusie buli mundu khubeinzuye. 11Omuyika okwo kwamakhumi karaano ku lamubeela yubile; muraraakakhwo, kata okhufuna ebikholo ebiakhaba nibhnelile ebiene, kata okhukhung'aasia tsinzabibu etsiokhumitsabibu echio echirakhaliilwe ta. 12Okhuba niyubile; yimubeele indakatifu; mulaliitsanga ebiamo biayo ebirula mumukunda.
13Mumuyika kuno kwayubile mukalusilie buli mundu omwandukwe. 14Ne noba nokusia owashio eshindu, kata okhukula mumukhono kwowashio, murabatsananga tawe; 15emiyika echilonda khuyubile shinga olwa chili, nolwa olakula khuwashio; ne emivika chielichesa shinga olwa chili, nolwa alakhukusia ario. 16Emiyika nichili eminji, omeete obukusi; emiyika nichili emituutu, otuutuyie obukusi orio; shichila eshia akhukusia nishio obunji bwemiyika chielichesa. 17Murabatsananga ta; ne oriitsenje Nyasayewo; okhuba isie nisie OMWAMI Nyasayewo.
18Khulwako mukholenje aka ndamulachilisia nimulinda akobukhalachi bwanje nimukakhola; kho mulamenya mushialo eshio shisale. 19Nashio eshialo shilaama ebiamo bulayi, neenyu mulalia nimwikura, nimumenyayo shisale. 20Ne nimuba nimureeba mbu Khulakhalia shiina mumuvika kwomusaafu? Lola, shikhunyala okhuraaka, kata okhukhung'aasia lichesa ta. 21Nasi ndalalaka ikhabi yanje khwinywe mumuyika kwakhasasaba, nakwo kuleerikha okhushila, ebiamo ebihela emiyika chitaru. 22Mumuyika kwakhataru muraache, nimushiliitsanga imele eyabirila; okhuula khumuyika kwashienda, olwa imele yakwo yilacheswa, muliitsenje eyabirila. 23Liloba shililakusilibwa elala, khulwa tsindaalo tsieinziayo, ta; okhuba liloba nelianje; okhuba muli abarende nabamenyibwa ninasi. 24Mushialo shiosi eshili eskieenywe, mulafuchiililanga liloba okhununulwa.
25Omwana weenywe naba namanaane, nakusiakhwo emiandu, kho omuluyia ouli ahambi khuluyla lwabwe yeetse anunme oKweno okwa omwana wabwe aba nakusiye. 26Ne omundu naba nabula nende oukununula, mar omwene namala nayindihala nanyoola ebihe okhukununula; 27kho abale emiyika chiobl kusi bwakwo, nakalusia ebishilaasia ewomund tsana owa yakukusia; naye amukalusilie omwandukwe. 28Ne naba naranyala okhunyoola eb hela okhukukalusilibwa ta, kho okwa yakus kutong'e nlumukhono kwa oyo owakukula okhuu khumuyika kwayubile; mana muyubile kul khuulwe, naye akalushe khumwandukwe.
29Kata omundu naba nakusia inzu eyokhumenyamwo eyili mwitaala liolukoba, kho mushise shiomuyika omulamba olunyuma Iwokhulkusia anyala okhuchinunula; omuyika omulamba abe nobunyali bwokhununula. 30Ne niyiba niyiranunulwa omuyika omulamba nikushili okhuhwa ta, kho inzu eyo eyili mwitaala liolukoba yimutinyisilibwe oyo owachikula inziayo, munzibulotsie tsiosi; shiyilalekhuulwa muyubile ta. 31Habula tsinzu etsiomubimenyo bindi ebirabotokhanwa nolukoba ta, tsibasibwe halala nemikunda chieshialo; tsinunulwe khandi tsilekhuulwe muyubile. 32Nebutswa amataala kabaLawi, tsinzu etsiomumataala akali akabwe, abaLawi batsinunule inyanga yosi yosi. 33Ne omundu omuLawi naba naranunula ta, kho inzu tsana eyakusibwa mwiaala elili elilie, yilekhuulwe muyubile; okhuba tsinzu tsiamataala kabaLawi netsiabwe abeene, mubaana baIsiraeli. 34Habula emikunda chiobwayilo bwamataala kabwe shichikusibwa ta; okhuba nechiabwe inziayo.
