Abalawi 24
24
Akokhulinda itaha
(Okhuru. 27.20-21)
1OMWAMI naboolela Musa ari 2Laka abaana baIsiraeli mbu bakhuleerele amafura kemitseituni amaswache ameeleleshe khulwa tsitaha, mbu itaha yashenje khatsotselo. 3Elwanyi weingubo ishinga eyoburumbusi, mwiheema liokhwakaana, Haruni ashikasinjie okhurula mungoloobe okhuula mutsuli imbeli w khatsotselo; libe likhuwa elilachilisibwa obushia nobushia munzibulo tsieenywe tsiosi. 4Akasinjie tsitaha khushichibi shiatsio shieitsahaabu inzeleleshe imbeli w khatsotselo.
Emikaate chiokhubaho khwOMWAMI
5Obukule obusie obunyushe, obufumbuushe amaandasi ekhumi nakabili; ebitonye bibili bielikhumi bia efa bibe mubuli liandasi. 6Okaanze tsinyali tsibili, kasasaba mulunyali, khumeesa eyo yeitsahaabu inzeleleshe imbeli wOMWAMI. 7Ore obubaane obweleleshe khubuli lunyali, bube eshiitsulilo khumikaate echio, eshihaanwa shiOMWAMI eshikholelwa omulilo. 8Buli nyanga yasabato Haruni achianzenje imbeli wOMWAMI tshldaalo tsiosi, khulwa abaana baIsiraeli, indakano eyirahwaho ta. 9Chibe echiaHaruni nabaanabe; bachiliile habundu undi ahatakatifu; okhuba khuye nomukabo omutakatifu muno kwokhubihaanwa biOMWAMI ebikholelwa omulilo, khulwa obulachilisii oburahwaho ta.
Akokhunyeka eliira liOMWAMI, nende akemirungo chiehonoono
10Haho omwihwa muIsiraeli, owa samwana yali omuMisiri, yachendanga mubaana baIsiraeli; ne oyo omwihwa muIsiraeli nende omundu waIsiraeli bakhupanila mukambi; 11naye omwiwha oyo yanyeka Eliira tsana, nalifwola; nibamuleera ewaMusa. Eliira lianyinamwana niShelomitsi, omukhaana waDibiri, owoluyia lwaDani. 12Nibamura mundindi, okhuula olwa bakhaba nibarumbuliilwe aka OMWAMI aboola.
13OMWAMI naboolela Musa ari 14Oyo ouboolile akokhufwola, mumurusie elwanyi weikambi; mana bosi abamuhuliile, bare amakhono khumurwekwe, mana abomukhung'aano kwosi bamulase namachina. 15Nawe oboolele abaana baIsiraeli mbu Omundu yesi oufwola Nyasayewe, yeetuushe eshionoonoshie. 16Kata oyo ounyeka eliira liOMWAMI, yeerwe bwirwa; abomukhung'aano bosi bamulase bulasa namachina; kata omurende kata omwibule, bosi, olwa banyeka Eliira tsana, beerwe. 17Kata oukhupa omundu namwira, yeerwe bwirwa; 18noyo oukhupa omuruko nakwira, akurunje; mbu obulamu khulwa obulamu. 19Kata omundu naba nalemia owashie; shinga olwa akholile, akholelwe ario yesi; 20mbu okhufinikha khulwa okhufinikha, imoni khulwa imoni, eliino khulwa eliino; shinga olwa yamulemia omundu, yesi arungwe ario. 21Owira omuruko, arunje; nowira omundu yeerwe. 22Mube nobukhalachi bwamalako bulala, khulwa omurende khandi khulwa omwibule; okhuba isie nisie OMWAMI Nyasaye weenywe. 23Kho Musa naboolela abaana baIsiraeli, nabo nibamurusia mukambi oyo ouboolile akokhufwola, nibamulasa namachina. Abaana baIsiraeli nibakhola shinga OMWAMI olwa yamulaka Musa.
Currently Selected:
Abalawi 24: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
