Abalawi 17
17
Habundu wemisango nihalala honyene
1OMWAMI naboolela Musa ari 2Boolela Haruni, nabaanabe, nabaana bosi baIsiraeli, mbu Kano niko aka OMWAMI yalachilisia; mbu 3Omundu yesi owomunzu yaIsiraeli ouba niyeerela ing'ombe, kata likondi, kata imbusi mukambi, kata ouba nashiirila elwanyi weikambi, 4ne nareetsile ninashio hamuliango weliheema liokhwakaana, okhulileera libe eshihaanwa shiOMWAMI imbeli weshimenyo shiOMWAMI ta, eshiina shiamabanga shimufwila omundu oyo; yeebeeniye amalasile; omundu oyo yaakamibwe mubandube; 5kachile abaana baIsiraeli baleere emisango chiabwe echia baba nibeerile mumikunda ebulafu, mbu bachileere ewOMWAMI hamuliango weliheema liokhwakaana, ewomukuhani, nibabimala bibe emisango chiokhwishia khuMWAMI 6Naye omukuhani yoohe amalasile khushimalilo shiOMWAMI hamuliango weliheema liokhwakaana, nasamba amasinya khulwa eshiuya eshilayi khuMWAMI. 7Baleshenje okhumala emisango chiabwe khumadimoni akafwana netsikhole, aka balondangakhwo shinga abaheyi. Lino libabeele elilachilisibwa obushia nobushia munzibulo tsiabwe tsiosi.
8Khandi obaboolele mbu Omundu yesi owakhabaho oweinzu yaIsiraeli, kata owokhubarende abamenyakhwo mubo, oumala omusango omusambe kata omusango kundi kwosi, 9ne nareetsa ninakwo hamuliango weliheema liokhwakaana okhukumalila OMWAMI ta, omundu tsana asishibwe mubandube.
Bakaanibwa oburaliakhwo amalasile ta
10Kata omundu yesi owakhabaho oweinzu vaIsiraeli, kata owokhubarende abamenya mubo, ouliakhwo khumalasile keimbia yosi; isie ndalamuyinilia tsimoni tsianje nimufukula omundu oyo oulia amalasile; ndalamusishia mubandube. 11Okhuba obulamu bwomubili buli mumalasile; nasi ndakamuheelesia khushimalilo okhumutisa; okhuba amalasile niko akakholanga eshitiso, khulwa obulamu. 12Niko akachila nimusunjila abaana baIsiraeli mbu Omundu yesi yesi khwinywe aleshenje okhulia amalasile, kata omurende ouba namenyile mwinywe aleshe okhulia amalasile. 13Ne omundu yesi owakhabaho owokhubaana baIsiraeli kata owokhubarende abamenya mubo, ouyiima isolo yosi kata linyonyi liosi khubiliibungwa, yeebeenia amalasile kashio pe, akafuunishekhwo olufu.
14Okhuba kali kari nanwa khubulamu bwebiemibili biosi; mbu amalasile kabio nobulamu bwabio neshindu shilala. Ne niko akachila nisunjila abaana baIsiraeli mbu Muraliakhwo amalasile keshiomubili shiosi shiosi ta; okhuba obulamu bwabuli shiomubili nibwo amalasile kashio; oukalia alasishibwa. 15Kata buli mundu oulia khushindu eshifwile eshiene, kata eshiatonyatonyilwe netsisolo, kata naba omwibule kata omurende, yoosie tsingubotsie, niyeesinga amatsi, naba mwibilu okhuula olwa bwila; mana abe omusiiye. 16Ne naba naratsiosia ta, kata okhwisinga omubili, kho yeetuushe obumayaanubwe.
Currently Selected:
Abalawi 17: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