35Omwana weenywe naba namanaane, amakhonoke nikali amatendeyu oburanyala okhumuliisia ewa oli ta, kho iwe omuleetelele; omenyenje ninaye shinga omurende nomumenyibwa. 36Orabukula mumukhonokwe inganga kata injelesio ta; ne oriitsenje Nyasayewo; mbu omwana weenywe omenyenje ninaye. 37Oramuhosia amapeesako mbu onyoole inganga khuye, kata ebiokhulia khulwa injelesio ta. 38Isie nisie OMWAMI Nyasaye weenywe, owamurusia mushialo shiaMisiri, okhumuheelesia eshialo shiaKanaani, nokhuba Nyasaye weenywe.
39Kata omwana weenywe naba namanaane nali ninawe, niyeekusia omwene khwiwe, oramukhosia emilimo shinga omusumba ta; 40ne abe khwiwe shinga omukholi womushaara, kata shinga omumenyibwa; akhukholelenje okhuula khumuyika kwayubile; 41mana akhurulekhwo, ye nabaanabe bosi, nakalushila abeinzu yabwe, nakalukha khumukunda okwali kwabakuukanyene. 42Okhuba nibo abasumba banje, aba ndarusia mushibala shiaMisiri; barakusibwa mubusumba ta. 43Oramuruka obutinyu ta; ne oriitsenje Nyasayewo. 44Ne akabasumbabo abeshisaatsa nabakholibo abakula abeshikhasi aba olaba ninabo, mukulenjs knumahanga akamubotokhana abasumba nabakholi beshikhasi. 45Khandi mukulenjekhwo khubaana babarende ababa nibamenya mwinywe, nabetsinzu tsiabwe aba muli ninabo aba bakhaba nibeebuule mushialo shieenywe; nabo balaba emiandu chieenywe. 46Mubakhole babe obulaame bwabaana beenywe munyuma weenywe, okhulaamwa babe emiandu chiabwe; khubeenabo mubukulenje abasumba beenyive inziayo; ne khubaana beenywe abaana haIsiraeli; murarukananga nobutinyu ta.
47Omundu omuiende kata omumenyibwa owa oli ninayl naba na yindihala, naye omwana weenywe ourondokhana ninaye naba namanaane, niyeekusia khumurende oyo, kata khumumenyibwa owa oli ninaye, katakhuwundi oweinzu yomurende tsara; 48olwa aba namalile okhukusibwa, anyala okhunmulwa; oundi owokhubaana babwe amunumule; 49kata ousamwanawe, kata omwana wousamwanawe, amununule, kata oundi yesi omuluyia ouli ahambi khuluyia lwabwe amununule; kata omwene naba namala ayindihale, yeenunule omwene. 50Mana abalane nende oyo owamukula akhurula khumuyika olwa yeekusia okhuula khumuyika kwayubile; mana obukusi bwokhukusibwakhwe buchelwe obunji bwemiyika shinga olwa buli; emiyika echia yali ninaye chibe shinga emiyika chiomukholi womushaara. 51Nichiba nichishili emiyika eminji, echio shinga olwa chili, nolwa akalusia ario obukusi bwobununulwibwe mumapeesa aka yakulwa. 52Ne nichiba nichitong'a emiyika emituutu butswa okhuula khumuyika kwayubile, kho abalane ninaye; emiyikachie shinga olwa chili, nolwa alakalusia ario obukusi bwobununulwibwe. 53Abe khuye shinga omukholi ourungwa omushaara omuyika buli muyika; aramuruka nobutinyu nawe nolola ta. 54Ne naba naranunulwa munjila tsino ta, kho alekhuulwe mumuyika kwayubile, ye nabaanabe bosi. 55Okhuba khwisie abaana baIsiraeli bali abasumba; nabasumba banje aba ndarusia mushibala shiaMisiri; isie nisie OMWAMI Nyasaye weenywe.
Currently Selected:
Abalawi 25: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
